Aizaia 32:15 - Edo Bible (E Baibol Ẹdo) Version 1996

¹⁵ Sokpan, Osanobua gha dọlegbe rhie orhiọn rẹn gie ima. Avbe otọ ni te fafaa gha dọlegbe gha maa emwiokọ, ugbo ghi vbe gha maa emwiokọ ẹsẹsẹmwẹse.

Aizaia 32:15 ပူးပေါင်းရင်းမြစ်များ

Psalm 104:30

Sokpan, u gha rhie uhiọnrọnmwẹ ne iran, iran ghi khian ne a yi, wẹ ọre ọ rhie arrọ ọgbọn ne otọe.

Psalm 107:33

Nọyaẹnmwa si avbe ẹzẹ ka fẹfẹẹfẹ, ọ keghi dobọ avbe uhunmwu ẹzẹ ni lẹ obọ yi.

Psalm 107:35

Ọ fi avbe ato werriẹ khian odighi amẹ, avbe otọe ni kae, khian ẹzẹ ni lẹẹ.

Itan 1:23

Wa gha danmwehọ vbe a gha gu uwa gui, I gha rhie ibude esi ne uwa, I ghi vbe ghae ne uwa vbe uwu irẹnmwi mwẹ.

Aizaia 28:6

Ọ gha ma iran emwi ne a ya ohiẹn ẹmwata kha ighẹ avbe iran ni bu ohiẹn, kevbe udinmwẹ ne iran ni waan ga onurho ẹvbo ne a ghẹ mu igbinna la uwu ẹre.

Aizaia 29:17

Zẹẹ vbene a yae kpitan wẹ vbe ọ ma he kpee wan, ẹgbo ne ọ wo gha khian ne a ya mu ugbo otọe ugbo ghi vbe khian ẹgbo.

Aizaia 35:7

Ekhae ne ọ tọn gha khian odighi amẹ, ẹzẹ gha vbe vuọn otọe ne ọ kae. Ehe ne avbe edi te ka ye yi, avbe ẹrrierrie kevbe igiawẹigbotọ gha vuọn rẹn.

Aizaia 44:3

“I gha sa amẹ ne ọmwa ne ovbamẹ gbe, I ghi vbe wẹ ne ẹzẹ gha lẹ, vbe otọe ne ọ kae I gha hihiẹ ẹtin yan avbe ivbi uẹ kevbe afiangbe mwẹ yan ivbi uniẹn ruẹn.

Aizaia 45:8

I gha gie akhọnmiotọ ke iso gha dee zẹ vbe amẹ ne ọ rhọ. Otọ ghi vbe rhan yotọ ne ọ miẹn ẹnrẹn, ọ ghi vbe họn ebe ladian zẹ vbene ọ yan egbe ẹre kevbe odẹ ẹmwata. Mẹ ne Nọyaẹnmwa gha gie ọna sunu.”

Aizaia 59:19

Ke ahọ ya sẹ orrie emwa hia gha mu ohan rẹn kẹeke ẹtin ẹnrẹn nọkhua. Ọ gha rre zẹ vbe ẹzẹ ne ọ lẹ ogbigbi, zẹ vbe okpẹhoho.

Aizaia 59:21

I rhie ẹtinmwẹ kevbe iruẹemwi mwẹ ne uwa, ne ọ gha re ọghe uwa ẹdẹdẹmwẹdẹ, ke ẹghẹ na gha rae te uwa ra gha họn ẹmwẹ mẹ, wa ghi ma ivbi uwa, kevbe ivbi uniẹn uwa ẹre ne iran gha họn ẹmwẹ mẹ ẹdẹdẹmwẹdẹ.”

Aizaia 63:11

Sokpan, iran keghi do ye ẹkpo nẹdẹ rre, ẹghẹ e Mosis ne ọguọmwadia e Nọyaẹnmwa, ọ re iran na ghi nọọn wẹẹ, “De ehe ne Nọyaẹnmwa ghi ye yi, ọmwa ne ọ miẹn avbe ọkaolotu emwa irẹn fan vbe obọ okun? De ehe ne Nọyaẹnmwa ghi ye yi ọmwa ne ọ rhie orhiọn irẹn ne Mosis?

Ezikiẹl 37:14

“I gha rhie uhiọnrọnmwẹ mwẹ ye uwu iran, I ghi huẹn iran kpaegbe, I ghi vbe gie iran yin otọe iran tobọ iran. Ẹghẹ nii, iran gha rẹn wẹ mẹ ọrọre Nọyaẹnmwa. I yan nẹ wẹ I gha ru emwi na, te I ra gele ru ẹe. Mẹ ne Nọyaẹnmwa tae nẹ.”

Ezikiẹl 39:29

I gha hihiẹ orhiọn mwẹ yan ivbi Izrẹl, I i ghi dọlegbe fi iyeke gbe iran ọvbehe. Mẹ ne Nọyaẹnmwa ne Udazi ọ re ọ tae.”

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Iyẹn ne ọ Maan Ọghe Luk 24:49

Mẹ gha tobọ mwẹ rhie emwi ne Evbavba yan eyan rẹn ne uwa. Sokpan wa ghi mudia vbe adesẹ ore ẹvbo rhinrin ẹtin te ke odukhunmwu rre do hin yan uwa.”

Iyẹn ne ọ Maan Ọghe Jọn 7:39

Jesu ta ẹmwẹ na rhunmwuda Orhiọn ne a gha rherhe rhie ne iran ni ya ẹe yi. Ẹghẹ na, a ma he rhie Orhiọn ne ọmwarhọkpa rhunmwuda a ma he tọn Jesu mu la uwu uyi.)

Iwinna 2:33

A tọẹn mu gha rrie obọ erha ọmwa Osanobua, ne ọ ya miẹn ẹre Orhiọn Ne Ọ Huanrẹn ne Erha ẹe ve ẹre. Emwi ne uwa ghi bẹghe na nian, kevbe ne uwa vbe họn, emwi ne ọ ya ru ima ẹse nọ, ọ keghi hihiẹe yan ima.

II Kọrinti 3:8

inu inu ọre uyi ne ọre ọghe ugamwẹ Orhiọn gha ya kpọlọ sẹẹ!