Aizaia 34:4 - Edo Bible (E Baibol Ẹdo) Version 1996

⁴ Avbe owẹn, uki kevbe orhọnmwẹ hia gha rẹnkhuan khian ebubẹ, iso gha khian ne a ho bẹkun zẹvbe ebe ohian ne a kiri, avbe orhọnmwẹ ghi kharha kua zẹvbe ebe azara ra ebe ohọ.

Aizaia 34:4 ပူးပေါင်းရင်းမြစ်များ

Aizaia 13:10

Dọmwadẹ orhọnmwẹ, kevbe avbe orhọnmwẹ ni mama kugbe, erhọkpa ne ọ ghi ra gha baa irrọọ, ovẹn gha yanrre, ọ ghi so ebiebi, uki i ghi ra vbe baa.

Aizaia 13:13

I gha ya ẹrinmwi gha guẹ zẹzẹzẹ, a gha vbe rueghe agbọn, a ghi sua ẹre hin ihe ẹre rre vbe ẹdẹ nẹdẹrriọ, ẹdẹ ne imẹ ne e Nọyan ne Oghodua gha rhie izohu mwẹ ma.

Aizaia 14:12

“Ọba e Babilọn, orhọnmwowiẹ ne ọ baa siẹẹn, u dee ke ẹrinmwi rre nẹ, vbe ẹghẹ ne ọ gberra, wẹ kegha khọn avbe uhunmwu ẹvbo muotọ. Sokpan te a ghi rhie uwẹ fianmwẹ otọ na.

Aizaia 51:6

Wa tọn aro mu ghe odukhunmwu, wa ghe otọ agbọn! A gha ho avbe odukhunmwu bẹkun zẹvbe ighogho; agbọn wiẹn uan zẹvbe ukpọn ne ọ khian ọmaẹn emwa ni rrọọ hia gha wulo zẹvbe ikian. Sokpan, imiẹnfan ne I rhie dee, etẹbitẹ nọ akhọnmiotọ mwẹ ọ re ọ ra gha re ufomwẹ ehia.

Joẹl 2:10

Iran gha dee, otọe ghi gha mu rueghe; iso ghi gha mian gbẹgbẹgbẹ. Owẹn kevbe uki ghi so ebiebi avbe orhọnmwẹ i ghi ladian.

Joẹl 3:15

Owẹn kevbe uki so ebiebi, avbe orhọnmwẹ i ghi vbe baa.

Matiu 24:29

“Avbe ọlọghọmwa na hia ghẹ ghi da obọ yi, owẹn ghi so ebiebi, uki i ghi ra ba ọvbehe, avbe orhọnmwẹ ghi gha ke iso kharha ku otọ, a ghi mu ẹtin ni re ideghedeghe iso rueghe.

Matiu 24:35

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Hibru 12:27

Ne ọ na kha wẹ, “dọlegbe,” wa rhie maa wẹ, emwi ne a yi hia ọre a gha mu rueghe, a ghi viọ iran hin rre, ne ọ miẹn ehe na do kẹe avbe emwi ne a ma mu rueghe.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.

Arhie Maan 6:12

I kevbe ya bẹghe vbe Oteghe Ohuan rhan emwi ne a gbae ne ogiehan. Igbohiotọ ọhanabe keghi wa gha rrọọ, owẹn keghi sie rua, ọ ye vbe ukpọn nekhui ne khuarakhuara, uki keghi wa fi werriẹ khian ne ọ baa fẹẹrẹ vbe esagiẹn.

Arhie Maan 8:12

Odibosa ne ọ ogienẹ keghi kpe ọghọe, a keghi kinmwi obọ ọkpa vbe a wa owẹn ye ihe eha, ke obọkpa vbe ihe eha ọghe uki kevbe ọghe avbe orhọnmwẹ sẹrriọ wẹ, a gha wa vbene iran te ba ye ihe eha, obọkpa keghi lahin rre vbọ, uwanmwẹ ma ghi rre vbe a wa ẹdẹ ye ihe eha, kevbe a wa asọn ye iye eha.