Aizaia 36:9 - Edo Bible (E Baibol Ẹdo) Version 1996

⁹ Wa ma zẹdẹ sẹ ẹrrẹe ọkaokuo Asiria ne ọ ghi kanmwa sẹ, sevba, wa keghi rhie aro yọ wẹ Igipt gha viọ ẹsin kevbe avbe ikẹkẹ okuo gie uwa.

Aizaia 36:9 ပူးပေါင်းရင်းမြစ်များ

II Ọba 18:24

Wa ma vba ne ọ ghi kanmwa sẹ vbe avbe ekaokuo ivbi Asiria, la evba Sevba, wa na rhie aro yọ wẹ ne Igipt viọ ikẹkẹ okuo kevbe emwa ni hin ẹsin gie uwa.

II Ọba 7:6

E Nọyaẹnmwa keghi gie ivbi e Siria họn emwi ne ọ yevbe ne ivbi iyokuo ni bun khọn dee ke iran kevbe ikẹkẹ okuo kevbe ẹsin, ivbi e Siria keghi te gha ro ighẹ ivbi Izrẹl ya vbu ivbi e Hiti kevbe avbe ọba Igipt kevbe ivbi iyokuo iran ba egbe gha dee do gu iran gbinna.

Itan 21:31

U sẹtin miẹn ẹsin viọ yotọ ne a ya yo igbinna, sokpan e Nọyaẹnmwa ọ re ọ rhie akhọnmiotọ ne ọmwa.

Aizaia 10:8

Rẹn keghi rhuọ wẹẹ, “Ọba ọ re ọkpọkpa vbe uwu avbe ọkaokuo mwẹ khin!

Aizaia 20:5

Iran ni mu ẹtin yan e Sudan, iran na vbe gha ya Igipt rhuọ, aro gha ru iran gboo, idaehọ iran ghi wu ye ihoi.

Aizaia 30:7

Iyobọ ne Igipt ru i mwẹ esa, rhunmwuda ọnii ọ re I na mu ovan ne Igipt gha tie ẹre, ‘Ugbogiorinmwi ne ọmẹhẹ.’ ”

Aizaia 31:3

Avbe ivbi Igipt i re ẹrinmwi, emwa kẹkan ọ re iran khin. Ẹsin iran ivbi re ni ke ẹrinmwi rre. Ẹghẹ ne Nọyaẹnmwa gha na guan yọ, ẹvbo ne ọ wegbe nii gha de guọghọ ua, ẹvbo ne ọ ma wegbe ne irẹn te yọre obọ ghi de. A gha fuẹn iran eveva a.

Aizaia 36:6

Te u ro ighe Igipt gha ru iyobọ ne uẹn, te ọnii ra yevbe ne ọmwa ye erhan ne wẹnrẹn ru ọkpọ ne ọ ya khian, ọ gha bun nẹ, ọ ghi so ọmwa nii obọ. Erriọ ọ re ọba Igipt ye vbe ọmwaikọmwa a mu ẹtin yan rẹn.”

Aizaia 36:8

I gha ya eni ọgbaisi gu uwa hẹnhẹn unu ẹnrẹn, I ghi viọ ẹsin arriaisẹn eva ne uwa, adeghẹ wa gha kue miẹn emwa ni gha hin iran.

Jerimaia 2:36

Wa ye egbe uwa khian ekẹkẹ ẹbo vbekpa ne uwa na gha rrie ọghe ẹbọ ẹrrẹe. Igipt gha hiẹ uwa zẹ vbene Asiria vbe hiẹẹ uwa.

Diuteronomi 17:16

Ọ ma kei ne ọba gha mwẹ ẹsin ni bun, ne ọ gha re ọghe ivbiyokuo ẹre, ọ ghẹ vbe gie emwa gha rrie Igipt ya dẹlẹ ẹsin rre, rhunmwuda, e Nọyaẹnmwa ta ẹe wẹ emwa irẹn i ra dọlegbe gha rrie odọ.