Aizaia 31:6 - Edo Bible (E Baibol Ẹdo) Version 1996

⁶ Osanobua khare wẹẹ, “Wa ne ivbi Izrẹl, wa rukhọ ghe mwẹ nẹ, wa keghi vbe gha gbodan ghe mwẹ. Sokpan, banbanna nian, wa dọlegbe bu mwẹ gha dee.

Aizaia 31:6 ပူးပေါင်းရင်းမြစ်များ

II Krọnikol 36:14

Deba ena hia avbe ọkaolotu e Juda avbe ohẹn kevbe avbe emwa nii, keghi wa gha yin zẹ vbe emwa ni rre ẹvbo ni lẹga iran, iran na gha gho ẹbọ, iran keghi la ekpa ọnii mu awua ye Ọgua Osa ne Nọyaẹnmwa tobọ ẹre ya khian ne ọ huanrẹn nẹ.

Job 22:23

Ẹn, hẹko ya imuegberriotọ werriegbe bu Osanobua. Ne u kie ehia ukpe ighẹ avbe emwi dan ne a ru vbe owa ruẹ.

Aizaia 1:2

E Nọyaẹnmwa khare wẹẹ, “Otọe vbe ukhunmwu, wa danmwehọ ẹmwẹ ne I ra ta na! Emọ ne I biẹlẹe sọtẹ mwẹ.

Aizaia 29:15

Ọghe iran fo ighe avbe emwa ni ho ne iran gha rhie emwamwa iran lẹre ne Osanobua. Iran ru emwi ne iran mwamwa ẹn vbe ẹkhokho, iran ghi vbe gha ro wẹ ọmwarhọkpa i ra bẹghe iran, ra ne iran rẹn emwi ne iran ru.

Aizaia 44:22

I kpolo orukhọ ruẹ gha rrie zẹ vbe okuku amẹ. Werriegbe bu mwẹ gha dee, mẹ ọrọre ọmwa ne ọ miẹn ruẹn fan.”

Aizaia 48:8

Mẹ rẹnrẹn wẹ wa i gia mu ẹtin yan wẹ, etẹ ọ re a rẹn uwa yi ẹdẹ. Onii ọ sii ẹe ne uwa ma na zẹdẹ họn vbekpa ọnọna hiehiere ne ifi ẹmwẹ ọkpa vbọ ma na vbe fi la uwa ehọ.

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Jerimaia 3:10

Vbe iyeke ena hia, e Juda ne okhuo ne ọ ma guobọ ọdọ ne ọtẹn Izrẹl keghi ye ọvọvo bu mwẹ gha dee, ọ ma sẹ ọ re otọ ẹko hiehiere. Mẹ ne Nọyaẹnmwa ọ re ọ tae.”

Jerimaia 3:12

Rẹn keghi tama mwẹ wẹ ne I ya tama Izrẹl wẹẹ, “Izrẹl ne ekhọe ẹre ma mudia ẹse, werriegbe bu mwẹ gha dee, mẹ mwẹ itohan, ohu i ra vbe mu mwẹ. I i ra muohu ruẹ rhinrin ẹdẹ.

Jerimaia 3:14

“Wa ne emwa ne ai gha ekhọe ẹre, wa werriegbe rre, ọghomwẹ ọ re uwa khin, I gha rhie ọkpọkpa vbe uwu uwa ke dọmwadẹ okpẹvbo ladian, kevbe eveva ke dọmwadẹ ẹwae rre, I ghi viọ uwa werriegbe gha die Oke Zaiọn.

Jerimaia 3:22

Wa werriegbe rre, wa hia ni fi iyeke gbe Nọyaẹnmwa ọ gha mu uwa egbe rran, ọ ghi ru ee ne uwa do gha re ne ọ mudia ẹse.

Jerimaia 5:23

“Sokpan, wa na, wa ze vbe ẹkoko udu, wa keghi vbe sọtẹ, wa lahin odẹ rre, wa keghi sẹ mwẹ rae.

Ezikiẹl 18:31

Wa sẹ avbe emwi dan ne uwa te ka ru de yi rae, ne uwa gie iro ọgbọn kevbe ekhọe ọgbọn la uwa orhiọn. Vbọzẹ ne uwa na ho ne uwa wulo yi, wa ne ivbi Izrẹl.”

Ezikiẹl 18:32

E Nọyaẹnmwa ne Udazi khare wẹẹ, “Mẹ iho ne ọmwarhọkpa wu. Wa zobọ vbe orukhọ ne uwa ru, ne uwa he diagbọnya.”

Hozia 9:9

Emwi ne iran ru i zẹdẹ maa hiehiere, zẹ vbene iran gha ye vbe Gibea. Osanobua gha ye orukhọ iran rre, ọ ghi rri iran oya yọ.

Zẹkaraia 1:3

sokpan, banbanna nian, mẹ tama uwa wẹẹ wa werriegbe bu mwẹ gha dee, mẹ gha vbe werriegbe bu uwa rre.

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

Iwinna 3:19

Rhunmwuda ọnii nian, wa roiro fi uyinmwẹ werriẹ, wa bu Osanobua gha dee, ne ọ miẹn ehe na kpe orukhọ uwa hia kua.