Aizaia 37:3 - Edo Bible (E Baibol Ẹdo) Version 1996

³ Vbene ọ wẹ ne iran tama Aizaia ọ re ọna khin: “Ẹdẹ irrioya ọ re ẹdẹnẹrẹ na wa khin, a wa rri ima oya, a fa ima an. Ma ye vbe okhuo ne ọ te ra biẹ, sokpan orhiọn i rrọ ẹre re ne ọ gha ya biẹ ọe.

Aizaia 37:3 ပူးပေါင်းရင်းမြစ်များ

II Ọba 19:3

Uhunmwu ne ọ gie iran re gie Aizaia ọ re ọ na khin wẹẹ, “Ẹdẹ nẹrẹ na, ẹdẹ irrioya nọ, te a rri ima oya na, a vbe fa ima an. Ma ye vbe okhuo ne emwi ubiẹmwẹ ru ne ọ ma sẹtin biẹ.

II Krọnikol 15:4

Sokpan, ọlọghọmwa ghi rre, iran keghi lẹ bu e Nọyaẹnmwa ne Osanobua Izrẹl gha dee. Iran gualọ ẹe, iran keghi miẹn ọẹn.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 91:15

Iran gha kpe tie mwẹ, I gha yaba iran vbe iran a gha rre uwu ibaro. I gha miẹn iran fan I gha vbe ye ọghọ ne iran.

Psalm 95:8

“Wa ghẹ ze vbe udu, vbene avbe erha uwa ru vbe Mẹriba vbe ẹghẹ nii vbe iran rre ato Messa.

Aizaia 22:5

Ẹghẹ ulẹ ọbanban ọna khin, ẹghẹ a khọn ọmwa muotọ kevbe iro hanrẹn vbe Iya Umian, e Nọyaẹnmwa, Oghodua ne Osanobua ne Udazi, ọ re ọ ru ima ọna. Ekẹn ne a gbe lẹga ẹvbo mwa khian ne a rẹnkhẹẹn uan, utumwẹ wa bu rre kegha migbo vbe uhunmwu oke.

Aizaia 25:8

E Nọyaẹnmwa ne Udazi gha fuẹn uwu ua ẹdẹdẹmwẹdẹ. Ọ gha khiẹn ameve hin aro emwa hia rre, ọ ghi mu efa ne ọ te rre egbe emwa rẹn vbe otọ agbọn hia hin iran egbe rre. E Nọyaẹnmwa tobọ ẹre ọ re ọ tae.

Aizaia 26:16

Nọyaẹnmwa, wẹ rri avbe emwa ruẹn oya, ugbẹn vbe obọ ghi da iran, iran keghi na erhunmwu ghe ruẹ.

Aizaia 29:2

ne Osanobua si ọkhọ la rọ ighe ẹvbo nii ne a tie ẹre “ogiukpo Osanobua.” Eve kevbe irria-kọn gha rrọọ, ẹvbo nii hia ghi do yevbe Ogiukpo ne a ya esagiẹn gue ya sẹ otọ.

Aizaia 33:2

E Nọyaẹnmwa, tohan mwa. Wẹ ọ re ima mu ẹtin yan. Gha degue mwa ẹdẹgbegbe, ne u vbe miẹn ima fan vbe ẹghẹ ibaro.

Aizaia 66:7

“Ẹvbo nọhuanrẹn mwẹ yevbe okhuo ne ọ wa biẹ vbe udomwurri vbene emwi ubiẹmwẹ ma na ka ru ẹe.

Aizaia 66:9

Ghẹ gha ro wẹ mẹ gha viọ emwa mwẹ sẹ ọ kẹe ekherhe ne a biẹ iran, ne I ghẹ vbe gia biẹ iran.” E Nọyaẹnmwa tae nẹ.

Jerimaia 30:7

Ẹdẹ ohan wa dee; a i miẹn ẹdẹ ne a ya gie ẹre, ẹghẹ akhiẹ nọ ne emwa mwẹ, sokpan iran gha miẹn uhunmwu vbọ.”

Hozia 13:13

Ẹghẹ te wa gha rrọ ne Izrẹl gha na miẹn uhunmwu, sokpan ukọnmwẹ ma gie ẹe lo ẹre, ọ yevbe ọmọ ne a ra biẹ ne ọ wẹ rẹn ighi ke ẹko ladian.

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Hozia 5:9

Ẹdẹ irria ikhi dee. Izrẹl gha la ọrhiae rrie. Ivbi Izrẹl, ẹ i mwẹ ọna ma sunu.

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.