Aizaia 31:2 - Edo Bible (E Baibol Ẹdo) Version 1996

² Ọ rẹn emwi ne irẹn ru. Ọ ghi gie ọfuan. Ọ ghi vbe mu ẹẹn sẹ ighẹ eyan ne ọ yan rẹn wẹ, rẹn gha rri emwa dan kevbe iran ni gbegue ne iran oya.

Aizaia 31:2 ပူးပေါင်းရင်းမြစ်များ

Job 12:16

“Osanobua wegbe, rẹn ọ re ọ khọnmiotọ vbe ẹghẹ hia. Ke ne a rẹrẹ, kevbe ne ọ rẹrẹ ọmwa, obọ ẹtin ẹnrẹn ọ re iran hia ye.

Aizaia 1:4

Ọghe uwa fo nẹ, wa ne uhunmwu ẹvbo ni ru orukhọ, wa ne emwa dan ni kẹkẹ ua! Orukhọ uwa silo uwa gbe otọ nẹ, wa fi yeke gbe Nọyaẹnmwa ne Osanobua Izrẹl, wa keghi hee ẹe yotọ.

Aizaia 14:20

Rhunmwuda ne u na mu ẹvbo ruẹ rhia, u keghi vbe gbele avbe emwa ruẹn, a i khian re ruẹ vbene a re avbe ọba nekpa. Ne ọ khian miẹn uhunmwu vbe ẹgbẹe ruẹ ne ẹgbẹe dan nii, ẹ i rrọọ.

Aizaia 21:17

Iran ni fi uhanbọ ọrọre emwa ni din sẹẹ vbe Keda sokpan ibozẹghẹ ọ ra kẹe vbọ. Mẹ ne Nọyaẹnmwa ne Osanobua Izrẹl ọ re ọ tae.”

Aizaia 22:14

E Nọyaẹnmwa ne Oghodua ne Udazi keghi tobọ ẹre gun mwẹ guan, ọ wẹẹ, “Ti ra ya emwi dan na bọ iran, iran te ya wulo. Mẹ ne Udazi ne Nọyaẹnmwa ne Oghodua, ọ re ọ tae.”

Aizaia 28:21

E Nọyaẹnmwa gha gbinna zẹ vbene ọ ru vbe uhunmwu Oke Pẹrazim kevbe vbe iya e Gibiọn, ne ọ miẹn ehe na ru vbene ọ wẹ rẹn ra ru vbene ọ khọnrẹn ne emwi ne ọ ru a ya gha re ne a ma he miẹn egbọre ẹdẹ hẹ. Ọ gha winna iwinna rẹn gba, iwinna ọyunnuan nii.

Aizaia 28:29

Obọ Osanobua ne Oghodua ọ re avbe ẹwaẹn na hia, ke rre. Emwi ne Osa mwamwaẹn ọ ghe ẹwaẹn ọ re ehia khin, okpa ne ẹ i vbe dinna odẹ ẹ i rrọọ.

Aizaia 30:3

Sokpan, ọba nii i mwẹ ẹtin iyobọ ne ọ ra ru ne iran, obọ ne Igipt ra tan gue iran, ọfuan ọ re ọ ra ke ẹre ikian.

Aizaia 30:7

Iyobọ ne Igipt ru i mwẹ esa, rhunmwuda ọnii ọ re I na mu ovan ne Igipt gha tie ẹre, ‘Ugbogiorinmwi ne ọmẹhẹ.’ ”

Aizaia 31:3

Avbe ivbi Igipt i re ẹrinmwi, emwa kẹkan ọ re iran khin. Ẹsin iran ivbi re ni ke ẹrinmwi rre. Ẹghẹ ne Nọyaẹnmwa gha na guan yọ, ẹvbo ne ọ wegbe nii gha de guọghọ ua, ẹvbo ne ọ ma wegbe ne irẹn te yọre obọ ghi de. A gha fuẹn iran eveva a.

Aizaia 32:6

Ẹmwẹ ukọnmwẹ ọ re akpa guan, ọ ghi vbe gha zẹ iro emwi dan ne irẹn gha ru, emwi ne ọ ru kevbe ẹmwẹ ne ọ ta, ne a ya yagha e Nọyaẹnmwa ọ re ehia khin. Ẹ i rhie evbare ne ọmwa ne ohanmwẹ gbe ra ne ọ sa amẹ ne ọmwa ne ovbamẹ gbe wọn.

Aizaia 45:7

Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Aizaia 9:17

Rhunmwuda ọnii, e Nọyaẹnmwa I ra gie ọkpa lẹfe vbe uwu avbe igbama ni rrọọ, ẹ i ra vbe tohan avbe ẹgbẹ kevbe emọ ne ẹ i mwẹ erha, rhunmwuda emwa dan ne emwa dan ọ re avbe emwa nii hia wa khin, ẹmwẹ ne iran ta hia, ọkhọ ọ re ehia khin. Ọ rhe ye vberriọ, ohu e Nọyaẹnmwa i he ye fo, te obọ ẹre gha ye niẹn ladian ne ọ rria ikhi.

Jerimaia 10:12

Ẹtin ẹnrẹn ọ re Nọyaẹnmwa ya yii otọe ẹwaẹn ẹnrẹn ọ re ọ ya yii agbọn, ọ kevbe niẹn iso ne ọ vbẹ.

Jerimaia 10:7

De ọmwa ne ẹ i ra ya ọghọ ne uẹn, ọba avbe uhunmwu ẹvbo, hia? U sẹe ne a yọghọ na ọmwa ne ọ ye vbe ruẹ i rrọọ, vbe uwu avbe umẹwaẹn uhunmwu ẹvbo hia, ra vbe uwu avbe ọba iran.

Jerimaia 36:32

Ẹre I na dọlegbe rhie ebe ohian ọvbehe, I na rhie ẹre ne Barọk ne ọgbenbe mwẹ. Ọ keghi gbẹnnẹ emwi ne I talọ ma rẹn ne ọ gbẹnnẹ yotọ. Ọ keghi gbẹnnẹ emwi hia ne ọ gha rre ebe n okaro kevbe avbe uhunmwu ọvbehe ne I vbe talọ ma rẹn ne ọ gbẹnnẹ.

Ezikiẹl 29:6

Ẹghẹ nii, ivbi Igipt hia gha rẹn ighe mẹ ọrọre Nọyaẹnmwa.” E Nọyaẹnmwa khare wẹẹ, “Ivbi Izrẹl mu ẹtin yan uwa ne ivbi Igipt wẹ wa ọ re ọ ra yi iran obọ, sokpan, wa ma maa sẹ erhan ne zẹghẹzẹghẹ.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Nọmbas 10:35

Ẹkpẹti Ile nii gha wa si okhian, e Mosis ghi kha wẹẹ, “E Nọyaẹnmwa, kpaegbe ne u zagha avbe eghian ruẹn kua, ne u vbe khulo iran ni mu ohu ruẹ kua!”

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Matiu 24:35

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Ebe ne Pọl gbẹẹn gie emwa Rom 16:27

Osanobua ọkpa nii ọmwa ne irẹn ọkpa mwẹ ẹwaẹn hia, ọre uyi gha rrọọ na vbekpa Jesu Kristi ẹdẹdẹmwẹdẹ. Isẹ.

Jọsua 23:15

Ẹn ẹn, e Nọyaẹnmwa Osanobua uwa ru emwi hia ne ọ yan rẹn ighẹ rẹn gha ru ne uwa, ne uwa nẹ.

Ebe ne Jud gbẹẹn 1:25

Ne Osanobua ọkpa kevbe Ọmiọnmwafan, la ekpa Jesu Kristi Nọyaẹnmwa, ọre uyi, ọdakha, ẹtin kevbe asẹ gha rrọọ na, ke orre ni gberra hia gha dee do sẹ wanwanna, ẹdẹ kevbe ẹdẹdẹmwẹdẹ. Isẹ.

I Samuẹl 2:3

Dobọ owogho oghagha ruẹ yi gie ẹmwẹ uhiomwẹ ruẹn gbẹdọ, rhunmwuda, e Nọyaẹnmwa, Osanobua ne ọ rẹn emwi ne ọ sunu nọ, ọ vbe bu ohiẹn emwi ne emwa ru hia.