Aizaia 32:10 - Edo Bible (E Baibol Ẹdo) Version 1996

¹⁰ Ẹko sẹtin wa vuọn uwa nian, sokpan, vbe ẹghẹ na ukpo ne ọ dee, wa gha rre uwu iro ne ọ hanrẹn, rhunmwuda, wa i ighi ra miẹn alimo rhọ.

Aizaia 32:10 ပူးပေါင်းရင်းမြစ်များ

Aizaia 16:10

Orhiọnkpa ne ẹko maa ighi rrọ nian vbe otọe ne ọ maa emwiokọ nii. A i ghi miẹn ọmwa ne ọ wee ra ne ọ gha so ihuan vbe ogba azara. A i ghi miẹn ọmwa ne ọ minọ alimo ya ru ayọn, uwemwẹ oghọghọ sẹẹ ufomwẹ.

Aizaia 7:23

“Ọ gha sẹ ẹghẹ nii, avbe ogba azara ne mose mose, ne erhan azara arriaisẹn ye, ne ọ vbe sẹ igho esiliva arriaisẹn, igban ọkhuẹnkhuẹn kevbe ọkọsọ ghi sọn rhu ẹe.

Jerimaia 8:13

“Te I te ra si emwa mwẹ koko zẹ vbene ọmwa rhọ emwiokọ ẹre si koko, sokpan, iran yevbe azara ne ọ ma mọ ọmọ, kevbe erhan ohọ ne ọ ma mọ, uhin ighẹ ebe ni rrọ luẹluẹ nẹ. Rhunmwuda ọnii, I keghi fan obọ ẹre ne avbe ọrriọvbe ya otọe nii khian ọghe iran.”

Hozia 2:12

I gha guọghọe rua ighe erhan ne ọ mọ ọmọ ne ọ ya ru ayọn, kevbe erhan ohọ hia, ne ọ khare ighe avbe esiọre ọ re ọ viọ ẹre ne irẹn, rhunmwuda iwinna ne ọ ye ne iran. I gha ya ogba azara ẹre kevbe erhan ohọ ẹre khian ẹgbo, aranmwẹ oha ghi rhia ẹre ua.

Hozia 3:4

Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Joẹl 1:12

Alimo ayọn kevbe avbe erhan ohọ ehia luẹluẹe. Erhan ni mọ hia, khuọn ebe kua, iran keghi wulo. A ho ẹkorhiẹnrhiẹnmwẹ emwa nii bẹkun.

Joẹl 1:5

Wa rhiọrre ne uwa gha viẹ, wa ne avbe ọdayọn, wa gha viẹ, wa ni da ayọn, iran dunmwu ehia a ighe avbe alimo ne a te ya ru ayọn ọgbọn.

Joẹl 1:7

Iran mu erhan alimo ayọn ima rhia, iran vbe ya akọn lọọ erhan ohọ ima an iran kpalọ ikpakpa ẹre kua, a te do miẹn wẹ te abọ ẹre ghi fuọfua.

Habakọk 3:17

A gha rhe miẹn ighẹ avbe erhan ohọ i mwẹ ọmọ, kevbe wẹ alimo ayọn i rre uhunmwu erhan azara, a gha rhe miẹn wẹ oliv ma maa, I ghẹ ugbo ma maa ọka, a gha rhe miẹn wẹ avbe ohuan hia wulo, i ghẹ ẹmila rhọkpa i rre irhu.

Zẹfanaia 1:13

Emwa gha fu iran emwi viọ, a gha dunmwu owa iran an. Iran i yin owa ne iran bọlọe ra ne iran da ayọn vbe ọghe ugbo azara ne iran gbee.”