Aizaia 37:12 - Edo Bible (E Baibol Ẹdo) Version 1996

¹² Avbe iran ni karo mẹ rẹnkhẹn avbe ẹvbo ne a tie ẹre Gozan, e Haran kevbe Rezẹf, iran kevbe gbele avbe emwa ni rre Bẹtẹdẹn Telasa, a ma miẹn ne ọ sẹtin miẹn iran fan vbe uwu emwi ne iran gho.

Aizaia 37:12 ပူးပေါင်းရင်းမြစ်များ

Gẹnẹsis 11:31

Tẹra keghi rhie ovbi ẹre ighẹ Ebram, eyẹ ọre ighẹ Lọt ne ọ gha re ovbi e Haran, kevbe Serai ne amwẹ ovbi ẹre, amwẹ Ebram, ọ keghi viọ iran baegbe kpao vbe ẹvbo Ọọ ne ọ rre Babilonia rre, ne ọ gha rrie otọ Kenan. Iran khian sẹ Haran, ehe ne iran na mudia yin ẹnrẹn.

Gẹnẹsis 11:32

Tẹra keghi wu vbe evba vbe ọ rre ọmọ ukpo isẹn yan uri (205).

Gẹnẹsis 12:14

Ugbẹn vbe ọ ghi fian uwu rra la Igipt, avbe emwa Igipt, keghi miẹn wẹ amwẹ ọnrẹn wa mose.

Gẹnẹsis 2:8

Nọyaẹnmwa Osanobua ke do mu ogba ọkpa ye Idẹni, vbe odẹ ahọ ọ ke rhie okpia ne irẹn maẹn nii ye evba.

Gẹnẹsis 28:10

Jekọb ke kpao vbe Biẹsiẹba rre, ọ na mu uhunmwu da Haran.

Gẹnẹsis 29:4

E Jekọb keghi nọ iran wẹẹ, “Ihomwa, de ehe ne uwa ke rre yi?” Iran keghi wanniẹn wẹẹ, “Haran ma ke rre.”

II Ọba 17:6

ne ọ vbe re ukpo ogihinrin ne Hosia la ẹkete, ọba Asiria keghi khọn e Sameria muotọ, ọ keghi hẹ ivbi Izrẹl oghunmwu gha rrie Asiria, ọ keghi viọ eso gha rrie ẹvbo e Hala ne iran yin evba, eso kegha rre ọkpẹn Ẹzẹ Habọ vbe otọ e Gozan, eso kegha rre ẹvbo e Midia.

II Ọba 18:11

Ọgbaisi ọghe Asiria keghi viọ ivbi Izrẹl gha rrie Asiria zẹ vbe oghunmwu, ọ keghi ya viọ iran ye ẹvbo ne a tie ẹre Hala, eso kegha rre ọkpẹn ẹzẹ ne a tie ẹre Habọ vbe otọe Gozan, eso kevbe gha rre otọe Medis.

II Ọba 19:12

Avbe erha mwẹ odede ọ re ọ dunmwu avbe ẹvbo ne a tie ẹre Gozan, Haran kevbe Rezẹf sẹ otọ, ọ kevbe gbele emwa ni rre Bẹtẹdẹn, ni rre Telasa, ẹbọ iran ne ọ sẹtin miẹn iran fan i rrọọ.

Aizaia 36:18

Wa ghẹ gie Hẹzekaia do uwa ọzuọ, ne ọ ya uwa gha ro ighẹ e Nọyaẹnmwa gha miẹn uwa fan. A he miẹn uhunmwu ẹvbo okpa ne ẹbọ ẹre miẹn fan vbe obọ ọgbaisi Asiria ra?

Aizaia 36:19

De ehe ne iran ye nian ighẹ ẹbọ avbe Hamat kevbe Apad. Ẹbọ avbe Sefavim vbo? A miẹn ọmwa ne ọ miẹn Sameria fan ra.

Aizaia 36:20

A he miẹn ẹghẹ ne ọkpa vbe uwu emwi ne avbe uhunmwu ẹvbo na gho he ya miẹn iran fan vbe obọ ọgbaisi ima ra? De emwi ne ọ ghi ya uwa gha ro ighẹ e Nọyaẹnmwa gha miẹn e Jerusalẹm fan?”

Aizaia 37:13

Ọba avbe ẹvbo Hamat vbo kevbe Apad, Sefavim, Hena kevbe Iva.”

Ezikiẹl 27:23

Avbe ẹvbo ne a tie ẹre Haran, e Kanẹ kevbe Idẹni, avbe ekpatẹ ne ivbi e Sieba, ẹvbo Asiuọ kevbe Kiemad, ehia gu uẹ do ẹki.

Ezikiẹl 28:13

U kegha rre Idẹni ne ogba Osanobua, u kegha yọ ukpọn Ikpẹrọnmwọ ughughan kevbe edaiamọn; avbe topaz, e beri, e kanelian kevbe jaspa; e safaia, emrald kevbe garnet. U kegha mwẹ emwi itegbe ọghe igoru. Ẹdẹ ne a yi uwẹ tobọ ruẹ ọ re a ru avbe emwi na nuẹn vbe ẹdẹ ne a wa yi uẹ.

Emọs 1:5

I gha dunmwu onurho e Damaskọs rua, I ghi viọ emwa ni rre Iya Avẹn, kevbe ne ọ khaemwisẹ Bẹtẹdẹn kpao. A gha viọ ivbi e Siria oghunmwu gha rrie Kaa.”

Iwinna 7:2

Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.