Aizaia 30:7 - Edo Bible (E Baibol Ẹdo) Version 1996

⁷ Iyobọ ne Igipt ru i mwẹ esa, rhunmwuda ọnii ọ re I na mu ovan ne Igipt gha tie ẹre, ‘Ugbogiorinmwi ne ọmẹhẹ.’ ”

Aizaia 30:7 ပူးပေါင်းရင်းမြစ်များ

Job 9:13

Ohu Osanobua i firaa, Ọ rẹnkhẹn avbe eghian rẹn hia a. Iran ni rhie obọ ye Rehab ne ugbogiorinmwi amẹ iyeke, gha gu ẹe suan.

Psalm 87:4

“I gha so eni Igipt kevbe Babilọn, ba ẹvbo ni họn ẹmwẹ mẹ. I gha vbe ka ivbi e Filistia, e Taia kevbe Sudan ba iran, I gha ka iran ba emwa ni yin e Jerusalẹm”

Psalm 89:10

U piẹn Rehab ne Ugbogiorinmwi, u keghi gbe ẹe rua, u ya ẹtin ruẹn nọkhua khọn, avbe eghian ruẹn muotọ.

Ẹksọdọs 14:13

E Mosis keghi wanniẹn tama emwa nii wẹẹ, “Wa ghẹ fian afianma. Wa mudia gbain ne uwa gha ghe emwi ne Nọyaẹnmwa gha ru ya miẹn uwa fan ẹrẹna; ivbi Igipt ne uwa miẹn ẹrẹna, wa i ghi ra dọlegbe miẹn iran ọvbehe.

Itan 25:19

Ọmwa ne ọ ya aro kọ ọmwa ne ẹ i gia muẹtinyan vbe ẹghẹ asobọyegbe, te ọ yevbe ọmwa ne ọ ye akọn ne ọ rueghe rri evbare, ra ne ọ ye owẹ ne ọ suke khian.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 2:22

Ghẹ mu ẹtin yan ọmwa ne ọ sẹtin wu. Vbe iran gbe vbe iran hẹẹ?

Aizaia 20:6

Ọ gha sẹ ẹghẹ nii, iran ni yin lele eghute ọghe Filistia gha kha wẹẹ, ‘Wa ghe emwi ne ọ sunu vbe egbe emwa ne ima rhie aro yi ighẹ ọ gha miẹn ima fan vbe obọ ọba Asiria, vbe ima ra ya miẹn uhunmwu hẹẹ?’ ”

Aizaia 28:12

Ọ rhie ikẹtin kevbe ọfumwegbe ne uwa, sokpan, wa ma danmwehọ ẹre.

Aizaia 30:15

E Nọyaẹnmwa ne Udazi, ọmwa nọhuanrẹn Izrẹl tama emwa ni wẹẹ, “Wa werriegbe rre, ne uwa hẹko mu ẹtin yan mwẹ. Ẹghẹ nii, wa gha wegbe, wa ghi vbe gha re ne ẹkun sẹ ọre otọ.” Sokpan, wa he ne uwa ru vberriọ.

Aizaia 30:5

ivbi Izrẹl gha gbe I ma rẹn, wẹ ọ da iran ne iran na zẹdẹ ya egbe yan uhunmwu ẹvbo ne ẹ i gia mu ẹtin yan nii, uhunmwu ẹvbo ne ọ hiẹ iran vbe iran te gha khẹ iyobọ ẹre.”

Aizaia 36:9

Wa ma zẹdẹ sẹ ẹrrẹe ọkaokuo Asiria ne ọ ghi kanmwa sẹ, sevba, wa keghi rhie aro yọ wẹ Igipt gha viọ ẹsin kevbe avbe ikẹkẹ okuo gie uwa.

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Aizaia 7:4

Kha ma rẹn wẹ ne ọ sikhua, wẹ ne ọ gie ekhọe ẹre sotọ wẹ ne ọ ghẹ hawa, ọ ghẹ gie ohan mu ẹẹn. Ohu ne ọ mu e Rezin ne Ọba kẹe kevbe ivbi e Siria ne emwa rẹn na kevbe Ọba Pẹka ọ ma zẹdẹ zẹ ẹbe sẹẹ ighogho ne ọ ke ivbi erhan eva ni gbe muẹnmuẹn rre.

Jerimaia 37:7

Ne I ya tama e Zedekaia wẹẹ, “Ivbiyokuo Igipt wa dee nian ne iran do yuọ obọ, sokpan, iran gha werriegbe.

Eve Orriara 3:26

rhunmwuda ọnii, ne a ye i ziengbe diakhẹ ọre, ọ re ọ maa sẹ ne a diakhẹ ọre ne ọ miẹn ima fan —

Hozia 5:13

“Izrẹl ghi miẹn vbene obọ emianmwẹ da irẹn hẹ, e Juda ghi miẹn ẹwẹn ne egbe ẹre, Izrẹl keghi gha rrie Asiria ne ọ ya nọ iyobọ vbe obọ ọgbaisi nọkhua, sokpan, ọ ma sẹtin sinmwi iran, ra ne ọ kpe ẹwẹn iran rrie.