Aizaia 32:13 - Edo Bible (E Baibol Ẹdo) Version 1996

¹³ igban kevbe ọkọsọ ọ re ọ ghi zọ vbe otọ emwa mwẹ. Wa gha viẹ ne avbe owa ne ọyẹnmwẹ na te sẹ emwa, kevbe avbe okpẹvbo ne ọ te hu yo hu rre.

Aizaia 32:13 ပူးပေါင်းရင်းမြစ်များ

Psalm 107:34

Ọ ya avbe otọ ni maa emwiokọ khian otọe umwẹ, ni la ọ rhie rriẹ, rhunmwuda uyimwẹ dan avbe emwa ni rrọọ.

Aizaia 22:2

Ore ẹvbo hia wa hu yo hu rre, ọ vuọn ne owogho kevbe igiangian. Emwa uwa ni wulo vbe okuo na, ẹ i re aro igbinna iran wulo yi.

Aizaia 23:7

E Taia ne ẹvbo uzọmọ ọ re ọna gele khin ra, ẹvbo ne a bu ru nẹkpo i mwẹẹ arria gha dee! Ẹvbo nii ne ọ gie emwa ne iran fian okun rra, ne iran ya gha bu ẹvbo, ọ re ọna gele khin ra?

Aizaia 23:9

E Nọyaẹnmwa ne Oghodua ọ re ọ mwamwa ẹn. Te ọ mwamwa ẹn ne ọ miẹn ehe na dobọ uhiomwẹ ne iran hio ye emwi ne iran he ye obọ ru yi, kevbe ne ọ silo emwa iran ne a yọghọ na kẹ otọ.

Aizaia 24:11

Emwa gha go vbe adesẹ ẹvbo rhunmwuda wẹ ayọn ighi rrọọ. Oghọghọ fo ẹdẹdẹmwẹdẹ, a wabọ ẹre ua hin otọe ni rre.

Aizaia 27:10

Ẹvbo ne a gbe ekẹn gaa nii khian itowa. Emwa lẹkua vbọ zẹ vbe ẹgbo ne ọ dihoi rua. Ọ khian ehe ne avbe ẹmila na rria.

Aizaia 34:13

Igban kevbe ọkọsọ gha zọ vbe ehe hia kevbe avbe ẹvbo ne a gbe ekẹn gaa. Avbe edi kevbe esughusughu ọ re ọ ghi ra gha rrọọ.

Aizaia 5:10

Azara ne a kọ ye awowo otọe isẹn, egalọn ofigbọn isẹn kẹkan ọre a ra gha miẹn vbọ. Ẹgbẹdin emwiokọ enẹ ne a ya kọ, ẹgbẹdin emwiokọ ọkpa kẹkan ọre a gha vbe gha rhọ vbọ.”

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Aizaia 55:13

Avbe uvbiakhẹ gha wan vbe ehe ne ogigban te ye na. Ewae gha wan rhie ihe igban. Ena ghi gha re ama ni gha rrọọ ẹdẹdẹmwẹdẹ iyagbaye ọghe iwinna ne imẹ ne Nọyaẹnmwa winnaẹn.”

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Aizaia 7:23

“Ọ gha sẹ ẹghẹ nii, avbe ogba azara ne mose mose, ne erhan azara arriaisẹn ye, ne ọ vbe sẹ igho esiliva arriaisẹn, igban ọkhuẹnkhuẹn kevbe ọkọsọ ghi sọn rhu ẹe.

Jerimaia 33:4

Mẹ ne Nọyaẹnmwa ne Osanobua Izrẹl tae wẹ avbe owa e Jerusalẹm kevbe ẹguae ọba e Juda, gha khian ne a siẹẹn sotọ rhunmwuda okuo ne ọ ghae ga ẹre kevbe igbinna na.

Jerimaia 39:8

Vbe uwu ẹghẹ na, ivbi Babilọn keghi giẹẹn ẹguae ọba sotọ ke ẹe kevbe owa avbe emwa nii, iran keghi vbe guọghọ ekẹn ne a gbe lẹga e Jerusalẹm kua.

Jerimaia 52:27

Vbe otọe Hamat. Iran ghi sẹ evba, ọba na wẹ ne a mama iran, ọ na gbele iran an. Erriọ ọ re a na miẹn wẹ a viọ ivbi e Juda hin otọe iran rre gha rrie iwe.

Hozia 10:8

Aro ẹbọ ne ọ rre oke Avọn, ehe ne avbe ivbi Izrẹl na ya gha gho ẹbọ, a gha fuẹn ọnrẹn uan. Igban kevbe irunmwu gha zọ vbe Ogiukpo iran. Emwa nii gha go tama avbe oke nekhua wẹẹ, “Viọ ima lẹre!” Kevbe avbe oke negiẹrẹ wẹẹ, “Guẹ ima muotọ!”

Hozia 2:3

Adeghẹ ọ ma dobọyi, I gha bannọ ọẹn ruan ye irhunmwuirhun, egbe ne ọ gha ye vbe ẹdẹ ne a biẹ ọe. I gha ru ẹe ne ọ khian otọe ne ọ kae kevbe ne ọ dihoi rua. Ohanmwẹ amẹ ghi gbẹe rua.

Hozia 9:6

Ọkhọ gha ghi rruan iran nẹ, ighe avbe emwa ni hia vbe zagha kua, ivbi Igipt gha si iran koko iran ghi si iran koko ne iran ya re iran vbe Mẹmfis! Emwi ẹfe esiliva ne iran mwẹ, kevbe ehe ne owa te gha ye vbe ẹghẹ ọkpa, irunmwu kevbe igban, ọ re ọ gha zọọ gue ehia.