Aizaia 38:12 - Edo Bible (E Baibol Ẹdo) Version 1996

¹² A te fian agbọn mwẹ fua, ọ te sẹ ufomwẹ zẹ vbe owa ukpọn ne a siẹn kua zẹ vbe ukpọn ne a fian hin ido rre. I te gha ro ighẹ te Osanobua rhie ufomwẹ ye ẹdẹ mwẹ.

Aizaia 38:12 ပူးပေါင်းရင်းမြစ်များ

Job 14:2

Ma ghi zẹgiẹgiẹ wan, a ghi vbe zẹgiẹ luẹluẹ kua zẹ vbe obobo a ghi ho ima bẹkun zẹ vbe obobo.

Job 17:1

“Ufomwẹ ẹdẹ agbọn mwẹ rre nẹ. Egbe iregbe ne I ghi ya sẹtin hiọnrọn; emwi ne ọ ghi kẹe mẹ i ghi rrọ gberra idin.

Job 4:20

Ọmwa sẹtin gha rre agbọn vbe owiẹ, vbe ọ te sẹ ota, ọ ghi wu vbe ne ọmwa rhọkpa i na rẹn

Job 6:9

Akpawẹ ọ gha wa giẹ obọ kẹe ne ọ gbe mwẹ uan nian!

Psalm 102:11

Agbọn mwẹ yevbe aghọnghọn ota; I yevbe irunmwu ne ọ kakae.

Psalm 119:23

Iran ni khaemwisẹ miegbe, iran ke khuan khẹ mwẹ, sokpan, mẹ gha ruẹ emwi ne u ma mwa re!

Psalm 31:22

Afianma te gha fian mwẹ I keghi te ro wẹ ọ khu mwẹ fua hin ehe ne irẹn ye rre nẹ. Sokpan, ọ họn utumwẹ mwẹ, vbe I kpe tie ẹre nọ iyobọ.

Psalm 73:14

Osanobua, u gunmwẹ rri oya ne ebi ro, owiẹ owiẹ ọre u ya rriọmwẹ oya.

Psalm 90:5

U viọ ima hia gha rriẹ zẹvbe amẹ ne ọ lẹ ma ma vbe kpee gberra, vbene imina ye. Ma yevbe irunmwu ne ọ zọrre vbe owiẹ

Aizaia 1:8

E Jerusalẹm okpa ne ọ ghi kẹe, ẹvbo ne okuo gha gae nọ, ọ kegha re ne ẹ i mwẹ emwi ne ọ degue ẹre, zẹ vbene irhu abodẹ ne ọ rre uwu ogba azara ye, ra irhu ne ọ rre ugbo ẹyẹn.

Aizaia 13:20

Ọmwarhọkpa i ghi ra dọlegbe yin evba ọvbehe. Igabari ne ọ zozo khian i ghi ra dọlegbe bu agọ ye evba, ọsuohuan i ghi viọ ohuan rẹn ya rria vbe evba ọvbehe.

II Kọrinti 5:1

Rhunmwuda, ma rẹnrẹn wẹ, okhogbo ne ima ye na ọnii ọre egbe ne ima mwẹ vbe agbọn na — a gha sin ẹnrẹn kua nẹ, Osanobua gha rhie owa ne ima gha ye vbe ẹrinmwi, ne irẹn tobọ ẹre bọe, owa ne ọ gha rrọọ rhinrin ẹdẹdẹmwẹdẹ.

II Kọrinti 5:4

Omwa vbene ima na ye rre uwu okhogbo agbọn na, te ima gha ye gha khiẹkhiẹ egbe ba ẹmwẹ oya ne a rri ima re, ẹ i re rhunmwuda ighẹ ma ho ne a mu ikinnegbe ọghe agbọn mwa na fua, sokpan ma ho ne a ya ọghe ẹrinmwi yọ mwa, vbene a gha na miẹn wẹ, arrọọ ghi rhie emwi ne ọ sẹtin wu gbe re.

Hibru 1:12

Wẹ gha vbuẹ iran zẹ vbe ẹwu. A ghi vbe fi iran werriẹ zẹ vbe ukpọn. Sokpan abọkpa ni wẹ ye, wẹ i khian ọmaẹn.”

Jems 4:14

Wa ma he rẹn vbene ẹdẹ agbọn uwa gha ye hẹ akhuẹ. Rhunmwuda, te uwu ye vbe ighogho amẹ ne ragha ragha, ne ọ rhie egbe ma vbe ẹghẹ kherhe, a ghi ho ẹre bẹkun.