Aizaia 31:7 - Edo Bible (E Baibol Ẹdo) Version 1996

⁷ Ẹghẹ dee ne uwa gha na filo avbe amazẹ orukhọ ne uwa ya esiliva kevbe igoru mannọ kua.

Aizaia 31:7 ပူးပေါင်းရင်းမြစ်များ

Aizaia 17:8

Iran i ghi ra dọlegbe mu ẹtin yan avbe Ogiukpo ne iran ya obọ iran ma, ra ne iran mu ẹtin yan iwinna obọ iran, avbe amazẹ ọghe Asiẹrra ne ẹbọ nokhuo kevbe avbe Ogiukpo ne a na giẹn eturari.

Aizaia 2:20

Ọ gha sẹ ẹdẹ nẹdẹrriọ, iran gha filo amazẹ igoru kevbe esiliva ne iran mannọẹn kua, iran gha sẹ ehia rae ne ofẹn oha kevbe avbe ẹguẹn.

Aizaia 30:22

Wa gha viọ avbe amazẹ uwa ne a ya esiliva rhu, kevbe avbe amazẹ ne a ya igoru rhu, wa ghi viọ ehia kua zẹ vbe iku, wa ghi datu wẹẹ, “Wa kpahin odaro mwẹ rre!”

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Hozia 14:8

A i ghi ra dọlegbe tie ivbi Izrẹl ye ẹmwẹ ẹbọ ọvbehe. I gha họn erhunmwu iran, I ghi vbe gha gbearoghe iran I gha mu irhu gue iran zẹ vbe erhan ne ẹ i khuọn ebe kua. Obọ mwẹ ọ re afiangbe iran ke rre.”

Hozia 8:11

Vbene ivbi Izrẹl ya bọlọ ogiukpo ne a na khue orukhọ kua ne ọ gha bun yọ, erriọ ehe ne iran na ru orukhọ vbe ya bun yọ.

Diuteronomi 7:25

Giẹn avbe amazẹ iran an. Ghẹ gie esiliva ra igoru ni rre iran egbe viẹn ye uwa aro, wa ghẹ vbe viọ iran ya khiẹn ọwua. Wa gha ru vberriọ, uwu ọ re ọ ke ẹre ikian rhunmwuda ẹbọ na gho wa sọnnọ e Nọyaẹnmwa.