Aizaia 37:31 - Edo Bible (E Baibol Ẹdo) Version 1996

³¹ Iran ni ghi miẹn uhunmwu vbe Juda, agbọn gha wa ma iran ẹsẹse, iran gha yevbe erhan ne ọ gie inian rẹn dinmwi ye uwu otọ ẹsẹse, ọ ghi vbe gha mọ ẹsẹse.

Aizaia 37:31 ပူးပေါင်းရင်းမြစ်များ

Psalm 80:9

U gbẹn irunmwu hin ehe ne ọ gha na wan rre nẹ, inian rẹn kakabọ la uwu otọ, ọ keghi wa obọ gba otọe nii hia.

Psalm 92:14

Ne ọ ye mọ vbe ẹghẹ ọmaẹn ne ẹbe ẹre bi nunuunu vbe ẹghẹ hia ọ ghi vbe wegbe.

Aizaia 1:9

Akpawẹ ẹ ire ne Nọyaẹnmwa ne Oghodua na gie eso miẹn uhunmwu vbọ, iran gha wa fuẹn e Jerusalẹm uan fẹẹrẹ zẹvbe Sọdom kevbe Gomorra.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 27:6

Vbe ẹdẹ ne ọ dee, ivbi Izrẹl, iran ne uniẹn Jekọb gha zẹ inian zẹ vbe erhan, iran gha zẹlẹ ebe, iran ghi vbe gbe ighọn. Ọmọ ne iran mọẹn ghi gba agbọn na hia.

Aizaia 37:4

Ọgbaisi Asiria gie avbe ọkaokuo ẹre ne iran do kpa unu ghe Osanobua ne ọ rrọọ. Te Nọyaẹnmwa ne Osanobua ruẹ gha họn avbe ihẹn na ne ọ rri avbe emwa ne ọ kee ẹre unu rre oya. Rhunmwuda ọnii, na erhunmwu ghe Osanobua ne avbe emwa ima ni ghi miẹn uhunmwu.”

Aizaia 4:2

Ẹghẹ dee ne Nọyaẹnmwa gha na ru ẹe ne ivbi erhan kevbe avbe erhan nekhua ni rre otọe na gha kakabọ wan kevbe ne iran gha ma egbe. Avbe ivbi Izrẹl ni ghi miẹn uhunmwu hia gha ghọghọ, iran ghi vbe gha yae hio ighe emwiokọ ne a miẹn gha rhọ vbe otọe nii.

Aizaia 6:13

Gia kha wẹ arhiọnkpa kẹkan miẹn uhunmwu vbe uwu arhin igbe vbe otọe nii, te a ra ye vbe fuẹn irẹn uan, ọ ghi yevbe ut ukhunmwu erhan okan ne a tọn gbe otọ nẹ.” (Ut ukhunmwu ni mudia ye omuhẹn ọgbọn ne emwa Osanobua.)

Aizaia 65:9

I gha fiangbe ivbi Izrẹl ni re ẹwae ọghe Juda vbọ, ivbi uniẹn iran ọ re ọ ra yan otọe mwẹ ne uhunmwu oke. Emwa mwẹ ne a hannọ zẹ, ni vbe gha ga mwẹ, ọ re ọ ra yin evba.

Jerimaia 30:19

Emwa ni rre evba gha so ihuan urhomwẹ iran, gha we ne oghọghọ. Rhunmwuda, afiangbe mwẹ, iran gha muan yọ afiangbe mwẹ gha mu ọghọ ye iran egbe.

Jerimaia 31:7

E Nọyaẹnmwa khare wẹẹ, “Wa ya oghọghọ so ihuan ne Izrẹl ne ọ kpọlọ sẹẹ vbe uwu avbe ẹvbo hia, wa so ihuan Urhomwẹ ọwua, ‘E Nọyaẹnmwa miẹn emwa rẹn fan nẹ, ọ fannọ iran ni ghi dekẹe werriegbe.’

Jerimaia 44:28

“Sokpan, ibozẹghẹ vbe uwu uwa gha miẹn uhunmwu, wa ghi werriegbe ke Igipt gha die Juda. Iran ni miẹn uhunmwu nii ọ re ọ ghi ra rẹn ne ẹmwẹ ọnrẹn ghi sẹẹ vbọ, ọghomwẹ ra ọghe iran.

Ezikiẹl 7:16

Eso gha lẹ la uhunmwu oke zẹvbe avbe idu ne a runraẹn ladian vbe uwu iya. Dọmwadẹ ọghọe gha khiẹ ye orukhọ ẹre.

Ebe ne Pọl gbẹẹn gie emwa Rom 11:5

Erriọ ọre ọ wa vbe ye vbe ẹghẹ na zẹẹ, ọmwa ibozẹghẹ ye rrọọ vbe uwu iran ne Osanobua ye itohan rẹn hannọ zẹ.

Ebe ne Pọl gbẹẹn gie emwa Rom 9:27

Aizaia keghi vbe kha vbekpa Izrẹl wẹẹ, “Ọ gha khọn rẹn ne ivbi Izrẹl gha ye vbe ikpekhae ni rre ọkpẹn okun, ibozẹghẹ ọre a ra miẹnfan vbe uwu iran.

Galatia 3:29

Deghẹ wa re ọghe Kristi, ẹkpo nii, wa ghi vbe gha re ivbi Ebraham, emwi ne Osanobua ve gha vbe sẹ uwa obọ.