Aizaia 36:1 - Edo Bible (E Baibol Ẹdo) Version 1996

¹ Ọ ghi rre ukpo ne ogiwenẹ ne Hẹzekaia rriọba vbe Juda, e Senakẹrib ne ọgbaisi Asiria keghi mu okuo la avbe ẹvbo ne a gba odin gaa vbe Juda, ọ na khọn iran miotọ.

Aizaia 36:1 ပူးပေါင်းရင်းမြစ်များ

II Ọba 18:13

Ọ ghi rre ukpo ne ogiwenẹ ne Hẹzekaia ne ọba la ukpo, e Senakẹrib ne Ọgbaisi ọghe Asiria keghi mu okuo la ẹvbo ne a gbe ekẹn gaa ni rre Juda, ọ na khọn ehia muotọ.

II Ọba 18:17

Ọgbaisi e Siria keghi gie ivbi iyokuo ọrhẹnrhẹn ke Lakis gha dee ne iran do gu a Hẹzekaia gbinna vbe Jerusalẹm, iran keghi ya mu odẹ ne iran ni ru ukpọn na winna mwẹ, evba nii ọ re uvun ne amẹ lẹ la ke uhae ne ọ ke uwu ẹre rre ye.

II Krọnikol 12:4

Ọ keghi khọn munọ avbe ẹvbo ne a gbe odin gaa vbe Juda ọ kegha die Jerusalẹm.

II Krọnikol 32:1

Vbe iyeke avbe emwi na hia, ne Hẹzekaia na ya ekhọe ne ọ mudia ẹse ga e Nọyaẹnmwa, e Senakẹrib ne Ọgbaisi Asiria keghi mu okuọ gha die Juda. Ọ keghi ghae ga avbe ẹvbo ne a gba odin gaa, ọ na we ne ivbiyokuo ẹre guọghọ ekẹn gberra.

Aizaia 7:17

“E Nọyaẹnmwa ra si ọlọghọmwa ọkpa ye uwẹ egbe kevbe avbe emwa ruẹn, deba ẹgbẹe ọba hia fẹẹrẹ, egbe ẹdẹ ọlọghọmwa ne a ma he ka miẹn ẹdẹ, ke ẹghẹ ne Izrẹl ya fian egbe hin e Juda rre gha dee, ọba Asiria ọ re ọ ra si okuo ẹre gha dee.

Aizaia 7:20

“Ọ gha sẹ ẹghẹ nii, e Nọyaẹnmwa gha ya rhie ọmwa ne ọ gbe eto okpa ke iyeke ẹzẹ Yufretes rre, ọnii nọ wẹ ọgbaisi Asiria, ọ gha kpolo uwa ẹtu ke eto ne uhunmwu kevbe ni rre uwu ikinnegbe.

Maika 1:9

A i sẹtin kpe ẹwẹn e Sameria rrie, emwi vberriọ gha mian e Juda ban, ọfuan sẹ onurho e Jerusalẹm tobọ ẹre nẹ, ehe ne emwa mwẹ ye.”