Aizaia 30:29 - Edo Bible (E Baibol Ẹdo) Version 1996

²⁹ Sokpan, wa ne emwa Osanobua gha ghọghọ, wa ghi vbe so ihuan zẹ vbene uwa ru vbe asọn ne uwa ru emwiukpo ne a ya ru ugamwẹ kpataki. Ọyẹnmwẹ ghi gha sẹ uwa zẹ vbe avbe emwa ni zẹ owẹ lele ẹrogbo ne a kpee vbe iran rrie Ọgua Osa ọghe Nọyaẹnmwa ne ọ re ne ọ gbinna ne Izrẹl.

Aizaia 30:29 ပူးပေါင်းရင်းမြစ်များ

Psalm 18:31

E Nọyaẹnmwa ọkpa ọrọre Osanobua, Osanobua ọkpa ọrọre ne ọ gbinna ma.

Psalm 32:7

Wẹ ọrọre ehe ne I lẹre yi, u gha fan mwẹ vbe obọ ọlọghọmwa I mu ẹmwẹ imiẹnfan ruẹn go rhunmwuda, wẹ ọ re ọ degue mwẹ.

Psalm 42:4

I gha ye ẹghẹ ne ọ gberra rre, ekhọe mwẹ ghi rhia. Ẹghẹ ne I na lele emwa nibun ye owa Osanobua. Mẹ ghi ke odaro ne iran, vbe iran a gha khian. Emwa nibun ne ẹko rhiẹnrhiẹn, iran ghi gha so ihuan, iran ghi vbe go wan Osanobua.

Psalm 42:5

Vbọzẹ yi ne ekhọe mwẹ na rhia vbenian? Vbọzẹ ne orhiọn mwẹ ma na sẹ otọ? I gha hẹnhẹn idaehọ mwẹ yan Osanobua I gha vbe dọlegbe rho ẹre ọmiọnmwafan mwẹ kevbe Osanobua mwẹ.

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Aizaia 17:10

Izrẹl, wa mianmian Osanobua ne ọmwa ne ọ fannọ uwa kua, ọ na degue uwa zẹ vbe okuta nọkhua. Wa keghi ya gha fian erhan gbọọ, ne uwa miẹn ehe na gha ga ẹbọ ẹrrẹe vbe evba.

Aizaia 2:3

Emwa iran ghi vbe gha kha wẹẹ, “Wa gie ima hin oke e Nọyaẹnmwa gha rrie Ọgua Osa ọghe Osanobua Izrẹl ọ gha ma ima emwi ne ọ ho ne ima ru, ma gha lele odẹ ne ọ zẹ gha khian. Rhunmwuda, e Jerusalẹm ọ re Nọyaẹnmwa ke ma ọmwa emwi rre, e Zaiọn ọ re ọ ke gu emwa rẹn guan rre.”

Aizaia 26:1

Ẹdẹ dee ne emwa gha so ihuan na vbe otọ e Juda: Ẹvbo mwa wegbe. Osanobua tobọ ẹre ọre ọ wan ga ekẹn ọnrẹn.

Aizaia 26:4

Mu ẹtin yan e Nọyaẹnmwa ẹdẹdẹmwẹdẹ rẹn gha vbe gha degue ruẹ vbe ẹghẹ hia.

Aizaia 30:28

Ọ ghi gie ẹhoho ke odaro irẹn zẹ vbe orogho amẹ ne ọ kpolo emwi hia rrie. Ọ kpolo avbe uhunmwu ẹvbo ya fuan, ọ ghi gie iro dan ne iran zẹẹ fo ye evba.

Aizaia 30:30

E Nọyaẹnmwa gha gie emwa hia họn urhu ẹre ne ọ la ne iran vbe rẹn vbene ohu ẹre ye hẹ. Ogidi erhẹn gha rrọọ, okuku amẹ ne ọ mu waa, okpẹhoho kevbe okpamẹ.

Aizaia 44:8

Wa ghẹ fian afianma wa ne emwa mwẹ wa rẹn wẹ ke ẹkpo nẹdẹ gha dee do sẹ ebanbanna, I ta avbe emwi ni gha sunu yotọ nẹ, wa ọ re ọ vbe re osẹe mwẹ osa ọvbehe vbe rrọ ra? Osa ọvbehe ne ọ mwẹ ẹtin vberrọ ra! Ne imẹ ma he họn ẹmwẹ ọnrẹn?”

Jerimaia 33:11

Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”

Levitikọs 23:32

Ke ẹghẹ ne ovẹn ya dero vbe ikpẹdẹ ne ogihinrin yasẹ ẹghẹ ne ọ ya dero vbe ikpẹdẹ ne ogigbe wa ghi da ẹdẹ nii yi zẹ vbe ẹdẹ kpataki ne a ya kẹtin, vbe ẹghẹ na, wa ghẹ rri evbare rhọkpa.

Matiu 26:30

Iran keghi so ihuan ọkpa, iran na gha rrie uhunmwu Oke Ọliv.

Diuteronomi 16:14

Ke uwa kevbe ivbi uwa, eguọmwadia uwa kevbe avbe e Livai, avbe ọrriọvbe, emọ ne ẹ i mwẹ erha, kevbe avbe ẹgbẹ ni rre ẹvbo uwa, wa ghi gha ya oghọghọ ru ẹe.

Diuteronomi 32:31

Eghian iran rẹnrẹn ighẹ ẹbọ iran i mwẹ ẹtin, iran i mwẹ ẹtin zẹ vbe Osanobua Izrẹl.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

Arhie Maan 15:3

Iran kegha so ihuan e Mosis ne ọguọmwadia Osanobua kevbe ihuan ọghe Oteghe Ohuan nii. “Nọyaẹnmwa Osanobua ne Oghodua, ne ọ kpọlọ kevbe ne ọ yan ọmwa unu ọre avbe iwinna obọ ruẹ khin. Ọba avbe agbọn ẹvbo hia, ne ọ gbae kevbe ne ọ re uhunmwu ẹmwẹ ọre odẹ ruẹ hia khin.