Aizaia 34:1 - Edo Bible (E Baibol Ẹdo) Version 1996

¹ Wa larre, wa ne emwa ni rre uhunmwu ẹvbo hia. Wa do si koko, ne uwa danmwehọ. Gie uhunmwu otọ agbọn hia kevbe emwa ni rrọọ si koko ne iran danmwehọ.

Aizaia 34:1 ပူးပေါင်းရင်းမြစ်များ

Gẹnẹsis 6:13

Osanobua keghi tama Noa wẹẹ, “I tae nẹ ighẹ I ra fuẹn emwa fo. I ra wa fuẹn ehia a fẹfẹẹfẹ, rhunmwuda, agbọn vuọn ne uyimwẹ ika ne iran yin.

Psalm 24:1

E Nọyaẹnmwa ọ re ọ yan agbọn na, kevbe emwi ni rre uwu ẹre hia. Rẹn ọ re ọ yan otọe agbọn kevbe iran ni rrọ hia.

Psalm 50:1

Osa ne Oghodua e Nọyaẹnmwa, guan rẹn ọ da tie otọ agbọn ke ahọ yasẹ orrie.

Psalm 96:10

Wa tama agbọn ẹvbo hia wẹẹ, “E Nọyaẹnmwa ọrọre ọba! A mu agbọn na uhe sẹ otọ nẹ gbain vbe ihe ẹre, ai ghi sẹtin werriẹ ọe, ọ gha ye ẹmwata bu ohiẹn avbe emwa nii.”

Aizaia 1:2

E Nọyaẹnmwa khare wẹẹ, “Otọe vbe ukhunmwu, wa danmwehọ ẹmwẹ ne I ra ta na! Emọ ne I biẹlẹe sọtẹ mwẹ.

Aizaia 18:3

Wa danmwehọ, emwa hia ni rre otọ agbọn na! Wa gualọ afiala ama ya mu ba ye avbe uhunmwu oke, wa ghi danmwehọ okpe ne ọ tu.

Aizaia 33:13

Gie emwa hia ni rre ọkpẹn emwa na kevbe ni rre urria họn emwi ne I ru, ne iran vbe kpa uhe ne ẹtin mwẹ.”

Aizaia 41:1

Osanobua khare wẹẹ, “Wa gbẹdọ ne uwa danmwehọ mwẹ wa ne otọe urria! Wa ne ẹvbo ni rre urria gban an. Wa mu egbe ne uwa ya rhan otọ egbe uwa vbe iko. A gha rhie otọ ne uwa ya guan wa gia miegbe ne a do ta ene ọ rri ase vbọ.

Aizaia 43:9

Wa tie avbe uhunmwu ẹvbo hia ne iran gha die ehe ne a na gui ẹzọ na. De ọkpa ne ọ gha sẹtin ta emwi ne ọ gha sunu ẹdẹ nakhuẹ vbe uwu emwi ne iran gho? De ne ọ ta avbe emwi ni sunu na yotọ vbe uwu iran? Wa gie avbe ẹbọ na viọ osẹe iran rre ne iran do tae rhuan wẹ ẹmwata nọ, ne iran sosẹe wẹ ẹmwata ẹmwẹ iran khin.

Aizaia 48:16

“Banbanna nian, wa sikẹ mwẹ ne uwa họn ẹmwẹ ne I guan. Ke omuhẹn gha dee, te iwa ta ẹmwẹ mwẹ vbe azagba I keghi vbe gha ru ẹe ne ẹmwẹ mwẹ sẹ.” (Banbanna nian, e Nọyaẹnmwa ne Udazi rhie ẹtin ẹnrẹn mẹ nẹ, ọ na gie mwẹ.)

Aizaia 49:1

Wa danmwehọ mwẹ, wa ne uhunmwu ẹvbo ni rre urria, wa ne emwa ni khian rrei! Te I he rre ẹko iyemwẹ vbe Nọyaẹnmwa hannọ mwẹ zẹ, ọ keghi vbe zẹ mwẹ ne I gha re ọguọmwadia ẹre.

Aizaia 63:1

“Gha ọna khin ne ọ ke Bozra ne Idọm de yi? Gha ọna khin ne ọ ya ododo han yi, ne ọ ze owẹ kẹe kevbe ẹtin deba iwegbe?” “E Nọyaẹnmwa nọ, ọmwa ne ọ mwẹ ẹtin ne ọ ya miẹn ọmwa fan, ọ ra do kha vbene irẹn khọnmiotọ hẹ.”

Jerimaia 22:29

Wẹ ne otọ, otọ, otọ! Danmwehọ vbene Nọyaẹnmwa kha hẹ.

Jerimaia 49:7

Emwi ne Nọyaẹnmwa ne Oghodua tae vbekpa Idọm ọ re ọna khin: “Ivbi Idọm i ghi sẹtin ye ẹrherhe iran roro emwi gba ra? Iran ni bu iran ude i ghi sẹtin tama iran emwi ne iran gha ru ra? Ẹwaẹn ne iran wan hia wa khian ne a hobẹkun ne ẹ ra?

Ezikiẹl 38:17

Wẹ ọrọre ọmwa ne I gha kha ẹkporriọ, ẹghẹ ne I na wẹ ne avbe akhasẹ Izrẹl ne eguọmwadia mwẹ tae ladian wẹ ẹdẹ dee ne I gha gie ọmwa ọkpa rre ne ọ do khọn Izrẹl.” E Nọyaẹnmwa ne Udazi ọ re ọ tae.

Obedaia 1:1

Ẹmwẹ akhasẹ ne Obedaia miẹn ọre ọna khin ẹmwẹ ne Nọyaẹnmwa ne Udazi tae vbe ekpa Idọm. E Nọyaẹnmwa gie ukọ ẹre gha rrie avbe uhunmwu ẹvbo nẹ, ma vbe họn uhunmwu ne a gie iran re wẹẹ: “Wa mu egbe! Wa gie ima mu okuo gha rrie Idọm!”

I Kọrinti 10:26

Rhunmwuda, zẹ vbene ebe kha re, “Agbọn ke emwi hia ni rre uwu ẹre, ọ ghe Nọyaẹnmwa nọ.”

Diuteronomi 32:1

“Otọe kevbe iso, wa họn ẹmwẹ mwẹ, gbe ehọ ke otọ danmwehọ ẹmwẹ ne I ta e.

Diuteronomi 4:26

Wa gha ru emwi na, I tie ẹrinmwi kevbe agbọn vbe osẹe ẹre na, wẹ wa gha rherhe gbẹro vbe otọ na. Wa i khian tọ vbe otọe ne ọ rre vbe a gha fian Jọdan rra ne uwa ra ya yin na. Te a ra wa fuẹn uwa fo fẹẹrẹ.

Arhie Maan 2:7

“Rhunmwuda ọnii, a deghẹ u mwẹ ehọ khekherriọ, u ghi họn ẹmwẹ ne Orhiọn tama avbe esọsi. “Avbe emwa ni khọnmiotọ nẹ, I gha rhie asẹ ne iran ne iran ya re vbe ọmọ erhan ẹfe ni, ne ọ zọ re vbe uwu ogba ọghe Osanobua.

Giọgis 5:3

Wa ne avbe ọba, wa danmwehọ. Wa rhie ekhọe yọ, enikhaemwisẹ! I gha so ihuan kpe emwi iku ne Osanobua Izrẹl ighẹ Nọyaẹnmwa.

Giọgis 5:31

“Erriọ e Nọyaẹnmwa, te eghian ruẹn hia gha wulo, sokpan ne avbe ọse ruẹ gha wan uwanmwẹ vbe owẹn owiẹ!” Ẹre ọfumwegbe na vbe do gha rrọọ la ukpo iyeva.