Aizaia 37:2 - Edo Bible (E Baibol Ẹdo) Version 1996

² Ọ keghi gie Eliaikim ne ọ gbearoghe ẹguae, e Siebna ne ọgbenbe ẹguae, kevbe eniwanrẹn ohẹn bu akhasẹ ighẹ Aizaia ne ovbi Amọz. Ukpọn akhiẹ ọ re iran vbe hẹ rhuan.

Aizaia 37:2 ပူးပေါင်းရင်းမြစ်များ

II Ọba 18:18

Iran gie wẹ ne a tie Hẹzekaia ne ọba rre, ọ re eha vbe uwu avbe ekhaẹmwẹ ọnrẹn na bu iran gha khian, iran na kegha re Eliaikim ne ovbi Hilkaia, ne ọka ẹguae, e Siebna, ne ọgbenbe ẹvbo kevbe Joa ne ovbi Asaf nọ sin emwi ẹro.

II Ọba 19:2

Ọ keghi gie Eliaikim ne ọkaẹguae, e Siebna ne ọgbenbe iko kevbe ohẹn ne ọdiọn bu Aizaia ne ovbi Amọz. Iran keghi yọ ukpọn akhiẹ.

II Krọnikol 20:20

Owiẹ vbirrivbirri vbe ẹdẹ ne ọ lelẹe, emwa nii hia kegha rrie uwu ẹgbo ne ọ rre ọkpẹn Tẹkoa. Iran ghi ra wa ladian gha khian, e Jehosiafat keghi tama iran wẹẹ, “Ivbi e Juda kevbe Jerusalẹm, wa mu ẹtin yan e Nọyaẹnmwa ne Osanobua uwa, wa ghi vbe mudia gbain. Wa ya avbe ẹmwẹ ne akhasẹ ẹre tama uwa yi, ọ gha vbe dinnodẹ ne uwa.”

Ẹsta 4:1

E Modekai ghi họn avbe emwi na hia ni sunu, ọ keghi sọ ukpọn ye egbe ẹre ẹkun, ọ keghi viọ ukpọn akhiẹ yọ, ọ keghi zẹ emuẹn yan uhunmwu, ọ keghi khian la ẹvbo nii lẹga vbene ọ na wa kpe orhu eve orriara.

Aizaia 1:1

Ẹmwẹ ne Osanobua rhie ma Aizaia ne akhasẹ ne ovbi Amọz vbe ekpa e Juda kevbe Jerusalẹm, vbe ẹghẹ avbe ọba Uzaia, e Jotan, Ahaz kevbe Hẹzekaia ne avbe ọba e Juda, ọ re ọ rre Ebe na.

Aizaia 20:2

Odẹ ukpo eha ne ọ gberra, emwi na ke do sunu, e Nọyaẹnmwa ke khama Aizaia ne ovbi Amọz wẹ ne ọ bannọ ibata ẹre kevbe ukpọn ẹkpo ivin ne ọ te yọ hẹ kua. Ọ keghi gele ru vberriọ, ọ na bannọ uan gha ya owẹ kẹkan mama otọ lele ehe hia khian.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Aizaia 22:15

E Nọyaẹnmwa ne Oghodua keghi tama mwẹ wẹ ne I gha rrie ọghe Siebna, ne ọ re ọdia ne ọ gbearoghe igiowa ọba, ne I ya tama rẹn wẹẹ,

Aizaia 22:20

E Nọyaẹnmwa keghi tama Siebna wẹẹ, “Ọ ghẹ ghi sunu nẹ vberriọ, I ghi gie ne a tie ọguọmwadia mwẹ ighẹ Eliaikim ne ovbi e Hilkaia,

Aizaia 36:3

Ivbi e Juda eha keghi rre do vba ẹre, iran eha ni gbearoghe ẹguae, ena ọre Eliaikim ne ovbi e Hilkaia, ọgbenbe ẹguae ighe Siebna, kevbe Joa ne ovbi Asaf, ne isiẹnmwẹro.

Aizaia 37:14

Ẹre Hẹzekaia ne ọba na miẹn emwa ne iran gie rre ebe nii, ọ na tie ẹre. Ẹre ọ na gha rrie Ọgua Osa, ọ na rhie ebe nii ye evba vbe odaro e Nọyaẹnmwa.

Aizaia 37:21

Ẹre Aizaia na giee ne a tama e Hẹzekaia ne ọba wẹ zẹ vbe ewanniẹn ye erhunmwu ne ọba naẹn,

Aizaia 38:1

Vbe ẹghẹ na, e Hẹzekaia ne ọba keghi gha khuọnmwi, ọ te ra wa wu. Aizaia ne akhasẹ ighe ovbi Amọz keghi ya miẹn ọẹn, ọ tama rẹn wẹẹ, “E Nọyaẹnmwa we ne a tama ruẹn ne u dọlọ emwi yi, rhunmwuda u i ra fe. Mu egbe ne u gha ya wu.”

Joẹl 1:13

Wa yọ ukpon akhiẹ ne uwa gha viẹ ne avbe ohẹn ni ga vbe Ogiukpo. Wa gha rrie uwu Ọgua Osa, ne uwa ya ye asọn hia khiẹ! Ọka ra ayọn i ghi rrọ, ne uwa gha ya ru imuohan gie Osanobua uwa.