Aizaia 32:1 - Edo Bible (E Baibol Ẹdo) Version 1996

¹ Ẹdẹ ọkpa, ọba ne ọ ye ekhọe esi khaemwisẹ kevbe avbe ọkaolotu ẹvbo ni ya uhunmwu ẹmwẹ ne a ta khaemwisẹ, gha do gha rrọọ.

Aizaia 32:1 ပူးပေါင်းရင်းမြစ်များ

II Samuẹl 23:3

Osanobua Izrẹl guan nẹ, ne ọ de gue Izrẹl keghi tama mwẹ wẹẹ: “Ọba ne ọ ye ẹmwata khaemwisẹ, ne ọ khaemwisẹ vbe a mu ohan Osanobua,

Psalm 45:1

Ẹmwẹ ni rhiẹnrhiẹn wa vuọn ekhọe mwẹ, vbe I gbẹn ihuan na ne ọba zẹvbe ukeke ọgbenbe ne ọ guẹe. Aranmwẹ mwẹ, wa mu egbe ekharha ye otọ.

Psalm 99:4

Ọba nọkhua, wẹ ho ẹmwẹ ne ọ gbae; wẹ mu ohiẹn ẹmwata gbọ nẹ vbe Izrẹl, wẹ rhie ẹmwata kevbe a i ghe ikpanro rre nẹ.

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 11:5

Ẹmwata kevbe uhunmwu ẹmwẹ ọ re ọ ra ya gha khaemwisẹ yan emwa rẹn.

Aizaia 16:5

Ọkpa vbe ivbi e Devid gha rriọba, ọ gha ya ẹkoata kevbe aho khaemwisẹ yan emwa nii. Obọ gha kẹ ọre vbe emwi nọgbae ne a ru, ọ gha vbe miẹn wẹ vbene emwi kei yi ọ re a ru ẹẹ.

Aizaia 28:6

Ọ gha ma iran emwi ne a ya ohiẹn ẹmwata kha ighẹ avbe iran ni bu ohiẹn, kevbe udinmwẹ ne iran ni waan ga onurho ẹvbo ne a ghẹ mu igbinna la uwu ẹre.

Aizaia 33:5

U miẹn vbene Nọyaẹnmwa kpọlọ hẹ. Rẹn ọ re ọ khaemwisẹ yan emwi hia. Ọ gha ya ohiẹn ẹmwata kevbe ekhọe ne ọ maa vuọn Jerusalẹm.

Aizaia 4:6

Uyi ẹre gha degue ẹvbo nii, hin owowo avan rre, ọ ghi ya ẹe khian ehe ne ẹbe i ye, ne a degue hin obọ amẹ kevbe okpẹhoho rre.

Jerimaia 33:14

E Nọyaẹnmwa keghi kha wẹẹ, “Ẹghẹ dee ne I gha na mu eyan ne I yaan ne ivbi Izrẹl kevbe Juda sẹ.

Jerimaia 33:15

Ẹghẹ nii, I ghi zẹ ovbi uniẹn e Devid ne ọ maa, zẹ vbe ọba. Ọba nii gha ru emwi ne ọ ghae kevbe ne ọ hẹnhẹn vbe otọe nii hia.

Ezikiẹl 37:24

Ọba ne ọ yevbe Devid ne ọguọmwadia mwẹ ghi gha re ọba iran. A gha si iran hia koko ye ototọ enọkhaemwisẹ ọkpa, iran ghi gha ye ekhọekekhọe ya uhi mwẹ ru emwi.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Ebe ne Pọl gbẹẹn gie emwa Rom 5:21

Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

Arhie Maan 19:11

I keghi miẹn vbe ẹrinmwi kie ye otọ, ẹsin nọfua ọkpa kegha rrọọ, a kegha tie ọmwa ne ọ hin ẹnrẹn, Ọmwata kevbe Ne ọ ta uhunmwu ẹmwẹ. Ẹmwata ọre ọ ya bu ohiẹn kevbe ne ọ vbe ya khọn okuo ẹre.