Aizaia 30:6 - Edo Bible (E Baibol Ẹdo) Version 1996

⁶ Ọna ọre uhunmwu ne Osanobua gie vbekpa avbe aranmwẹ ni rre ato odẹ ekẹn: “Avbe ukọ nii khian la ẹvbo dan ne avbe oduma ye kevbe avbe ẹyẹn ni mwẹ obi dan kevbe avbe Ugbogiorinmwi ni tin. Iran keghi kun emwiokọ ighobioye vuọn ekẹtẹkẹtẹ kevbe kamẹl iran ne a viọ gie uhunmwu ẹvbo ne ẹ i mwẹ iyobọ ne ọ gha sẹtin ru.

Aizaia 30:6 ပူးပေါင်းရင်းမြစ်များ

Gẹnẹsis 12:9

Ebram keghi laghe odẹ ekẹn, ọ keghi khian ke agọ ọkpa dinna ọvbehe vbe odẹ ne ọ laghe otọe Kenan.

I Ọba 10:2

Ọ keghi rre ke irẹn kevbe eguọmwadia ni bun, deba avbe ekẹtẹkẹtẹ ne a kun emwi ni winhin yan, kevbe igoru ọrhẹnrhẹn. Iran ghi vba egbe, okhuo nii keghi nọ rẹn ọta ni bun ni lọghọ ne ọ ghi ye rre hia.

II Krọnikol 16:2

Rhunmwuda ọnii, Asa keghi viọ esiliva kevbe igoru vbe aza ni rre Ọgua Osa kevbe ẹguae, ọ na viọ gie Benhadad ne ọba e Siria vbe Damaskọs, ọ na gie ne a tama rẹn wẹẹ,

II Krọnikol 9:1

Otiti e Solomọn keghi do gha sẹ ehe ne Ọba Nokhuo e Siẹba ye, rẹn kegha rrie Jerusalẹm ne ọ ya mu ibo ne ẹẹn san. Ọ keghi viọ eguọmwadia ni bun ba egbe gha dee, ke ẹe kevbe ekẹtẹkẹtẹ ni bun ne a ya kun emwi ni winhin, ikpẹrọnmwọ kevbe igoru ọrhẹnrhẹn. Rẹn vbe Solomọn ghi miẹn egbe, ọ kevbe nọ rẹn ọta hia ni ghi rre ọre ekhọe.

Job 39:11

U gha sẹtin mu ẹtin yan ẹtin ẹnrẹn nọkhua ra, ne u gha khẹ ọre ne ọ do winna iwinna ruẹn ne ọ lọghọ?

Ẹksọdọs 1:14

Iran keghi ya ẹdagbọn iran khian ọghe orriara vbe ne iran na ya iran gha mannọ obuẹ kevbe ibiriki, deba iwinna a gha wu a rrie ni ghi rre ugbo hia. Iran keghi ya ẹtin munọ iran gha miẹn ẹsọn ike ẹsọn ne ọ rhirhi gha khin. Iran ma vbe mwẹ itohan ghe ivbi Izrẹl.

Aizaia 14:29

Ivbi e Filistia, orhokhua ne ọ ya gbele uwa bunnọ, sokpan, emwi ne uwa gha ghọghọ yi i zẹdẹ rrọọ. Ẹyẹn okpa gha wu, ọvbehe ne ọ rhia sẹẹ ọre ghi rhie ihe ẹre. Ekẹn ẹyẹn ghi gbe Ugbogiorinmwi ne ọ tin ladian.

Aizaia 15:7

Avbe emwa nii fian Iya e Wilo rra, iran ho ne iran lẹ kua ke iran ke emwi ne iran mwẹ hia.

Aizaia 19:4

I gha viọ ivbi Igipt ku obọ ọba dan, ọba ne ekhọe dan ne ọ ra gha khaemwisẹ yan iran. Mẹ ne Nọyaẹnmwa ne Oghodua, ọ re ọ tae.”

Aizaia 35:9

Oduma i ra gha rre evba aranmwẹ ni khọ i ra la odẹ nii. Avbe emwa ne Nọyaẹnmwa dẹ werriegbe nẹ, gha la odẹ nii gha rrie owa.

Aizaia 5:30

Ọ gha sẹ ẹdẹ nẹdẹrriọ, iran gha da van yan Izrẹl zẹ vbe uvanmwẹ okun. Wa ghe ọna ighe ẹvbo! Ebiebi kevbe akhiẹ. Ebiebi gbe uwanmwẹ ne ọ rrọọ re.

Aizaia 57:9

Wa sa ori ne ọ winhin ye egbe kẹe kevbe ori ne a ya wuo. Wa keghi ya gho e Molẹk. Wa gie emwa la erhan la irri ya gha gualọ ẹbọ ne uwa gha gho uhin ighẹ te uwa gie yo ẹvbo iran ni wulo nẹ.

Aizaia 8:22

ra iran ghi gha ghe otọe sokpan, iran i ra bẹghe emwi ọvbehe gberra ọlọghọmwa kevbe ebiebi, ebiebi ne ọ gbe orrirri ne iran ra khulo iran lao. Odẹ ne iran gha la miẹn uhunmwu vbe egbe ọlọghọmwa na, ẹ i rrọ.

Jerimaia 11:4

Ile ne I gu avbe erha iran odede taa nọ, vbe ẹghẹ ne I na viọ iran ke Igipt ladian, otọe nii ne ọ yevbe ogidi erhẹn ne iran. I tama iran wẹ ne iran gha họn ẹmwẹ mẹ, kevbe ne iran gha ru emwi hia ne I tama iran. I keghi tama iran wẹ, iran gha họọn ẹmwẹ mẹ, iran ghi gha re emwa mwẹ, mẹ ghi vbe gha re Osanobua iran.

Jerimaia 2:6

Iran ma zẹ yọmwẹ re. A gha rhe miẹn wẹ mẹ ọ re ọ fannọ iran ke Igipt ladian. I keghi su iran la otọ oha gberra otọe ne ato kevbe uye ekhae ye otọe ne ọ kae kevbe ne ọ vuọn ne ẹbe ehe ne ọmwa rhọkpa i ye ne a i vbe miẹn ọmwa ne ọ lae gberra ẹdẹ.

Ezikiẹl 20:46

“Ovbi ọmwa, tọn aro mu ghe odẹ ekẹn. Ta ku odẹ ekẹn ne u vbe guan ẹmwẹ akhasẹ ghe avbe ẹgbo ni rre odẹ ekẹn.

Hozia 12:1

“Emwi ne ivbi Izrẹl ru hia fẹẹrẹ, ke owiẹ ya sẹ ota ọfuan kevbe ọrhiae ọ re ehia khin. Uma dan kevbe uyinmwẹ ibalegbe wa dọlegbe gbọ yọ vbe ehe ne iran ye. Iran gu Asiria rhie obọ ye ebe, iran vbe gu Igipt do ẹki.

Hozia 12:2

E Nọyaẹnmwa mwẹ ẹzọ ne ọ gha ba ivbi Juda re, ọ gha vbe rri ivbi Izrẹl oya, rhunmwuda uyinmwẹ emwa rẹn. Ọ gha ha iran osa emwi ne iran ru.”

Maika 6:14

Wa gha rri evbare sokpan ẹko i ra vuọn uwa, vbe ẹmwata, ohanmwẹ ghi ye gha gbe uwa. Wa gha viọ emwi gha rrie, sokpan wa i ra gua dọlọ ẹe yi. Avbe emwi ne uwa gua ra dọlọ yi, I gha ye okuo fuẹn ehia a.

Zẹkaraia 6:6

Ikẹkẹ okuo ne avbe ẹsin nekhui si, keghi mu uhunmwu da odẹ okuọ gha rrie Babilọn. Avbe ẹsin nọfua keghi mu aro da odẹ orrie, iran ni gbẹnnẹ ekẹnnẹkẹnnẹ keghi mu aro da ẹvbo ni rre odẹ ekẹn.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Nọmbas 21:8

Ẹre Nọyaẹnmwa na tama e Mosis ne ọ ya oze ru ẹyẹn mu yan ọkpọ ne ọmwa ne ẹyẹn a rhirhi sa sẹtin gha ghe ẹre ne ọ vbe fe.

Matiu 12:42

Vbe Ẹdẹ Ibuohiẹn, ọba okhuo odẹ Ekẹn agbọn gha kpaegbe ba uwa ifi ẹzọ rhunmwuda rẹn ke otọe arriavbehe gha dee do danmwehọ ẹwaẹn Solomọn. Ne I tama uwa, emwi ne ọ sẹ Solomọn rre emwa na.

Diuteronomi 17:16

Ọ ma kei ne ọba gha mwẹ ẹsin ni bun, ne ọ gha re ọghe ivbiyokuo ẹre, ọ ghẹ vbe gie emwa gha rrie Igipt ya dẹlẹ ẹsin rre, rhunmwuda, e Nọyaẹnmwa ta ẹe wẹ emwa irẹn i ra dọlegbe gha rrie odọ.

Diuteronomi 4:20

Sokpan wa ọrọre emwa ne irẹn viọ ke Igipt ladian, uwu ogidi erhẹn nii. Te ọ viọ uwa ladian ne uwa do gha re ọghọe vbene uwa ye ẹrẹna.

Diuteronomi 8:15

Rẹn ọ re ọ su uwa la ato nọkhua ne ọ mu ohan nii, ehe ne avbe ẹyẹn ni mwẹ obi dan ye deba ekpakpahuangan, vbe otọe ne ọ kakae ne hiohioohio nii, ọ keghi tue amẹ ke uwu okuta ladian ne uwa.