Aizaia 32:19 - Edo Bible (E Baibol Ẹdo) Version 1996

¹⁹ (Sokpan okpẹhoho dan gha la uwu ẹgbo, a ghi vbe siẹn ore nọkhua sotọ.)

Aizaia 32:19 ပူးပေါင်းရင်းမြစ်များ

Aizaia 10:18

Avbe ẹgbo ni wo nii kevbe avbe otọe ugbo hia gha khian ne a mu rhia zẹ vbene emianmwẹ dan mu ọmwa rhia.

Aizaia 10:19

Erhan ne a gha sẹ rae gha re ne ẹ i ghi bun sẹrriọ wẹ te ọvbokhan kherhe gha sẹtin ka iran.

Aizaia 10:33

E Nọyaẹnmwa ne Oghodua gha rrua iran guọghọ ua vbe abọ erhan ne a gia hin erhan rre. Ne ọ tọn egbe mu sẹẹ, kevbe ne ọ kpọlọ sẹẹ; vbe uwu iran, a gha gia ehia gbotọ, a ghi fa iran an.

Aizaia 24:10

Emwi hia tighi vbe ore ẹvbo, emwa ghi khui egbe ye owa ne iran rhie uhunmwu hin ẹbe rre.

Aizaia 24:12

Itowa ọ re ore ẹvbo nii ghi khin, avbe guọghọ avbe onurho ẹre sotọ.

Aizaia 25:2

U ya avbe okpẹvbo khian itowa nẹ u keghi rẹnkhẹn ogba ikhẹgbe iran hia. Avbe ẹguae ne avbe eghian mwa bọlọe, khian ne a i ghi dọlegbe miẹn ọvbehe.

Aizaia 25:4

Ivbiogue kevbe iran ne ẹ i mwẹ iyobọ lẹẹ bu ruẹ rre iran kegha rrọ vbe a i mwẹ ẹbe vbe ẹghẹ ibaro. U rhie ehe ne iran lẹre yi vbe ẹghẹ okpẹhoho, kevbe irhu vbe ẹghẹ owowo ne ọ tọn. Emwa dan gbinna zẹ vbe ẹhoho okhuakhua

Aizaia 26:5

Ọ si iran ni tọn egbe mu ke otọ, ọ dunmwu ẹvbo ne ọ wegbe ne iran ye ua, ọ keghi gie ekẹn ọnrẹn dele khian ebubẹ.

Aizaia 27:10

Ẹvbo ne a gbe ekẹn gaa nii khian itowa. Emwa lẹkua vbọ zẹ vbe ẹgbo ne ọ dihoi rua. Ọ khian ehe ne avbe ẹmila na rria.

Aizaia 28:17

Ohiẹn ẹmwata ọrọre okun ne a ra tan ya mwa ẹyotọ ẹre, a ta ẹmwata ọ re a ra ya mwa egbe ekẹn ọnrẹn.” Okpẹhoho ọ re ọ ra kpolo ohoghe ne uwa mu ẹtin yan hia kua, orogho ghi guọghọ ekẹn ne uwa mwẹ kua.

Aizaia 28:2

E Nọyaẹnmwa mwẹ ọmwa ne ọ wegbe ke ne ọ mwẹ ẹtin, ọ mu egbe ne ọ dekun iran, ọmwa ne ọ gha rre zẹvbe ẹhoho ọgbẹgbẹ, zẹvbe amẹ okpẹhoho, zẹvbe amẹ ọgbẹgbẹ ne ọ lẹ deyan emwa hia, te ọ ra lẹ rhu otọe nii hia.

Aizaia 29:4

E Jerusalẹm ghi do yevbe orhiọn ọmwa ne ọ wu nẹ ra ẹrinmwi, ne ọ te ziga ne ọ guan ke ototọ gha dee, urhu ne a ya obọ guee ẹre unu ne ọ ke uwu ebubẹ ladian rre.

Aizaia 30:30

E Nọyaẹnmwa gha gie emwa hia họn urhu ẹre ne ọ la ne iran vbe rẹn vbene ohu ẹre ye hẹ. Ogidi erhẹn gha rrọọ, okuku amẹ ne ọ mu waa, okpẹhoho kevbe okpamẹ.

Aizaia 37:24

U giee avbe eguọmwadia ruẹ, ne iran do rhuọ ma mwẹ ighẹ u ye avbe ikẹkẹ okuo ruẹ hia khọn ehe ne ọ yo sẹ vbe oke Lebanọn mu otọ nẹ. U rhuọ ma mwẹ wẹ evba nii ọ re u na tọnnọ avbe sida ni tan sẹẹ gbotọ deba avbe uvbiakhẹ ni mose sẹẹ hia, kevbe wẹ u sẹẹ ehe ne ọ ghi dinmwi sẹẹ vbe uwu ẹgbo nii.

Nahum 1:1

Uhunmwu ne a giee vbe ekpa Ninevi ọ re ọna khin, zẹ vbene ọ gbẹn ọẹn ye otọ vbe ekpa umian ne ọ miẹn ighe Nahum ne ovbi ẹvbo ne a tie ẹre Ẹlkos.

Nahum 1:8

Ọ fuẹn avbe eghian rẹn uan fẹẹrẹ, zẹ vbe orogho nọkhua ne ọ khọn khian, iran ni gbe odan ghe ẹre, ọ gha wa viọ iran la uwu.

Zẹkaraia 11:2

Wa gha kpe orhu eve, ne uwa viẹ egbe ua, wa ne avbe agba, avbe isida dele nẹ, a fuẹn ehia a nẹ ighẹ avbe erhan ni mwẹ eni nii, wa gha kpe orhu eve, ne uwa viẹ egbe ua, wa ne avbe okan ni rre Basian! A gbe ẹe sẹ otọ fẹẹrẹ ighẹ ẹgbo ne ọ wo nii.

Matiu 7:25

Okpamẹ keghi daa, ezẹ hia keghi ro dinna oke, ẹhoho keghi dekun owa ni, sokpan ọ ma de rhunmwuda okuta ọre a bọe yan.

Arhie Maan 18:21

Ẹghẹ nii ọre odibosa nọkhua ọkpa na tọn okuta ne ọ kpọlọ vbe olọ nọkhua mu, ọ keghi fi ẹe fi uwu okun, ọ wẹẹ, “Erriọ ọre a ra rhie Babilọn ne ẹvbo nọkhua fian mwẹ otọ, a i ghi ra vbe dọlegbe miẹn ọẹn ọvbehe.

Arhie Maan 8:7

Odibosa ne okaro keghi kpe okpe ọghọe, erhẹn kevbe ẹyin ne a ya esagiẹn gua, keghi rhurhẹ yan otọ agbọn. Obọ ọkpa vbe a gha wa otọ agbọn ye ihe eha, keghi wa giẹn uan. Obọ ọkpa vbe a gha wa avbe erhan ye ihe eha, keghi vbe giẹn uan, ebe irunmwu hia ni rre oha na giẹn uan.