Aizaia 34:9 - Edo Bible (E Baibol Ẹdo) Version 1996

⁹ Avbe ẹzẹ Idọm gha khian odan nekhui, otọe ne ọ rrọ ghi khian ugbofi. Ẹvbo nii hia ghi gha giẹn vbe ọdan.

Aizaia 34:9 ပူးပေါင်းရင်းမြစ်များ

Gẹnẹsis 19:28

Ọ ke tọn aro mu ya ghe Sọdom kevbe Gomorra kevbe iya nii hia, ọ keghi miẹn vbe ighogho gbe ke otọe nii rre zẹ vbe ighogho nọ gbe ke ogidi erhẹn rre.

Job 18:15

Ọmwaikọmwa sẹtin ya di owa ukpọn rẹn ya nian, iyeke vbe a ghi sa ugbofi ya gbele ọkhọe hin rre nẹ.

Psalm 11:6

Ọ ghi rhurhẹ erhẹn ẹyin ne ọ giẹn kevbe isonwẹn ne ọ tọn yan emwa dan. Ọ ya ẹhoho ne ọ tọn rri iran oya.

Aizaia 30:33

Ẹghẹ ne ọ kpẹre ne ọ gberra, ọ re a na dọlọ ihe ọkpa yotọ ne a ra na ya ogidi erhẹn giẹn ọgbaisi ọghe Asiria. Ọ dinmwi, ọ vbe vbẹ, a keghi wa silo erhan vuọn ọnrẹn. E Nọyaẹnmwa ghi hiọnrọn erhẹn ladian ne ọ ya hie erhẹn yọ.

Jerimaia 49:13

“Mẹ tobọmwẹ vẹn ihẹn ne wẹ e Bozra gha khian ne ọ mianmwẹ ughe, ọ ghi vbe khian ato, emwa gha yae gha gbogiẹ, a ghi ya ẹe gha tie ihẹn. Avbe igue ni lẹga ẹre hia gha khian itowa ẹdẹdẹmwẹdẹ. Mẹ ne Nọyaẹnmwa ọ re ọ taa ẹe.”

Iyẹn ne ọ Maan Ọghe Luk 17:29

Ẹdẹ ne Lọt kpao vbe Sọdom zẹẹ, erhẹn vbe odan keghi rhọ ke ẹrinmwi rre, ọ na fuẹn iran hia ua.

Diuteronomi 29:23

Oha ghi khian ehe ọrhiae ne ọ dihoi rua ne ugbofi kevbe umwẹ lẹ rhu, a i kọ emwi yọ, irunmwu i ra vbe zọ vbọ. Otọe uwa ghi yevbe avbe ẹvbo e Sọdom kevbe Gomorra, zẹ vbe Adma ke Zẹboim, ne e Nọyaẹnmwa dunmwu an vbe ohu kakabọ mu ẹẹn.

Ebe ne Jud gbẹẹn 1:7

Wa ye Sọdom kevbe Gomorra kevbe ivbi ẹvbo ni lẹga iran rre, emwa ni ru vbene avbe odibosa vbe ru, ne iran na gha ru emwi ne ọ ma gba vbe ekpa oghẹ, iran kegha fi ehia werriẹ ghe odẹ dan, a keghi ya erhẹn ne ọ giẹn ẹdẹdẹmwẹdẹ rri iran oya ne emwa hia gha miẹn ọnii waan.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”