Aizaia 37:17 - Edo Bible (E Baibol Ẹdo) Version 1996

¹⁷ Banbanna nian, e Nọyaẹnmwa, danmwehọ mwa ne u vbe ghe emwi ne ima miẹn. Danmwehọ avbe ẹmwẹ ne Senakẹrib ta ne ọ ya kpa unu ghe ruẹ, wẹ ne Osanobua ne ọ rrọọ.

Aizaia 37:17 ပူးပေါင်းရင်းမြစ်များ

II Krọnikol 6:40

“Banbanna nian, Osanobua mwẹ, tọn aro mu ghe ima ne u gha họn erhunmwu ne a na vbe emwa na.

Aizaia 37:4

Ọgbaisi Asiria gie avbe ọkaokuo ẹre ne iran do kpa unu ghe Osanobua ne ọ rrọọ. Te Nọyaẹnmwa ne Osanobua ruẹ gha họn avbe ihẹn na ne ọ rri avbe emwa ne ọ kee ẹre unu rre oya. Rhunmwuda ọnii, na erhunmwu ghe Osanobua ne avbe emwa ima ni ghi miẹn uhunmwu.”

Psalm 17:6

Rhunmwuda ne u na họn urhu mwẹ, ọ re I na na erhunmwu ghe ruẹ Osanobua; rhunmwuda ọnii nian, werriẹ aro rre ne u danmwehọ ẹmwẹ mwẹ.

I Pita 3:12

Rhunmwuda, te Nọyaẹnmwa wa rhie aro ye egbe ọmwata, ọ ghi gha họn erhunmwu ẹnrẹn vbe ẹghẹ hia. Sokpan, ọ ghi mu aro da iran ni ru emwi dan.”

Psalm 74:22

Rhiọrre Osanobua ne u khọn ekhae ne egbe ruẹ, yerre wẹ, avbe emwa ni ma rẹn ruẹn wa giẹ uwẹ ne ebi ro.

Psalm 79:12

Nọyaẹnmwa, ha ẹre werriegbe ne avbe uhunmwu ẹvbo nekpa igba ihinrọn rhunmwuda unu ne iran filo guẹ.

Psalm 74:10

Vbe avbe eghian mwa ra giẹ uwẹ kpee sẹ hẹ vbe otọ yi Nọyaẹnmwa? Iran gha kpa unu ghe eni ruẹn rhinrin ẹdẹ ra?

Psalm 71:2

Rhunmwuda ighẹ ọmwata wẹ khin, yọmwẹ obọ ne u miẹn mwẹ fan. Danmwehọ mwẹ, ne u yuo mwẹ ladian.

Job 36:7

Ọ degue iran ni re ẹmwata ọ ghi vbe giẹ iran gha khaemwisẹ vbe ọba. Ọ ghi vbe giẹ a gha ya ọghọ ne iran ẹdẹdẹmwẹdẹ.

II Samuẹl 16:12

U gha ghe, e Nọyaẹnmwa gha zẹ ye usẹ ẹmwẹ agbọn ne I miẹn, ọ ghi ya ihẹn ne ọ tie na khian afiangbe mẹ.”

II Ọba 19:16

Wanwanna nian, e Nọyaẹnmwa ghe emwi ne ọ sunu vbe egbe ima. Gha họn ẹmwẹ ne Senakẹrib ta ya kpa unu ghe uwẹ ne Osanobua ne Udazi.

Psalm 116:1

Mẹ ho ẹmwẹ Nọyaẹnmwa, rhunmwuda, ọ họn urhu mwẹ; ọ rhie ehọ ye erhunmwu mwẹ.

II Krọnikol 7:15

I ghi gbe aro ghe Ọgua Osa na, I ghi vbe mu egbe ne I ya họn erhunmwu ne iran na vbe emwa,