Aizaia 37:23 - Edo Bible (E Baibol Ẹdo) Version 1996

²³ De ọmwa ne uwẹ ro ighẹ u kpa unu ghe, ne u vbe ya ukpe sakan yi? U ma ya ọghọ mẹ, mẹ ne Osanobua nọhuanrẹn ọghe Izrẹl.

Aizaia 37:23 ပူးပေါင်းရင်းမြစ်များ

II Ọba 19:22

De ọmwa ne uwẹ ro ighẹ u kpa unu ghe usin ne u na vbe ya ẹe gbe ogie yi? U ma ya ọghọ mẹ, mẹ ne Osanobua ne ọ huanrẹn ọghe Izrẹl.

II Ọba 19:4

Ọgbaisi ọghe Asiria gie avbe irriegie ẹre ne iran do kpa unu ghe Nọyaẹnmwa ne ọ rrọọ. Te Nọyaẹnmwa ne Osanobua ruẹ gha họn ẹmwẹ na ne ọ rri iran ni ta ẹe oya. Rhunmwuda ọnii, na erhunmwu ne emwa ima ne iran miẹn uhunmwu.”

II Krọnikol 32:17

Ebe ne ọgbaisi gbẹn wa yagha e Nọyaẹnmwa ne Osanobua Izrẹl, ọ wẹẹ, “Ẹbọ avbe agbọn ẹvbo nekpa ma he sẹtin miẹn emwa iran fan vbe obọ mwẹ a ma wẹ ẹbọ e Hẹzekaia gha vbe sẹtin miẹn emwa rẹn fan vbe obọ mwẹ.”

Psalm 44:16

Vbe I gha miẹn ihue ozan ne iran vin yọmwẹ akhọe; ighe avbe eghian mwẹ kevbe iran ni khuiwu mwẹ.

Psalm 73:9

Iran ta Osanobua ẹrinmwi ọtakhọ, iran ghi gha giẹ emwa uhunmwu ọpakharha vbe agbọn.

Psalm 74:10

Vbe avbe eghian mwa ra giẹ uwẹ kpee sẹ hẹ vbe otọ yi Nọyaẹnmwa? Iran gha kpa unu ghe eni ruẹn rhinrin ẹdẹ ra?

Psalm 74:18

Sokpan, yerre Nọyaẹnmwa wẹẹ avbe eghian an wa giọ ọ kevbe wẹ iran ma rẹn ruẹn iran vbe zan ruẹn.

Psalm 74:23

Ghẹ mianmian uvannọ mwẹ ohu ọghe avbe eghian ruẹn, kevbe owogho ne a i na dobọyi ne avbe eghian ruẹn gbe.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ẹksọdọs 5:2

E Fero keghi wanniẹn wẹẹ, “Gha ọre Nọyaẹnmwa yi? Vbọzẹ ne I gha na danmwehọ ẹre yi ne 1 gele gie ivbi Izrẹl kpao. Mẹ ma rẹn Nọyaẹnmwa, mẹ i ra vbe gie Izrẹl gha khian.”

Ẹksọdọs 9:17

Sevba te u ye hio ku emwa mwẹ, u ma gie iran kpao.

Itan 30:13

Emwa eso rrọ ni ro wẹ iran maa gbe a i miẹn ọmwa vbe ne iran ye hiehiere.

Aizaia 10:12

Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Aizaia 10:17

Osanobua ne uwanmwẹ Izrẹl gha khian erhẹn, Osanobua Nọhuanrẹn ọghe Izrẹl gha khian ogidi erhẹn ne ọ gha giẹn emwi hia a vbe ẹdẹ ọkpa, ya sẹ egbe ogigban kevbe ọkọsọ.

Aizaia 10:20

Ẹghẹ dee, ne a gha na miẹn wẹ iran ni miẹn uhunmwu vbe ivbi Izrẹl i ghi ra gha mu ẹtin yan avbe uhunmwu ẹvbo ni te ra wa fuẹn iran an fẹẹrẹ. Iran gha mu ẹtin yan e Nọyaẹnmwa ne ọ re Osanobua nọhuanrẹn ọghe ivbi Izrẹl, vbe ẹmwata.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 17:7

Ọ gha sẹ ẹdẹ nẹdẹrriọ, emwa gha lẹ bu Ayi ne ọ yii iran ne ọ re Osanobua Nọhuanrẹn ọghe Izrẹl rre ne ọ do ru iyobọ ne iran.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 37:4

Ọgbaisi Asiria gie avbe ọkaokuo ẹre ne iran do kpa unu ghe Osanobua ne ọ rrọọ. Te Nọyaẹnmwa ne Osanobua ruẹ gha họn avbe ihẹn na ne ọ rri avbe emwa ne ọ kee ẹre unu rre oya. Rhunmwuda ọnii, na erhunmwu ghe Osanobua ne avbe emwa ima ni ghi miẹn uhunmwu.”

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Aizaia 41:16

Wa gha fi iran ghe ẹhoho ẹhoho ghi hoho iran gha rrie. Okpẹhoho ghi zagha iran an. Ẹghẹ nii, ẹko uwa gha rhiẹnrhiẹn rhunmwuda ighe mẹ ọrọre Osanobua uwa wa gha rho mwẹ vbe uyi, mẹ ne Osanobua nọhuanrẹn ọghe Izrẹl.

Aizaia 43:14

Osanobua nọhuanrẹn ọghe Izrẹl, e Nọyaẹnmwa ne ọ miẹn uwa fan khare wẹẹ, “Ne I miẹn ehe na miẹn uwa fan, I gha gie ivbiyokuo ne iran ya gu e Babilọn khọn; I gha guọghọ ẹkhu onurho ne ọ rrọọ sẹ otọ uwemwẹ ne emwa ni rrọọ te wee, gha khian eve.

Aizaia 43:3

Rhunmwuda mẹ ọrọre Nọyaẹnmwa ne Osanobua ruẹ, Osanobua nọhuanrẹn ọghe Izrẹl, ọmwa ne ọ miẹn ruẹn fan; I gha sẹ Igipt rae ne I miẹn ruẹn fan. I gha sẹ e Sudan kevbe Siẹba rae.

Aizaia 5:15

A gha fa edọmwadẹ ọghọe rua, a gha vbe mu edọmwadẹ ọghọe ne ọ tọn egbe mu rriotọ.

Aizaia 5:21

Ọghe uwa fo nẹ! Wa ro ighe uwa wan, ighe uwa guẹ emwi gbe.

Jerimaia 48:42

A gha fuẹn Moab ua, ẹi ghi ra vbe gha re okpẹvbo ọvbehe rhunmwuda, ọ sọtẹ mwẹ nẹ.

Ezikiẹl 28:2

“Ovbi ọmwa, tama ọba e Taia ẹmwẹ ne imẹ ne Nọyaẹnmwa ne Udazi tama rẹn wẹ; u gha ye uhiomwẹ tọn ifuẹn mu, u na gha kha wẹ ẹbọ ọ re uwẹ tobọ ruẹ khin. U khare wẹ te uwẹ tota ye ẹkete zẹ vbe ẹbọ vbene avbe okun na lẹga ruẹ. U sẹtin gha ye egbe ta avbe ẹbọ, sokpan ọmwa ne ọ sẹtin wu kẹkan ọ re u khin, u i vbe mwẹ akpa ẹbọ rhọkpa.

Ezikiẹl 28:9

U gha ghi mudia ye odaro avbe iran ni ra gbe uẹ ua nẹ, u ghi do gha re ọmwa ne ọ sẹtin wu, u i ghi re ẹbọ hiehiere.

Ezikiẹl 35:13

I họn ẹmwẹ ọpakharha ne u gha ta gun mwẹ.”

Ezikiẹl 39:7

I gha wa ru ẹe ne Izrẹl ne emwa mwẹ rẹn eni mwẹ nọhuanrẹn. Mẹ i ghi ra ye kue ne a yagha eni mwẹ nọhuanrẹn ọvbehe. Ẹghẹ nii, avbe uhunmwu ẹvbo hia gha rẹn wẹ mẹ ne Nọyaẹnmwa ọrọre Osanobua nọhuanrẹn ọghe Izrẹl.”

Daniẹl 7:25

Ọ gha ye ukpẹ sakan Osanobua ne ọ Sẹehia, ọ ghi gha khulo emwa Osanobua khian. Ọ gha ho ne ọ fi uhi ugamwẹ kevbe emwiukpo ne iran ru werriẹ. Emwa Osanobua ghi vbe gha rre ototọ ẹtin ẹnrẹn vbe ukpo eha vbe ukhiọnmwẹ.

Daniẹl 8:11

Uhin ighe ọ ye vbe fa ovbiọba ọghe ivbiyokuo ẹrinmwi uan, ọ na dobọ ese ne a zọ gie ẹe ẹdẹgbegbe yi, ọ na mu Ọgua Osa rhia.

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!

I Samuẹl 17:26

E Devid keghi nọ emwa ni mudia ke ẹe vbe evba wẹẹ, “De emwi ne a gha ru ne ọmwa ne ọ sẹtin gbe ọmwa na yi, ne ọ vbe ban ukpọn efaa na hin Izrẹl ẹkun rre? Vbe ọ ke rre ighẹ ọ na ghẹ ovbi e Filistin ne ukpikolo, ne ọ do gha fa iran an ighẹ ivbiyokuo Osanobua ne ọ rrọọ.”

I Samuẹl 17:36

I gbele avbe oduma kevbe akpakomiza, e rriọ I ra vbe ru e Filistin ne ukpikolo na, ọmwa ne ọ fa ivbiyokuo Osanobua nọ rrọ ua.