Aizaia 33:6 - Edo Bible (E Baibol Ẹdo) Version 1996

⁶ Ọ gha rhie ẹkun ne ọ sotọ ne uhunmwu ẹvbo nii. Te irẹn wa degue emwa rẹn vbe ẹghẹ hia, ọ ghi vbe gha rhie ẹwaẹn kevbe irẹnmwi ne iran. Ẹfe ne ọ sẹẹ ehia ne iran mwẹ ọrọre ọghọ ne a ya ne Nọyaẹnmwa.

Aizaia 33:6 ပူးပေါင်းရင်းမြစ်များ

II Ọba 18:7

Ẹre Nọyaẹnmwa na yaba ẹre, emwi hia ne ọ ru kegha dinna odẹ. Ọ keghi sọtẹ ọba nọkhua ọghe Asiria, ọ na wẹ rẹn I ga gie ẹe.

Job 4:6

U ga Osanobua, uyinmwẹ ruẹn ma vbe gha mwẹ okan. Rhunmwuda ọnii, ọ kere ne u gha mwẹ ekhọe ne ọ sotọ kevbe idaehọ.

Psalm 140:7

Nọyan, Osanobua mwẹ, ọmwa ne ọ wegbe ne ọ gbinna mẹ, u rhie mwẹ lẹre vbe ẹghẹ okuo.

Psalm 28:8

E Nọyaẹnmwa degue emwa rẹn, ọ degue, ọ miẹn rẹn fan ighe ọba ne irẹn hannọzẹ.

Psalm 45:4

Gha hin ẹsin khian vbe ọba ne u ya khọnmiotọ, vbe igbinna oseghe ẹmwata, kevbe uhunmwu ẹmwẹ! Ẹtin ruẹn gha viọ akhọnmiotọ nekhua nuẹn!

Itan 14:24

Ẹfe ọ re a ya san avbe umẹwaẹn ẹse; sokpan, ukọnmwẹ iran ọ re a ya rẹn avbe akpa.

Itan 14:26

A ya ọghọ ne Nọyaẹnmwa, ekhọe kevbe ẹkun ne ọ sotọ ọ re ọ rhie ne igiowa ọmwa.

Itan 14:27

Wẹ ho ne u lẹ uwu fe ra? A ya ọghọ ne Nọyaẹnmwa, uhunmwu uwa ne arrọọ ke rre nọ.

Itan 15:16

A re ovbiogue ne ọ mu ohan e Nọyaẹnmwa, ọ re ọ maa sẹẹ ne a gha re ọmwa ne ọ fe ne ọ rre uwu orueghe vbe ẹghẹ hia.

Itan 19:23

Gha ye ọghọ ne Nọyaẹnmwa, u gha tọ, ẹko gha vbe vuọn ọn, u ghi vbe gha rrọọ vbe a i mwẹ ẹbe.

Itan 2:5

A deghẹ u ru vberriọ, u gha rẹn emwi ne ọ khin wẹ ne a gha mu ohan e Nọyaẹnmwa, u ghi vbe sẹtin ruẹ emwi eso vbekpa ọghe Osanobua.

Itan 28:2

Uhunmwu ẹvbo gha ru orukhọ, nikhaemwisẹ iran ghi gha lele egbe kpẹkpẹkpẹ. Sokpan, adeghẹ uhunmwu ẹvbo okpa mwẹ ọkaolotu ne ọ wan kevbe ne ẹdẹ gbe vbe ẹko, ọ ghi wegbe, ọ ghi vbe kpee vbe otọ ẹsẹse.

Itan 29:4

Ekhọe ọba gha rre ẹmwẹ ohiẹn ẹmwata, ẹvbo ghi wegbe, sokpan, adeghẹ ẹmwẹ igho okpa ọ re ọ rẹnrẹn, te ọ ra gbe ẹvbo ẹre sotọ.

Asan-Ibo 7:12

ọ gha vbe ru ẹe ne ẹkun sẹ uẹ otọ zẹ vbene igho vbe ru. Ẹwaẹn sẹtin ru ẹe ne u gha rrọ vbe a i mwẹ ẹbe, erriọ ọ re irẹnmwi na maa sẹẹ.

Asan-Ibo 7:19

Ẹwaẹn gha sẹtin ru emwi ne ọmwa, sẹẹ vbene enikhaemwisẹ igbe gha sẹtin ru ne ẹvbo ọkpa.

Aizaia 11:9

A i ra miẹn emwi dan okpa ra emwi ne ọ kuan ọmwa egbe vbe Zaiọn, ne oke nọhuanrẹn ọghe Osanobua. A rẹn e Nọyaẹnmwa gha vuọn otọe nii zẹ vbene amẹ vuọn okun.

Aizaia 26:1

Ẹdẹ dee ne emwa gha so ihuan na vbe otọ e Juda: Ẹvbo mwa wegbe. Osanobua tobọ ẹre ọre ọ wan ga ekẹn ọnrẹn.

Aizaia 32:17

Rhunmwuda ighe emwa hia ọ re ọ ra gha ru emwi ne ọ gbae, ọfumwegbe kevbe ẹkun ne ọ sotọ ghi gha rrọọ ẹghẹ hia.

Aizaia 32:18

Emwa Osanobua gha fe vbe obọ ukpokpo, owa iran ghi gha re ne ọfumwegbe ye kevbe ne ẹ i mwẹ ẹbe.

Aizaia 33:20

Wa ghe Zaiọn ne ẹvbo ne ima na ru emwiukpo ugamwẹ mwa hia. Wa ghe Jerusalẹm. Ehe ne a dia ne ẹkun na sẹ ọmwa otọ ne a ya gie ẹre i rrọọ. Te ọ ra yevbe owa ukpọn ne ai si yo si rre, ne a i vbe vbọlọ ukeke ne a ya kan ẹnrẹn, kevbe ne irri ẹre i fian.

Aizaia 45:17

Sokpan, e Nọyaẹnmwa miẹn Izrẹl fan etẹbitẹ ọ re akhọnmiotọ ẹre khin a i ra fa emwa rẹn uan ẹdẹdẹmwẹdẹ.’ ”

Aizaia 51:14

A gha rherhe fannọ iran ni re oleghan kua, iran gha wa tọ iran ghi vbe gha mwẹ evbare ne iran ho hia.

Aizaia 51:6

Wa tọn aro mu ghe odukhunmwu, wa ghe otọ agbọn! A gha ho avbe odukhunmwu bẹkun zẹvbe ighogho; agbọn wiẹn uan zẹvbe ukpọn ne ọ khian ọmaẹn emwa ni rrọọ hia gha wulo zẹvbe ikian. Sokpan, imiẹnfan ne I rhie dee, etẹbitẹ nọ akhọnmiotọ mwẹ ọ re ọ ra gha re ufomwẹ ehia.

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Habakọk 2:14

Sokpan, urẹnmwẹ uyi Osanobua gha vuọn agbọn na hia zẹ vbene amẹ vuọn okun.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

II Kọrinti 6:10

A rhe rhia ima ẹko rua, sokpan ọyẹnmwẹ sẹ mwa vbe ẹghẹ hia, ma yevbe ivbiogue, sokpan ma ya emwa ni bun khian eni fe, ma ye vbe ekhẹn ivbabọ, sokpan ma wa mwẹ emwi hia.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.

I Timoti 6:6

Ẹmwata nọ wẹ iyayi sẹtin zẹ ẹfe ku ọmwa, a deghẹ ọ gie emwi ne ọ mwẹ sẹ ọre ọkẹn.