Aizaia 31:5 - Edo Bible (E Baibol Ẹdo) Version 1996

⁵ Zẹ vbene ahianmwẹ gho lẹga oko ẹre, ne ọ tan ifuẹn ga ivbi ẹre, erriọ mẹ ne Nọyaẹnmwa ne Oghodua gha degue Jerusalẹm ne I tan obọ gue ẹre.”

Aizaia 31:5 ပူးပေါင်းရင်းမြစ်များ

Gẹnẹsis 1:2

Agbọn ma zẹdẹ gha mwẹ ona, emwi i vbe rrọ, ebiebi keghi so gba avbe okun nekhua ni hu yo hu rre vbọ. Ẹtin Osanobua kegha lọyan yo lọyan rre vbe uhunmwu amẹ.

II Ọba 19:34

I gha gbinna ne ẹvbo na, I ghi vbe tan obọ guẹ ẹre rhunmwuda ekpẹn ne egbe mwẹ kevbe eyan ne I yan ma e Devid ne ọguọmwadia mwẹ.’ ”

II Krọnikol 32:22

Odẹ vbenian ọ re Nọyaẹnmwa ya miẹn Hẹzekaia kevbe ivbi e Jerusalẹm fan vbe obọ e Senakẹrib ne Ọgbaisi Asiria, kevbe vbe obọ avbe eghian iran ọvbehe. Ọ keghi gie emwa nii gha rrọọ vbe ọfumwegbe deba avbe ẹvbo ni lẹga iran.

Psalm 37:40

Ọ yi iran obọ, ọ ghi vbe miẹn iran fan ọ miẹn iran fan vbe obọ emwa dan rhunmwuda, rẹn ọ re iran lẹ gbinna.

Psalm 46:5

Osanobua rre ẹvbo nii, a i vbe fuọn ruan ẹdẹdẹmwẹdẹ; ọ gha rre do yọre obọ vbe owiẹ vbirrivbirri.

Psalm 46:6

Ohan mu avbe okpẹvbo a vbe mu avbe otọ arriọba rueghe; Osanobua van avan otọ agbọn keghi ranran an.

Psalm 91:4

Ọ gha ya ifuẹn ọnrẹn gue ruẹ, wẹ gha re ne ẹ i mwẹ ẹbe vbe ototọ ugue ẹre, ẹmwata ẹre gha degue ruẹ ọ gha vbe gbinna ne uẹn.

Ẹksọdọs 12:27

Wa ghi wanniẹn wẹẹ, ‘Izọese Alagberra ọghe Nọyaẹnmwa nọ, ọ rhie gberra owa ivbi Izrẹl vbe Igipt vbe ẹghẹ ne ọ na gbele ivbi Igipt vbene ọ na sẹ owa ima rae.’ ” Emwa nii keghi diguẹ, iran na ru ugamwẹ.

Ẹksọdọs 19:4

“Wa miẹn emwi ne I ru ivbi Igipt re, vbene I na mu uwa zẹ vbene oghohọn mu ovbi ẹre vbe ifuẹn ọnrẹn, I na viọ uwa gha die ehe ne I ye.

Aizaia 10:14

Avbe uhunmwu ẹvbo hia keghi yevbe oko ahianmwẹ. I keghi viọ ẹfe iran vbe ne edogbandogban i na rrọ, zẹ vbene a viọ ekẹn ahianmwẹ vbe oko. A ma vbe miẹn ne ọ gbe ifuẹn ya ghagha mwẹ; ra ne ọ vbe rhan ukpe ya tu da mwẹ!”

Aizaia 26:1

Ẹdẹ dee ne emwa gha so ihuan na vbe otọ e Juda: Ẹvbo mwa wegbe. Osanobua tobọ ẹre ọre ọ wan ga ekẹn ọnrẹn.

Aizaia 27:3

“Te imẹ khẹ ọre, I ghi vbe gha gbe amẹ khakhae vbe ẹghẹ hia. Te I khẹ ọre ke asọn kevbe avan, ne ọmwarhọkpa ghẹ ya rhia ẹre ua.

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 37:35

I gha gbinna ne ẹvbo na, I gha vbe degue ẹre, rhunmwuda uyi mwẹ kevbe rhunmwuda eyan ne I yan ma e Devid ne ọguọmwadia mwẹ.’ ”

Aizaia 38:6

I gha miẹn uwẹ kevbe ẹvbo na ne Jerusalẹm fan vbe obọ ọgbaisi Asiria, I gha vbe gha degue ẹvbo na khian rhinrin.”

Zẹkaraia 9:14

E Nọyaẹnmwa gha ya egbe ladian vbe uwu ẹbu emwa rẹn; ọ gha fi uhanbọ ẹre zẹ vbe ayan.

Zẹkaraia 9:8

I gha tobọ mwẹ gha gbe aro ghe ẹvbo mwẹ, I i ghi ra vbe gie ivbiyokuo gha la ẹe gberra. I i ghi ra kue ne emwa dan gha wọ emwa mwẹ uhunmwu ọvbehe. I miẹn vbene emwa mwẹ he rri oya sẹhẹ.”

Diuteronomi 32:11

Zẹ vbe oghohọn ne ọ ma ivbi ẹre utinmwẹ, ne ọ na ye ifuẹn ne a rhanrẹn da iran yi, e Nọyaẹnmwa ma gie Izrẹl de.