Aizaia 30:25 - Edo Bible (E Baibol Ẹdo) Version 1996

²⁵ Vbe ẹdẹ nii ne obọ gha vba owa ọkhẹ igbinna avbe eghian uwa ya mu, a na vbe gbele emwa iran, ẹzẹ gha lẹ ke dọmwadẹ oke nekhua kevbe avbe oke negiẹrẹ ladian.

Aizaia 30:25 ပူးပေါင်းရင်းမြစ်များ

Aizaia 32:14

Te a ra lẹ hin uwu avbe ẹguae rre, avbe igiogbẹ hia gha khian ne emwa na lẹkua fẹẹrẹ. Avbe owa kevbe avbe owa ọkhẹ ne a bọlọe ne a na khẹ iran, gha khian itowa ẹdẹdẹmwẹdẹ. Avbe ede ọ re ọ ghi gha gbe ọgọlọbọ vbọ, avbe ohuan ghi ya gha rria vbe evba.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Aizaia 48:21

Ẹghẹ ne Nọyaẹnmwa na viọ emwa la uwu ato ne ọ kae kevbe ne ọ tọn ovbamẹ ma gbe iran. Ọ gie amẹ ke uwu okuta vẹ ladian ne iran, ọ wa gha okuta yotọ, amẹ keghi vẹ ladian.

Ezikiẹl 17:22

Vbenian ọ re Nọyaẹnmwa ne Udazi khare: “I gha rhie ukpe isida ne ọ taẹn I ghi bun ehọn ne sọguọsọguọ I ghi ya gbọ ẹre ye oke ne ọ yo

Ezikiẹl 34:13

I gha viọ iran ke avbe ẹvbo ẹrrẹe ladian, I ghi si iran koko I ghi dọlegbe viọ iran gha die ẹvbo iran tobọ iran. I gha viọ iran gha rrie avbe oke nekhua kevbe avbe ẹzẹ Izrẹl I ghi vbe ya koko iran vbe otọ erria ne ọ maa sẹẹ.

Ezikiẹl 34:26

I gha fiangbe iran, I ghi vbe gie iran gha rre ehe ne ọ lẹga oke mwẹ nọhuanrẹn. Evba nii ọ re I gha na gha ye amẹ ne ọ rhọ fiangbe iran vbe ẹghẹ ne iran ya gualọ ẹe.

Ezikiẹl 47:1

Ọmwa nii keghi rhie mwẹ werriegbe gha rrie onurho Ọgua Osa. Amẹ kegha ke ototọ onurho nii ladian, ọ na gha lẹ ghe odẹ ahọ, odẹ ne Ọgua Osa vbe mu aro da. Odẹ ekẹn ọghe Ọgua Osa ọ re ọ kegha lẹ ladian, ọ na la odẹ ekẹn ọghe Ogiukpo gberra.

Joẹl 3:18

Vbe ẹghẹ ne a kha na a gha kọ erhan azara gba oke nii hia, emwa ghi vbe gha rre uhunmwu oke hia amẹ gha wa gha rrọọ ẹsẹse ne otọe Juda hia. ovbi ẹzẹ gha lẹ ke Ọgua Osa ladian, ọ ghi gbe amẹ khakha Iya Akesia.

Nahum 3:12

Avbe ogba ne u gba ga egbe hia gha ye vbe erhan ohọ ne ọmọ vboo ye ọ re uhunmwu. U gha rueghe erhan rẹn, ọmọ rẹn ghi wa de ye uẹ unu zẹẹ.

Nọmbas 24:7

Amẹ gha wa rhọ ne iran ẹsẹse iran kọ emwi okọ iran ye otọe ne ọ rọkhọe ọba iran gha kpọlọ sẹ Agag, arriọba ẹre gha kpolo, ọ gha tan la erhan la irri

Iyẹn ne ọ Maan Ọghe Jọn 7:38

Zẹ vbene ebe ne ọ huanrẹn khare, ‘Ọmwaikọmwa ne ọ ya mwẹ yi, ẹzẹ amẹ ẹfe gha kpe ke uwu orhiọn rẹn ladian.’ ”

II Kọrinti 10:4

Emwi igbinna ne ima ya gbinna, ẹ i re emwi igbinna ọghe agbọn na, vbe ẹ i re emwi igbinna ne ọ wo vbe egbe ọghe Osanobua ne a ya guọghọ ehe ne wo vbe egbe. Ma rẹnkhẹn imua ẹmwẹ ohoghe.

Arhie Maan 22:1

Odibosa ni keghi vbe do ma mwẹ ẹzẹ amẹ ẹfe, ọ fi wainwain vbe Kristal, ẹkete Osanobua kevbe ọghe nene Oteghe Ohuan ọre ọ ke lẹ de.