Aizaia 37:16 - Edo Bible (E Baibol Ẹdo) Version 1996

¹⁶ “E Nọyaẹnmwa ne Oghodua, Osanobua Izrẹl, wẹ ne ọ tota ye odukhunmwu ehe ne avbe emwi ne a yi ni zẹ ifuẹn nii ye, wẹ okpa kẹkan ọrọre Osanobua, wẹ ọ re ọ vbe khaemwisẹ yan avbe otọe arriọba ni rre agbọn na hia, wẹ ọ re ọ yi otọe kevbe iso.

Aizaia 37:16 ပူးပေါင်းရင်းမြစ်များ

Gẹnẹsis 1:1

Vbe omuhẹn, vbe Osanobua yi agbọn kevbe emwi hia ni rre iso.

II Samuẹl 7:26

Usi ruẹ gha kpọlọ ẹdẹdẹmwẹdẹ, emwa ghi vbe gha kha wẹẹ, ‘E Nọyaẹnmwa ne Oghodua ọrọre Osanobua Izrẹl.’ U gha vbe gie uniẹn arriọba mwẹ gha rrọọ ẹdẹdẹmwẹdẹ.

I Ọba 18:32

Ọ keghi ya avbe okuta nii dọlegbe bọ Ogiukpo ne a na ga e Nọyaẹnmwa. Ọ keghi tọn uvun lẹga ẹre, uvun nii dinmwi sẹ ne ọ gha mu sẹ omwa egalọn enẹ ọghe amẹ.

I Ọba 8:6

Avbe ohẹn keghi mu Ẹkpẹti Ile nii, iran na ya mu ẹẹn ye Ehe Ne ọ Huan Sẹẹ Ehia vbe Ọgua Osa, vbe ototọ ifuẹn avbe aranmwẹ ni zẹ ifuẹn.

II Ọba 5:15

Ọ keghi dọlegbe bu Elaisia gha khian ke irẹn kevbe emwa rẹn hia, ọ wẹẹ, “Banbanna nian, mẹ miẹn wẹ Osanobua i rrọ hiehie gberra Osanobua Izrẹl, rhunmwuda ọnii, u ghi miẹn mwẹ emwi ihaoko na.”

Ẹzra 1:3

Osanobua ne ọ yaba uwa hia ni re emwa rẹn. Wa ghi do gha rrie Jerusalẹm ne uwa ya dọlegbe bọ Ọgua Osa ọghe Nọyaẹnmwa ne Osanobua Izrẹl, Osanobua ne a go wan vbe Jerusalẹm.

Psalm 146:6

Ọmwa ne ọ yi ẹrinmwi, agbọn kevbe okun, kevbe emwi hia ni rre uwu iran. Ọ mu eyan rẹn sẹ vbe ẹghẹ hia,

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 46:7

E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.

Psalm 80:1

Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Psalm 86:10

Wẹ kpolo, u keghi vbe ru emwi ọyunnuan, wẹ okpa kẹkan ọrọre Osanobua.

Psalm 99:1

Osanobua ọrọre ọba, avbe emwa gha guọ. Ọ tota ye ẹkete ẹre vbe odukhunmwu avbe emwi ne a yi ni zẹlẹ ifuẹn, agbọn keghi mu rueghe.

Ẹksọdọs 25:22

Evba I gha na do gha miẹn ruẹn, I gha vbe mudia ye ugue Ẹkpẹti ne, I do rhie uhi mwẹ hia ne uwa ke adesẹneva emwi nii nẹ ifuẹn nii gha dee, gie ivbi Izrẹl.

Aizaia 37:15

Ọ keghi na erhunmwu wẹẹ,

Aizaia 37:20

Banbanna nian, e Nọyaẹnmwa Osanobua mwa, miẹn mwa fan vbe obọ ivbi Asiria, ne uhunmwu ẹvbo ni rre otọ agbọn hia miẹn ehe na rẹn ighẹ wẹ okpa ọrọre Osanobua.”

Aizaia 40:22

Ọmwa ne ọ tota ye ẹkete ẹre ọ re ọ ru ẹe vbe odukhunmwu agbọn, a ghi gberra iso, emwa ni rre ototọ ye giẹnrẹn vbe iranmwẹ ọ tan agbọn zẹ vbe ukpọn ne a taẹn zẹ vbe owa ukpọn ne ọ mwa ra dia.

Aizaia 40:28

Wẹ ma rẹn ra? U ma he họn? E Nọyaẹnmwa ọrọre Osanobua etẹbitẹ rẹn ọ re ọ yi agbọn na hia. Egbe i wọ ẹre, ẹtin i fu ẹe ọmwa ne ọ rẹn iro ekhọe ẹre i rrọọ.

Aizaia 42:5

Osanobua ọ re ọ yi iso, ọ keghi niẹn ẹnrẹn uan. Rẹn ọ re ọ yi agbọn kevbe emwi hia ni rre uwu ẹre; rẹn ọ re ọ rhie arrọọ kevbe uhiọnrọnmwẹ ne emwa ẹnrẹn hia. Banbanna nian, e Nọyaẹnmwa Osanobua tama ọguọmwadia ẹre wẹẹ,

Aizaia 44:24

“Mẹ ọrọre Nọyaẹnmwa ne ọ ọmiọnmwafan ruẹn, mẹ ọ re ọ yii uwẹ. Mẹ ọrọre Nọyaẹnmwa ne ọ yii emwi hia. Mẹ ọkpa ọ re ọ tan iso zẹ vbe ukpọn ẹghẹ ne I na yii agbọn, ọmwa ne ọ ru iyobọ mẹ i rrọọ.

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Aizaia 45:12

Mẹ ọrọre ọmwa ne ọ yii otọe agbọn I keghi vbe yi emwa nagbọn ne iran gha rre evba. Ẹtin mwẹ ọ re I ya rhaan iso ladian; mẹ ọ re ọ dia owẹn, kevbe uki kevbe avbe orhọnmwẹ.

Aizaia 45:22

“Wa bu mwẹ gha dee nian ne uwa miẹn ehe na fe wa ne emwa hia ni rre agbọn! Mẹ ọkpa ọrọre Osanobua ne ọ rrọọ.

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Aizaia 8:13

Yerre wẹ mẹ ne Nọyaẹnmwa ne Udazi, ọmwa nọhuanrẹn ọ re imẹ khin, mẹ okpa kẹkan ọ re uwẹ gha a mu ohan rẹn.

Iyẹn ne ọ Maan Ọghe Jọn 1:3

Obọ ẹre Osanobua la yi emwi hia. Vbe uwu emwi ne a yi hia, ọkpa ne a la iyeke ẹre yi, ẹ i rrọọ.

Diuteronomi 10:17

E Nọyaẹnmwa Osanobua uwa kpọlọ sẹ ẹbọ hia kevbe ẹtin hia. Ọmwa ne ọ kpọlọ ne ọ mwẹ ẹtin rẹn khin, ọmwa ne ọ kere ne a gha mu ohan ẹnrẹn ẹsẹse. Ẹ i gbe ghe obọ okpa, ẹ i miẹn igho iyeke.

Kọlose 1:16

Obọ ẹre ọre Osanobua la yi emwi ni rre ẹrinmwi kevbe agbọn na, avbe emwi ne a bẹghe kevbe ne a i bẹghe, ke ẹe kevbe ẹtin avbe orhiọn nẹ ẹrinmwi, eniyan ẹvbo, iran ni khaemwisẹ kevbe iran ni rre ọdakha. Obọ ẹre ọre Osanobua la yi ideghede-gheagbọn vbe ẹrinmwi hia, rẹn ọre ọ vbe yi ẹe na.

Hibru 4:16

Rhunmwuda ọnii, wa gie ima din khekherriọ, ne a gha die odaro ẹkete Osanobua, ehe ne ẹsọhẹ ye. Evba nii i ọre ima gha na miẹn itohan rhie kevbe ẹsọhẹ ne ọ gha yi ima obọ vbe ẹghẹ ne a na gualọe zẹẹ.

I Samuẹl 4:4

Iran keghi rhunmwuda onii gie emwa gha rrie Silo, iran na ya mu Ẹkpẹti Ile ọghe Nọyaẹnmwa ne Oghodua, ne ọ tota yan ẹkete ẹre vbe adesẹneva emwi na yi ni mwẹ ifuẹn nii, ivbi Elai eveva Hofnai kevbe Finihaz keghi lele Ẹkpẹti Ile ni gha dee.