Aizaia 30:3 - Edo Bible (E Baibol Ẹdo) Version 1996

³ Sokpan, ọba nii i mwẹ ẹtin iyobọ ne ọ ra ru ne iran, obọ ne Igipt ra tan gue iran, ọfuan ọ re ọ ra ke ẹre ikian.

Aizaia 30:3 ပူးပေါင်းရင်းမြစ်များ

II Ọba 18:21

Te u mu ẹtin yan Igipt ne ọ ru iyobọ ne uẹn, sokpan te ọ yevbe ne ọmwa ya ovbi erhan ru ọkpọ ne ọ ya tua otọ khian, te ọ bun fua, ọ ghi so e nọyan rẹn obọ, erriọ Igipt ye vbe ọmwaikọmwa a mu ẹtin yan rẹn.”

Psalm 108:12

Yi ma obọ gu avbe eghian khọn ma, kẹkan ọre iyobọ ọmwa nagbọn khin.

Itan 25:19

Ọmwa ne ọ ya aro kọ ọmwa ne ẹ i gia muẹtinyan vbe ẹghẹ asobọyegbe, te ọ yevbe ọmwa ne ọ ye akọn ne ọ rueghe rri evbare, ra ne ọ ye owẹ ne ọ suke khian.

Aizaia 20:5

Iran ni mu ẹtin yan e Sudan, iran na vbe gha ya Igipt rhuọ, aro gha ru iran gboo, idaehọ iran ghi wu ye ihoi.

Aizaia 20:6

Ọ gha sẹ ẹghẹ nii, iran ni yin lele eghute ọghe Filistia gha kha wẹẹ, ‘Wa ghe emwi ne ọ sunu vbe egbe emwa ne ima rhie aro yi ighẹ ọ gha miẹn ima fan vbe obọ ọba Asiria, vbe ima ra ya miẹn uhunmwu hẹẹ?’ ”

Aizaia 36:6

Te u ro ighe Igipt gha ru iyobọ ne uẹn, te ọnii ra yevbe ne ọmwa ye erhan ne wẹnrẹn ru ọkpọ ne ọ ya khian, ọ gha bun nẹ, ọ ghi so ọmwa nii obọ. Erriọ ọ re ọba Igipt ye vbe ọmwaikọmwa a mu ẹtin yan rẹn.”

Jerimaia 2:36

Wa ye egbe uwa khian ekẹkẹ ẹbo vbekpa ne uwa na gha rrie ọghe ẹbọ ẹrrẹe. Igipt gha hiẹ uwa zẹ vbene Asiria vbe hiẹẹ uwa.

Jerimaia 42:18

“E Nọyaẹnmwa ne Osanobua Izrẹl khare wẹẹ, ‘Zẹ vbe ne a hihiẹẹ izohu kevbe okuosu mwẹ yan ivbi e Jerusalẹm erriọ zẹ ọ re a gha hihiẹ okuosu mwẹ yan uwa adeghẹ wa kpao gha rrie Igipt. Wa gha khian ne ọmianmwẹ ughe, emwa gha ye uwa gha gbogiẹ, wa ghi khian ne a ya tie ihẹn ne ọmwa. Wa ighi dọlegbe ye aro uwa kan emwana ọvbehe.’ ”

Jerimaia 42:22

Rhunmwuda ọnii, wa ghi yerre o, okuo ọ re uwa ra wulo yi, ra ohanmwẹ ra emianmwẹ ọ re ọ ra gbele uwa a vbe ẹvbo ne uwa khare ighe wa ra gha rrie ne uwa ya yin ẹnrẹn.”

Jerimaia 46:25

E Nọyaẹnmwa ne Oghodua, ne Osanobua Izrẹl wẹẹ, “I gha rria Amọn ikhi, ẹbọ ne Tẹbes gho, ke ẹe kevbe Igipt, deba avbe ẹbọ ẹre kevbe avbe ọba ẹre. I ra mu ọba Igipt kevbe iran ni mu ẹtin ya rẹn.

Ezikiẹl 29:7

Iran gha yegbe gọ yan ruẹn, u ghi bun fua, u ghi so ẹre irere, u ghi gie iran bun ugboloko iyeke.

Hozia 10:6

Iran gha mu amazẹ nii gha rrie Asiria zẹ vbe emwi ne a ya yo imuohan gie ọgbaisi nọkhua nii, a gha fa Izrẹl rua, a ghi vbe ya ekhue mu ẹẹn, rhunmwuda ude ne ọ ya gha ru emwi.

Ebe ne Pọl gbẹẹn gie emwa Rom 10:11

Rhunmwuda ebe tae wẹ, “Ọmwaikọmwa ne ọ yaeyi, ẹ i ra gbe I ma rẹn.”

Ebe ne Pọl gbẹẹn gie emwa Rom 5:5

Idaehọ na ẹ i hiẹ ọmwa, rhunmwuda Osanobua tue ahoẹmwọmwa ẹnrẹn ye ima ekhọe nẹ vbekpa Orhiọn Ne Ọ Huanrẹn ne Osanobua ya ru ima ẹse.