Aizaia 33:3 - Edo Bible (E Baibol Ẹdo) Version 1996

³ U gha gbinna ne ima, avbe uhunmwu ẹvbo ghi gha lẹ kua vbe iran a họn owogho okuo.

Aizaia 33:3 ပူးပေါင်းရင်းမြစ်များ

Psalm 46:6

Ohan mu avbe okpẹvbo a vbe mu avbe otọ arriọba rueghe; Osanobua van avan otọ agbọn keghi ranran an.

Psalm 59:11

Ghẹ gbele iran an Osanobua, ne avbe emwa mwẹ ghẹ ya mianmian, ya ẹtin ruẹn zagha iran an ne u khọn iran mutan, Nọyaẹnmwa ugue mwa.

Psalm 68:2

Zẹ vbene a hoho ighogho kua, erriọ ọ re ọ hoho iran gha rriẹ. Zẹ vbene odan ranran vbe erhẹn erriọ ọ re emwa dan lua vbe odaro Osanobua.

Aizaia 21:15

Emwa gha lẹ hin ehe ne umozo na ho ne ọ gbele iran an rre, hin ehe ne avbe uhanbọ ne ọ ho ne ọ salọ iran ye, hin obọ ẹbe okuo hia.

Aizaia 33:4

Emwa ghi fan rhu emwi iran, iran ghi hẹ gha rrie zẹ vbe emwi ne obọ vbare vbe ifu.

Jerimaia 25:30

“Wẹ ne Jerimaia, ghẹ mwẹ u ma ta uhunmwu ne I gie hia. U ghi tama avbe emwa na wẹẹ, “ ‘E Nọyaẹnmwa gha davan ke ẹrinmwi rre ọ ghi vbe van avan ke ehe ne ọ yo vbe odukhunmwu ẹrinmwi rre, ọ gha van mu emwa rẹn, ọ gha da van vbe okpia ne okpia ne ọ minọ ọmọ erhan ne a ya ru ayọn. Emwa hia ni rre agbọn gha họn urhu ẹre.

Jerimaia 25:31

Ulamwẹ ọnrẹn ghi mi igboo ya sẹ ehe ne agbọn sẹe. E Nọyaẹnmwa mwẹ ẹzọ ne ọ gu avbe uhunmwu ẹvbo gui ọ gha viọ emwa hia la erhan ẹzọ, ọ ghi gbele avbe emwa dan an. E Nọyaẹnmwa tae nẹ.’ ”