Aizaia 34:8 - Edo Bible (E Baibol Ẹdo) Version 1996

⁸ Ẹghẹ ne Nọyaẹnmwa gha na miẹn e Zaiọn fan ọ re ọna khin, ọ ghi munọ avbe eghian rẹn gbotọ.

Aizaia 34:8 ပူးပေါင်းရင်းမြစ်များ

Psalm 94:1

Nọyaẹnmwa, Osanobua ne ọ rri ọmwa oya ye ọkhọ ọ re uwẹ khin; rhie izohu ruẹ maa!

Aizaia 13:6

Wa gha tulo utumwẹ obalọ. Ẹdẹ e Nọyaẹnmwa sẹ otọ fo, ẹdẹ ne Oghodua ra mu ọfuan rre.

Aizaia 13:9

Ẹdẹ e Nọyaẹnmwa dee, ẹdẹ ọkhọ nii ọghe ohu kevbe okuosu ẹre nọkhua. Otọe agbọn gha khian ato, a ghi fuẹn avbe emwa orukhọ hia a.

Aizaia 26:21

E Nọyaẹnmwa tuorre ke ehe ne ọ ye vbe ẹrinmwi dee, ne ọ do rri emwa ni rre agbọn oya ye orukhọ ne iran ru. Izigha ni iran dee vbe ẹkhokho, a gha fannọ ehia ladian, otọe i ghi ra dọlegbe viọ emwa ne emwa gbele ua lẹre.

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 47:3

Emwa gha miẹn uẹn eban iran gha miẹn vbe a si ọ kẹ otọ iran gha miẹn vbe a fa ruẹ ua. I gha rria ikhi, ọmwa ne ọ gha da mwẹ obọ yi i rrọ.”

Aizaia 49:26

I gha ru ẹe ne iran ni wọ ruẹ uhunmwu gha gbele egbe; ayọn izigha kevbe okuosu ghi gha gbe iran iran an. Ẹghẹ nii, emwa ne agbọn hia gha rẹn wẹ, mẹ ọrọre Nọyaẹnmwa ọmwa ne ọ miẹn ruẹn fan, ọ na fan an fua. Iran gha rẹn wẹ mẹ ọrọre Osanobua ne ọ mwẹ ẹtin ọghe Izrẹl.”

Aizaia 61:2

Ọ gie mwẹ ne I ya kha, wẹ ẹghẹ sẹ nẹ, ne Nọyaẹnmwa gha ya miẹn emwa rẹn fan. Ọ ghi vbe khọn eghian iran muotọ. Ọ giee mwẹ nẹ I ya fu iran ni khiẹ ẹko rre,

Aizaia 63:4

Te I khare wẹ, ẹghẹ sẹe nẹ ne I gha na miẹn avbe emwa mwẹ fan, ẹghẹ sẹe nẹ ne I gha na rri eghian iran oya.

Jerimaia 46:10

Ẹdẹ Osanobua ne Udazi ne Oghodua ọ na khin ẹdẹnẹrẹ na, ọ ra kioya ẹdẹnẹrẹ na, ọ gha rria avbe eghian rẹn ikhi. Umozo ẹre gha rri iran ne ẹko vuọn ẹẹn ọ gha vbe wọn esagiẹn iran ẹko te do vuọn ẹẹn. Ẹdẹnẹrẹ na ọ re Oghodua ra ye avbe oghunmwu ẹnrẹn zọ ese vbe odẹ okuọ, vbe ọkpẹn e Yufretes.

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Joẹl 3:4

“De emwi ne uwa ru imẹ re na yi, e Taia kevbe Saidọn; kevbe Filistia hia? Ọ mwẹ emwi ne uwa ra rria mwẹ ikhi ẹre ra? Adeghẹ erriọ nọ, I gha vbe ru uwa ẹre werriegbe ẹgiẹgiẹ.

Maika 6:1

Wa danmwehọ ẹzọ ne Nọyaẹnmwa gu ivbi Izrẹl gui. Kpaegbe, Nọyaẹnmwa, gui ẹzọ ruẹ ne a họn, gie avbe oke nekhua kevbe ne giẹrẹ họn vbene u kha hẹ.

Iyẹn ne ọ Maan Ọghe Luk 18:7

Wa ma yayi ighẹ Osanobua gha buohiẹn ne avbe emwa rẹn ni kpe tie ẹre asọn kevbe avan? Wa yayi ighẹ ọ gha yae rhẹghẹrẹ?

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

Arhie Maan 14:11

Ighogho erhẹn ne ọ rri iran oya ni kegha la ghe odukhunmwu ẹdẹ kevbe ẹdẹdẹmwẹdẹ, asọn kevbe avan, a i vbe rhie egbe rọkhọmwẹ ne iran, ighẹ iran ni ya uhunmwu rhanmwẹ otọ ne aranmwẹ oha nii, ke ẹe kevbe amazẹ ọre, kevbe iran ni rhan obọ miẹn ama ọghe eni ẹnrẹn.”

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Arhie Maan 19:2

Ẹmwata ne uhunmwu ẹmwẹ ọre ibuohiẹn ọnrẹn khin. Rhunmwuda rẹn bu abe gbe ẹe nẹ ighẹ ebabotu nọkhua nii ne ọ ya alama oghẹ ọre mu agbọn rhia. Osanobua rria ẹre ikhi, rhunmwuda ne ọ na gbele avbe eguọmwadia ẹre.”