Aizaia 37:1 - Edo Bible (E Baibol Ẹdo) Version 1996

¹ E Hẹzekaia ne ọba ghi wa họn ẹmwẹ na, ọ ke yanghan ukpọn rẹn uan, ọ keghi hẹ ukpọn akhiẹ ye egbe, ọ na gha rrie Ọgua Osa e Nọyaẹnmwa.

Aizaia 37:1 ပူးပေါင်းရင်းမြစ်များ

II Ọba 22:11

Ọba ghi họn ebe ne a tie re na, egbe keghi wọ ẹre, ọ na sọ ukpọn rẹn uan.

II Krọnikol 32:20

Ẹre Hẹzekaia ne ọba kevbe Aizaia ne akhasẹ ne ovbi Amọz na na erhunmwu ghe Osanobua iran na datu tie ẹre ne ọ yi iran obọ.

Ẹzra 9:5

Ọ ghi sẹ ẹghẹ ne a ya zọ ese ota, I keghi guakpao vbe ehe ne I tota yi gha khiẹkhiẹ egbe, ẹwu ne I sọlọ ua ni keghi ye rrọ mwẹ urhu, I na diguẹ ne I na erhunmwu, I na viọ obọ da odukhunmwu ghe Nọyaẹnmwa Osanobua mwẹ.

Ẹsta 4:1

E Modekai ghi họn avbe emwi na hia ni sunu, ọ keghi sọ ukpọn ye egbe ẹre ẹkun, ọ keghi viọ ukpọn akhiẹ yọ, ọ keghi zẹ emuẹn yan uhunmwu, ọ keghi khian la ẹvbo nii lẹga vbene ọ na wa kpe orhu eve orriara.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Aizaia 36:22

Ẹre Eliaikim, Siebna kevbe Joa na yanghan ukpọn iran an, iran na ya tama Hẹzekaia, ẹmwẹ ne avbe ivbiyokuo Asiria tae.

Aizaia 37:14

Ẹre Hẹzekaia ne ọba na miẹn emwa ne iran gie rre ebe nii, ọ na tie ẹre. Ẹre ọ na gha rrie Ọgua Osa, ọ na rhie ebe nii ye evba vbe odaro e Nọyaẹnmwa.

Jerimaia 26:19

E Hẹzekaia kevbe ivbi e Juda ma gbe Maika ua sokpan, e Hẹzekaia keghi gha mwẹ e Nọyaẹnmwa ọghọ, ọ na gha ho ne ọ miẹn aro nọ maa vbe obọ ẹre. E Nọyaẹnmwa keghi fi ekhọe werriẹ vbekpa ọkhọ ne ọ te wẹ ne ọ rruan iran. Ghe nian, ma ra ye obọ ima si ọkhọ rri egbe ima uhunmwu.”

Jerimaia 36:24

Sokpan ke ọba kevbe avbe ekhaẹmwẹ ọnrẹn ne ọ họn ẹmwẹ na hia, ọkpa ne ohan vbe mu, ra ne ọ vbe rhie ma wẹ ọ da iran ẹ i rrọọ.

Matiu 11:21

“Ọ suẹ Korazin! Ọ suẹ Bẹtsaida! Akpawẹ te a winna iwinna ọyunnuan ne a winnaẹn vbe uwu uwa vbe Taia kevbe Saidọn, ẹ i re eban iran ghẹ ghi viọ osọnmwẹ ukpọn ye egbe, zẹ emuẹn yan uhunmwu ne iran ya rhie ma ighe iran zobọ vbe orukhọ ne iran te ru.