Aizaia 36:4 - Edo Bible (E Baibol Ẹdo) Version 1996

⁴ Ivbi Asiria nii keghi tama iran we ọgbaisi Asiria ho ne irẹn rẹn emwi ne ọ ya e Hẹzekaia din vberriọ.

Aizaia 36:4 ပူးပေါင်းရင်းမြစ်များ

II Ọba 18:17

Ọgbaisi e Siria keghi gie ivbi iyokuo ọrhẹnrhẹn ke Lakis gha dee ne iran do gu a Hẹzekaia gbinna vbe Jerusalẹm, iran keghi ya mu odẹ ne iran ni ru ukpọn na winna mwẹ, evba nii ọ re uvun ne amẹ lẹ la ke uhae ne ọ ke uwu ẹre rre ye.

II Ọba 18:5

E Hẹzekaia mu ẹtin yan e Nọyaẹnmwa ne Osanobua Izrẹl. E Juda ma miẹn ọba ọvbehe ne ọ yevbe ọre, vbe uwu iran ni karo ne ẹẹn nọ, ra ni kiekie.

II Ọba 19:10

Ne ọ ya tama rẹn wẹẹ, “Osanobua ne u mu ẹtin yan tama ruẹn nẹ wẹ obọ mwẹ i ra gba ruẹ, ghẹ gie ẹmwẹ na rẹrẹ uẹ o o.

Psalm 42:10

Ihẹn ne iran tie mẹ rẹnkhẹn mwẹ uan Vbene iran na nọ mwẹ yan egbe wẹẹ, “Osanobua ruẹ vbọ?”

Psalm 42:3

Asọn kevbe avan ọ re I ya viẹ egbe, ameve ọkpa ọrọre evbare mwẹ ẹghẹ hia, avbe eghian mwẹ ghi gha nọ mwẹ wẹẹ, “Osanobua ruẹ vbọ?”

Itan 16:18

Te uhiomwẹ khian rrie odẹ ọfuan, itengbemu ọ re ọ vbe si udemwẹ.

Jerimaia 48:14

“Ivbi e Moab, vbe uwa na kha hẹ yi ighẹ ọkhae wa khin? Ivbiyokuo ni din, ne a danmwẹ ghe nẹ vbe okuo.

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Ebe ne Jud gbẹẹn 1:16

Ẹzọ uwu unu ọre iran na gui vbe ẹhi, iran ghi gha ba emwa ọvbehe ifi ẹzọ, emwi dan ni rre iran ekhọe ọre iran ru, iran ghi gha ya unu kpa egbe iran, iran ghi gha ya unu lalọ emwa ọvbehe egbe, ne obọ iran miẹn ehe na vba emwi ne iran ho.