Aizaia 32:11 - Edo Bible (E Baibol Ẹdo) Version 1996

¹¹ Uwu ọrọkhọrhọ ọ re uwa ye dee usin, vbe ne a i na mwẹ oyanghan, sokpan, banbanna nian, wa gie ohan ya uwa gha guọ zẹzẹzẹ, wa bannọ ukpọn uwa kua, ne uwa viọ osọnmwẹ ukpọn rhuan.

Aizaia 32:11 ပူးပေါင်းရင်းမြစ်များ

Psalm 123:4

Ọ kpee gbe ne iran ni fe kegha ya ima gbogiẹ, iran hia ni hio kevbe ni kpokpo mwa gha zan mwa.

Ẹksọdọs 33:4

Ugbẹn vbe emwa nii ghi họn iyẹn dan na, iran keghi suẹn gha khiẹ, iran ma ghi viọ emwi itegbe ye egbe.

Aizaia 15:3

Emwa ni khian vbe ore viọ ukpọn akhiẹ rhuan, emwa gha viẹ, iran vbe khiẹ vbe adesẹ ughe kevbe ẹrhunrhun owa.

Aizaia 2:19

Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Aizaia 2:21

E Nọyaẹnmwa gha rre do mu agbọn na rueghe, emwa gha lẹre ye uvun otọ kevbe uvun okuta, ne iran miẹn ehe na lẹ ohu ẹre fe, kevbe ne iran lẹre ne ẹtin ẹnrẹn kevbe uyi ẹre.

Aizaia 20:4

Ọgbaisi ọghe Asiria gha viọ avbe oghunmwu ne ọ munọ ẹn vbe ẹvbo eveva na gha rrie vbe irhunmwuirhun. Ke ibiẹka kevbe eniwanrẹn, iran gha ya owẹ mama otọ, iran ghi vbe gha khian vbe irhunmwuirhun, iran ghi munọ ikebe yotọ, ne iran fa Igipt rua.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Aizaia 3:24

Ne iran gha na te gha lo ori ne ọ winhin, iran ghi gha wia. Ne iran gha na te gha ya ugbẹkun ni mose gba, iran ghi gha lo irri ne khuarakhuara, ne iran gha na te gha mwẹ eto ne ọ mose, iran ghi gbe akpan, ne iran gha na te rhuan ukpọn ne ọ mose, iran ghi silo osọnmwẹ ukpọn ye egbe, a ghi fi ose iran werriẹ khian emwiekhue!

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Aizaia 47:8

“Danmwehọ ẹmwẹ na, wẹ ne ọyẹnmwẹ yẹẹ, wẹ ne ọ ro ighẹ ẹbe fo, ẹkun vbe sẹ uẹ otọ. U khare wẹ u kpọlọ vba Osanobua nẹ kevbe wẹ ọmwa ne ọ ye vbe ruẹ ighi rrọọ, u te ro ighẹ u i ra dẹgbẹ ẹdẹ ra ne ọmọ wu ẹ.

Jerimaia 4:8

Rhunmwuda ọnii wa viọ ukpọn akhiẹ yọ, wa gha tu wa gha viẹ egbe. Rhunmwuda, ohu nọkhua ọghe Nọyaẹnmwa ma he la hin e Juda uhunmwu rre.

Jerimaia 49:3

Ivbi e Hesbọn, wa gha tulo! A fuẹn Ai rua nẹ! Ikhuo e Raba, wa ya gha khiẹ! Wa viọ ukpọn akhiẹ ye egbe ne uwa gha khiẹ. Wa gha hẹ yo hẹ rre vbe uwu iro ne ọ hanrẹn. A gha mu e Milkọm ne ẹbọ uwa gha rrie iwe, ke ẹe ke avbe ohẹn ọnrẹn kevbe avbe ivbi ọba.

Jerimaia 6:26

E Nọyaẹnmwa khama emwa rẹn wẹẹ, “Wa viọ ukpọn akhiẹ ye egbe ne uwa gha wunnu vbe uwu emuẹn, wa ye ameve ne ọ rriara khiẹ zẹ vbe ne ọmwa gha khiẹ ukpọmọkpa, rhunmwuda emwa ne ọ ra do fuẹn uwa a gha dekun uwa vbe amaro amakọ.

Hozia 2:3

Adeghẹ ọ ma dobọyi, I gha bannọ ọẹn ruan ye irhunmwuirhun, egbe ne ọ gha ye vbe ẹdẹ ne a biẹ ọe. I gha ru ẹe ne ọ khian otọe ne ọ kae kevbe ne ọ dihoi rua. Ohanmwẹ amẹ ghi gbẹe rua.

Joẹl 1:8

Wa ne avbe emwa, wa gha viẹ vbe ọmọ okhuo ne ọ viẹ uwu ọdọ ne ọ te ra rọnmwẹ.

Emọs 4:12

“Rhunmwuda ọnii nian, I ra do rri uwa oya, wa ne ivbi Izrẹl. Rhunmwuda ne I ra na ru emwi na, wa mu egbe ne obọ ibuohiẹn mwẹ vba uwa!”

Zẹfanaia 2:15

Emwi ne ọ ra rruan rẹn ọre ọnii khin ighe ẹvbo ni ne ọ ya ẹtin ẹnrẹn rhuọ vberriọ ne ọ na vbe ro wẹ ẹbe fo. Emwa rẹn ro wẹ ẹvbo iran ọ re ọ ghi kpọlọ sẹẹ vbe agbọn na hia. U miẹn egbe ehe ne ọ dihoi rua ne ọ ra khian, ehe ne avbe aranmwẹ oha gha na gha kẹtin. Ọmwa ne ọ rhirhi a la evba gberra gha ya iyeke werriegbe rhunmwuda vbene ọ ya mu ọmwa ohan.

Diuteronomi 28:48

Rhunmwuda ọnii nian, eghian ne Nọyaẹnmwa, ra viọ ẹre aro da uwa ọ re uwa ra gha ga. Ovbamẹ gha gbe uwa, ohanmwẹ amẹ ghi gbe uwa, wa gha rre ivbabọ, ukpọn kevbe emwi ọvbehe hia. Eghian uwa ghi gha ye ọkhọ ye obọ yẹn uwa uhunmwu rhinrin wa te do fuan.

Jems 5:5

Ẹdẹ agbọn uwa vbe agbọn na keghi re ne ọ vuọn ne uyinmwẹ ọmọ ne ọ fuẹn ukhu kevbe uwa sẹ mwẹ obọ nẹ. Wa keghi ya egbe uwa khian ni kpọlọ khẹ ẹdẹ ne a gha gbe emwi.