Aizaia 35:3 - Edo Bible (E Baibol Ẹdo) Version 1996

³ Rhie iwegbe ne avbe obọ ne egbe wọre kevbe avbe igue ni guọ rhunmwuda a ma wegbe.

Aizaia 35:3 ပူးပေါင်းရင်းမြစ်များ

Ẹzra 1:6

Emwa ẹdogbo iran hia keghi yi iran obọ vbene iran na viọ emwi nibun ne iran: emwi ne a ya le evbare ọghe esiliva, igoru, evbare, aranmwẹ ni mu ihẹ, emwi ewe ọvbehe kevbe emwi ne a ya mu ohan vbe Ọgua Osa.

Job 16:5

I gha sẹtin ye ibude rhie ẹtin ba uwa ẹtin, I gha wa gha guan khian ne I ya fu uwa ẹko rre.

Ẹksọdọs 17:12

Ugbẹn vbe obọ ghi yan e Mosis, Errọn vbe Họ keghi mu okuta, iran na mu ẹn yo ọre akharha, rẹn keghi tota yan rẹn vbene iran na mudia ye asefẹn ọnrẹn, iran keghi dada ẹre obọ, iran ke da ẹe yi gbain vbe owẹn te ya dero.

Daniẹl 10:18

Ọ keghi vbe dọlegbe ya obọ kanmwẹ, orhiọn keghi la mwẹ iwu.

Zẹfanaia 3:16

Ẹghẹ dee ne iran gha na tama e Jerusalẹm wẹẹ, “Ghẹ mu ohan, okpẹvbo e Zaiọn! Ghẹ gie obọ ruẹ luẹluẹe ua!

Zẹkaraia 8:9

Wa gie ẹtin la uwa iwu! Ẹmwẹ ne avbe akhasẹ tae ẹghẹ ne a na gha gbe ẹyotọ ne a ra ya dọlọ Ọgua Osa mwẹ bọ, ọ re uwa vbe họn na.

Iyẹn ne ọ Maan Ọghe Luk 22:32

Sokpan mẹ na erhunmwu nuẹn nẹ Saimọn ne iyayi ruẹ ghẹ i fira, u gha ghi hinmwian bu mwẹ rre nẹ, u ghi rhie ẹtin ye avbe etuẹn iwu.”

Iyẹn ne ọ Maan Ọghe Luk 22:43

Odibosa ọkpa keghi ke ẹrinmwi rre do rhie egbe ma rẹn, ọ keghi rhie ẹtin ye ọre iwu.

Iwinna 18:23

Ọ ghi kpẹe vbe evba kherhe, ọ keghi vbe kpao, ọ na khian lele iwewe Galatia kevbe Frigia hia, ọ na gha rhie igiẹdu ne emwa iyayi hia.

Hibru 12:12

Rhunmwuda ọnii, wa gie obọ uwa ne lughọlughọ si tua, wa vbe gie igbọn ne ọ rhie gbe egbe de ziẹn.

Giọgis 7:11

U gha họn ẹmwẹ ne iran ta, ẹghẹ nii u gha mwẹ udinmwẹ ne u ya dekun agọ nii.” Ẹre irẹn vbe Pura ne ọguọmwadia ẹre na gha rrie agọ eghian iran.

I Samuẹl 23:17

E Jonatan keghi tama rẹn wẹẹ, “Ghe gie ohan mu ẹẹn, e Sọl ne erha mwẹ i ra sẹtin ru uẹ emwirhọkpa, U gha rriọba vbe Izrẹl, mẹ ghi gha re ne ọ zẹ diake uwẹ zẹ vbene erha mwẹ tobọ ẹre wa vbe rẹn ẹsẹse.”