Aizaia 38:10 - Edo Bible (E Baibol Ẹdo) Version 1996

¹⁰ I te gha ro wẹ vbe ẹghẹ ne agbọn na wa ma mwẹ na te I ghi rrie agbọn iran ni wulo nẹ ne I ghẹ lo ẹdẹ mwẹ hia ne a rhie mẹ.

Aizaia 38:10 ပူးပေါင်းရင်းမြစ်များ

Job 6:11

De ẹtin ne I mwẹ ne I gha na ye gha rre agbọn yi? Vbe i a ghi rre agbọn ba vbe idaehọ i ghi rrọ?

Job 7:7

“Osanobua, yerre wẹ, uhiọnrọnmwẹ ọkpa kẹkan ọ re ẹdagbọn mwẹ khin, oghọghọ ne I mwẹ fo nẹ.

Psalm 102:24

Osanobua, ghẹ rhie mwẹ kpao ẹghẹ na, vbe ẹ i re te I khian ọmaẹn nẹ. O Nọyaẹnmwa, wẹ rrọ ẹdẹdẹmwẹdẹ.

Psalm 102:25

Vbe ẹghẹ ne ọ kpẹ fua, u keghi yi agbọn na, obọ ruẹ ọre u vbe ya yi ẹrinmwi.

Psalm 107:18

Ẹmwẹ evbare ma gie iran ya rẹn enegbe, iran keghi sikẹ uwu.

Psalm 31:23

Wa ho ẹmwẹ e Nọyaẹnmwa, wa ne emwa rẹn, ni gie a mu ẹtin yan hia, e Nọyaẹnmwa ọ re ọ degue ọmwa ne ọ gie a mu ẹtin yan, sokpan, ọ ghi rri iran ni tọn egbe mu oya zẹ vbene ọ ma iran.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Aizaia 38:1

Vbe ẹghẹ na, e Hẹzekaia ne ọba keghi gha khuọnmwi, ọ te ra wa wu. Aizaia ne akhasẹ ighe ovbi Amọz keghi ya miẹn ọẹn, ọ tama rẹn wẹẹ, “E Nọyaẹnmwa we ne a tama ruẹn ne u dọlọ emwi yi, rhunmwuda u i ra fe. Mu egbe ne u gha ya wu.”

Aizaia 38:9

Ugbẹn vbe Hẹzekaia ghi fee nẹ vbe emianmwẹ ne ọ khuọnmwi, ọ keghi gbẹn ihuan urhomwẹ na.

Jona 2:6

Mẹ keghi gha rrie otọ, ehe ne avbe oke nekhua ke zọ kpao, gha rrie ẹvbo ne a khui urho ẹre gbua ẹdẹdẹmwẹdẹ. Sokpan, wẹ ne Nọyaẹnmwa Osanobua mwẹ, keghi si mwẹ ke ẹmwẹ ne unu ke uwu odin gha dee.

II Kọrinti 1:9

Ọ keghi ye ima vbene a miẹn wẹ, a ta ẹe nẹ wẹ ne a gbele ima uan. Sokpan te ọ na sunu ne a ya ma ima emwi wẹ ne ima ghẹ gha mu ẹtin yan egbe mwa vbe ẹ i re Osanobua ọkpa, ne ọ huẹn orinmwi kpaegbe.