Aizaia 37:6 - Edo Bible (E Baibol Ẹdo) Version 1996

⁶ ọ keghi giee ne a ya tama rẹn vbenian. “E Nọyaẹnmwa wẹ ne u ghẹ gie ivbi Asiria runran uwa vbe ne ọ gha na gha kha ighẹ e Nọyaẹnmwa I sẹtin miẹn uwa fan.

Aizaia 37:6 ပူးပေါင်းရင်းမြစ်များ

Ẹksọdọs 14:13

E Mosis keghi wanniẹn tama emwa nii wẹẹ, “Wa ghẹ fian afianma. Wa mudia gbain ne uwa gha ghe emwi ne Nọyaẹnmwa gha ru ya miẹn uwa fan ẹrẹna; ivbi Igipt ne uwa miẹn ẹrẹna, wa i ghi ra dọlegbe miẹn iran ọvbehe.

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 37:5

Aizaia ghi họn uhunmwu ne Hẹzekaia ghie rre,

Aizaia 51:7

“Wa danmwehọ mwẹ, wa ne ọ rẹn emwi ne ọ gbae ni rhie emwi ne I ma iran re mwẹ vbe ekhọe. Wa ghẹ gie ohan mu uwa vbe emwa a gha giẹ ighẹ iran vbe rhovbiẹ uwa;

Aizaia 7:4

Kha ma rẹn wẹ ne ọ sikhua, wẹ ne ọ gie ekhọe ẹre sotọ wẹ ne ọ ghẹ hawa, ọ ghẹ gie ohan mu ẹẹn. Ohu ne ọ mu e Rezin ne Ọba kẹe kevbe ivbi e Siria ne emwa rẹn na kevbe Ọba Pẹka ọ ma zẹdẹ zẹ ẹbe sẹẹ ighogho ne ọ ke ivbi erhan eva ni gbe muẹnmuẹn rre.

Levitikọs 26:8

Isẹn vbe uwu uwa gha sẹtin khọn arhin iyisẹn, iyisẹn gha sẹtin khọn arriaisẹn igbe (10,000).

Iyẹn ne ọ Maan Ọghe Mak 4:40

Ẹkpo ni ọre Jesu ghi na tama avbe erhuanegbe ẹre wẹẹ, “Vbọzẹ ne uwa na runran vberriọ yi? Wa i ye mwẹ iyayi?”

Iyẹn ne ọ Maan Ọghe Mak 5:36

Jesu ma zẹ ye ẹmwẹ ne iran tae sokpan ọ khama rẹn wẹẹ, “Ghẹ fian afianma, sokpan yayi.”

Jọsua 11:6

E Nọyaẹnmwa keghi tama e Jọsua wẹẹ, “Ghẹ gie ohan iran mu uẹn, vbe ọ te sẹ ẹghẹ na akhuẹ, I gha gbele iran hia fo ne ivbi Izrẹl. Wa ghi kun avbe ẹsin iran use, wa ghi giẹn ikẹkẹ okuo iran an.”