Aizaia 30:32 - Edo Bible (E Baibol Ẹdo) Version 1996

³² E Nọyaẹnmwa gha fi iran emwi yan egbe yan egbe, avbe emwa rẹn ghi gha kpe ema kevbe ukusẹ yọ. Osanobua tobọ ẹre ọ re ọ ra gu ivbi Asiria gbinna.

Aizaia 30:32 ပူးပေါင်းရင်းမြစ်များ

Gẹnẹsis 31:27

Vbua na rẹrẹ mwẹ hẹẹ, ne u na vin fua vbe ne a ma na tama mwẹ? Akpawẹ te u tama mwẹ, te I gha ya oghọghọ vbe ihuan suẹ sẹ odẹ ba ukusẹ kevbe akpata.

II Krọnikol 32:8

Ẹtin ọmwa ne agbọn kẹkan ọ re irẹn mwẹ sokpan, ma mwẹ, ẹtin ọghe Nọyaẹnmwa ne Osanobua mwẹ ne ọ gha gu ima khọn okuọ mwa.” Ẹmwẹ ne ọba iran tae na keghi rhie igiẹdu ne emwa nii.

Job 16:12

Ọfumwegbe ọ re I te gha ye, sokpan, Osanobua keghi mu mwẹ ẹho, ọ mama mwẹ, ọ na lọkọ mwẹ uan. Osanobua keghi ya mwẹ ru ama ne a na danmwẹ emwi ne a fi,

Aizaia 10:24

E Nọyaẹnmwa ne Ogie ne Udazi keghi tama emwa rẹn ni rre Zaiọn wẹẹ, “Wa ghẹ gie afianma ivbi Asiria fian uwa, a gha rhe miẹn wẹ iran wọ uwa uhunmwu vbene ivbi Izrẹl ka vbe gha ru ẹe.

Aizaia 10:26

Mẹ ne Nọyaẹnmwa ne Udazi gha ya asan gbe iran zẹ vbene I ru ivbi e Midian vbe Okuta Orẹb. I gha rri Asiria oya zẹ vbene I rri Igipt oya.

Aizaia 11:15

E Nọyaẹnmwa gha ka e Suẹz muotọ, ọ ghi ya ẹhoho ne ọ mwẹ ọghae ka Ẹzẹ Yufretes muotọ ọ ghi sẹ ivbiẹzẹ tẹghẹtẹghẹ kẹkan rae sẹrriọ wẹ ọmwaikọmwa sẹtin ye owẹ fian ẹn rra.

Aizaia 19:16

Ẹghẹ dee ne ohan gha na gha mu ivbi Igipt zẹ vbe ikhuo. Ohan gha mu iran, iran ghi gha guọ zẹzẹzẹ vbe iran a miẹn wẹẹ e Nọyaẹnmwa ne Oghodua niẹn obọ ẹre ladian ne ọ ya rri iran oya.

Aizaia 2:19

Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Aizaia 24:1

E Nọyaẹnmwa ra duẹ otọ agbọn na an, ọ ghi sẹ ọe rae vbe ihoi. Ọ gha mu ehe ne a ya owẹ rrilo vbe otọe agbọn khiẹn yo khiẹn rre, ọ ghi zagha emwa ni rrọọ kua.

Aizaia 24:8

Ema kevbe akpata ni rhiẹnrhiẹn ne iran te kpee hia dobọyi.

Aizaia 30:29

Sokpan, wa ne emwa Osanobua gha ghọghọ, wa ghi vbe so ihuan zẹ vbene uwa ru vbe asọn ne uwa ru emwiukpo ne a ya ru ugamwẹ kpataki. Ọyẹnmwẹ ghi gha sẹ uwa zẹ vbe avbe emwa ni zẹ owẹ lele ẹrogbo ne a kpee vbe iran rrie Ọgua Osa ọghe Nọyaẹnmwa ne ọ re ne ọ gbinna ne Izrẹl.

Aizaia 31:4

E Nọyaẹnmwa keghi tama mwẹ wẹẹ, “Vbene avbe ọsuohuan a rhirhi yan go sẹ ra vbe ne iran a rhi rhi tu sẹ, iran i sẹtin khu oduma hin aranmwẹ ne ọ gbe yotọ nẹ rre, erriọ vbe nọ emwiọkpa i rrọ ne ọ gha sẹtin da mwẹ yi, mẹ ne Nọyaẹnmwa ne Oghodua, ne I ghẹ tan obọ gue Oke Zaiọn.

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.

Ezikiẹl 28:13

U kegha rre Idẹni ne ogba Osanobua, u kegha yọ ukpọn Ikpẹrọnmwọ ughughan kevbe edaiamọn; avbe topaz, e beri, e kanelian kevbe jaspa; e safaia, emrald kevbe garnet. U kegha mwẹ emwi itegbe ọghe igoru. Ẹdẹ ne a yi uwẹ tobọ ruẹ ọ re a ru avbe emwi na nuẹn vbe ẹdẹ ne a wa yi uẹ.

Ezikiẹl 32:10

Emwi ne I ru uwẹ re gha gbe orrirri ku avbe uhunmwu ẹvbo nibun. I gha fieghe umozo mwẹ, avbe ọba gha runran, iran ghi vbe gha guọ zẹzẹzẹ. Vbe ẹdẹ ne u gha wa de nii, iran hia gha guọ rhunmwuda iran ma rẹn vbene ọ gha vbe ye iran hẹ.”

Hibru 12:26

Te urhu ẹre mu otọe agbọn rueghe ẹghẹ nii. sokpan wanwanna nian, rẹn tae nẹ wẹ, “Ẹ i re otọ agbọn ọkpa I gha dọlegbe mu rueghe, sokpan, kevbe ẹrinmwi ba ẹre.”

I Samuẹl 10:5

U ghi gha rrie oke Osanobua ne ọ rre Gibea, ehe ne agọ ivbi e Filistia ọkpa ye. U gha sẹ onurho ẹvbo nii, u gha miẹn otu avbe akhasẹ eso ni tuorre ke aka ne ọ rre uhunmwu oke nii dee, iran gha kpe akpata, ema, ufere kevbe ẹgiọn. Iran ghi gha kuu, iran ghi gha golo.

I Samuẹl 18:6

Avbe ivbiyokuo ghi die owa vbe e Devid ghi ke ehe ne ọ na gbe Golaiat rre nẹ, ikhuo keghi wa ke okpẹvbo hia ni rre Izrẹl ladian bu e Sọl sẹ odẹ. Iran na gha so ihuan oghọghọ, iran na gha kpe ukusẹ kevbe ẹgogo.