Aizaia 36:12 - Edo Bible (E Baibol Ẹdo) Version 1996

¹² Ọ keghi wanniẹn wẹẹ, “Te uwẹ ro ighe wa kevbe ọba ọkpa ọ re ọgbaisi gie mwẹ ne I do ta avbe ẹmwẹ na ma ra? Hiehiere, kevbe avbe emwa ni tota lele uhunmwu ekẹn na vbe nọ, emwa ni gha rri isan iran, wọn ahiọ iran, zẹ vbene uwa gha vbe ru.”

Aizaia 36:12 ပူးပေါင်းရင်းမြစ်များ

II Ọba 18:27

Rẹn keghi wanniẹn wẹẹ, “Te uwẹ ro ighẹ wẹ vbe ọba ọkpa ọre Ọgbaisi gie uhunmwu gie ra, hiehiere, iran ni tota lele ekẹn na rre usun ne I vbe gu guan, emwa ni gha rri isan iran, iran ghi vbe wọn ahiọ iran vbene uwa gha vbe ru ẹe.”

Aizaia 36:11

Ẹre Eliaikim, e Siebna kevbe Joa na tama avbe ọkaokuo nii wẹẹ, “Zẹ ẹvbo Aram ma ima. Ma wa họn, ghẹ ghi zẹ e Hibru, emwa ni tota lele uhunmwu ekẹn na wa danmwehọ.”

Aizaia 36:13

Ẹre ọkaokuo nii na kpaegbe mudia, ọ keghi tọn urhu mu tae vbe Hibru wẹẹ, “Wa danmwehọ ẹmwẹ ne ọgbaisi Asiria tama uwa.

Aizaia 9:20

Vbe otọe nii hia, evbare ne emwa a rhirhi miẹn ọ re iran gha gua rhie, iran ghi vbe gha rri ọe sokpan, ẹko i vuọn iran. Uhin ighe te iran ra gha gbele ivbi iran re.

Jerimaia 19:9

Avbe eghian gha lẹga ẹvbo nii, iran ghi gha ho ne iran gbele emwa ni rrọọ. Okuo ne ọ gha ga ẹre gha mu ohan sẹrriọ wẹ emwa ni rre uwu ẹre ghi gha gbele egbe iran re, uhin ighe iran gha vbe gha gbele ivbi iran re.”

Ezikiẹl 4:12

U ghi ya isan ọmwa ne ọ kae nẹ hie erhẹn, u ghi ya erhẹn ọnrẹn le ebrẹd, u ghi vbe rri ọe vbe ehe ne emwa hia gha na gha bẹghe ruẹ.”

Ezikiẹl 4:16

Ọ keghi vbe rhie te ẹe wẹẹ, “Ovbi ọmwa, I ra dobọ ebrẹd ne a viọ la e Jerusalẹm yi. Egbe i ra rọkhọ emwa ni rre evba nii, ekhọe iran i ra vbe sotọ vbe iran a gha fẹko mwa evbare ne iran gha re kevbe amẹ ne iran gha wọn.

Levitikọs 26:29

Ohanmwẹ gha gbe uwa sẹrriọ wẹ wa ghi gha gbele ivbi uwa re.