Aizaia 36:8 - Edo Bible (E Baibol Ẹdo) Version 1996

⁸ I gha ya eni ọgbaisi gu uwa hẹnhẹn unu ẹnrẹn, I ghi viọ ẹsin arriaisẹn eva ne uwa, adeghẹ wa gha kue miẹn emwa ni gha hin iran.

Aizaia 36:8 ပူးပေါင်းရင်းမြစ်များ

I Ọba 20:10

ọvbehe rre wẹẹ, “I gha viọ emwa ni bun rre ne iran do dunmwu ẹvbo ruẹ na an. Iran gha bun sẹrriọ wẹ te iran khian kpolo ebubẹ ọre mwẹ obọ gha rrie. Te avbe ẹbọ gha kinmwi mwẹ gbe ua a deghẹ I ma ru ẹe vberriọ!”

I Ọba 20:18

Rẹn keghi wa tama iran wẹẹ, “Wa munọ iran munọ ẹmwẹ ne unu ọ re te iran do gbinna ra te iran do gualọ adọlọ.”

II Ọba 14:14

Ọ keghi viọ esiliva kevbe igoru ne obọ ẹre vbare, avbe emwi ne a ya ru emwi vbe Ọgua Osa hia kevbe ẹfe ni rre ẹguae, ọ na hẹ gha rrie Sameria, ọ kevbe viọ oghunmwu eso ba egbe gha khian.

II Ọba 18:13

Ọ ghi rre ukpo ne ogiwenẹ ne Hẹzekaia ne ọba la ukpo, e Senakẹrib ne Ọgbaisi ọghe Asiria keghi mu okuo la ẹvbo ne a gbe ekẹn gaa ni rre Juda, ọ na khọn ehia muotọ.

II Ọba 18:23

I gha ye eni Ọgbaisi ta ẹe, I gha viọ ẹsin arriaisẹn eva ne uwa a deghẹ uwa gha miẹn ẹvbo ne ọ bun sẹrriọ ne ọ gha hin ẹnrẹn.

Aizaia 36:2

Ẹre ọ na tama eniwanrẹn ivbiyokuo ẹre ne iran ke Lakis viọ ivbiyokuo nibun mwẹ obọ gha rrie Jerusalẹm, ne iran ya tama e Hẹzekaia ne ọba wẹ ne ọ tobọ ẹre de iguẹ. Avbe ivbiyokuo na keghi mu odẹ ne avbe iran ni do ukpọn la mwẹ, vbe ehe ne uvun ne amẹ lẹ la ke uhae ne ọ ke odọ rre.

Aizaia 36:7

Ivbiyokuo Asiria nii keghi vbe ye rhie te ẹe wẹẹ, “Ra te uwẹ ghi ra tama ima ighe e Nọyaẹnmwa ne Osanobua uwa ọ re uwẹ mu ẹtin yan? Aro ehe ne a na gho e Nọyaẹnmwa nii ọ re Hẹzekaia guọghọ ua vbe ẹghẹ ne ọ na tama ivbi e Juda kevbe Jerusalẹm wẹ Ogiukpo okpa kẹkan ọ re iran gha na gha ga.

Aizaia 36:9

Wa ma zẹdẹ sẹ ẹrrẹe ọkaokuo Asiria ne ọ ghi kanmwa sẹ, sevba, wa keghi rhie aro yọ wẹ Igipt gha viọ ẹsin kevbe avbe ikẹkẹ okuo gie uwa.