Aizaia 30:23 - Edo Bible (E Baibol Ẹdo) Version 1996

²³ Ẹghẹ ikẹghẹ ne uwa a rhirhi ya kọ emwiokọ, e Nọyaẹnmwa gha rhọ amẹ yọ ne ọ ya zọ, ọ gha gie emwiokọ uwa maa ẹsẹse, avbe ẹmila uwa ghi gha mwẹ oha ne iran na rria ne ọ maa ẹsẹse.

Aizaia 30:23 ပူးပေါင်းရင်းမြစ်များ

Gẹnẹsis 41:18

Ẹmila ihinrọn ni tii kevbe ni mose keghi ke uwu ẹzẹ ladian iran na gha rri irunmwu ni rre ọkpẹn ẹzẹ.

Gẹnẹsis 41:26

Ẹmila ni tii ihinrọn nii, ukpo ihinrọn ọ re nọ kevbe osuọka ọka ne dẹudẹu ihinrọn nii, ukpo ihinrọn, ọre vbe nọ, emwi ọkpa ọre a ye iran kha.

Gẹnẹsis 41:47

Vbe ukpo ihinrọn ne emwi ya kpọ nii, otọe keghi ma emwiokọ ẹsẹsẹmwẹse.

Psalm 36:8

Evbare ọrhẹnrhẹn ne u hẹ ma ọ re ima re; u kevbe gie ima vbe gha wọn vbe ẹzẹ iruemwiẹse ruẹ.

Psalm 67:7

Osanobua fiangbe ima nẹ te emwa hia ni rre ehe hia gha ya ọghọ ne ẹẹn.

Aizaia 10:27

Ẹghẹ nii gha sẹ I gha fannọ uwa yotọ hin obọ ẹtin Asiria rre, urọnghọn iran i ghi ra ye dọlegbe gha re ihẹ vbe izabọ uwa.”

Aizaia 32:20

Umiẹn vbe ẹko emwa hia gha rhiẹnrhiẹn hẹ ye ẹmwẹ amẹ ne ọkpọe ne emwiokọ ya maa, deba oha ne aranmwẹ na rria ne ẹbe i ye ne avbe ekẹtẹkẹtẹ kevbe avbe ẹmila.

Aizaia 4:2

Ẹghẹ dee ne Nọyaẹnmwa gha na ru ẹe ne ivbi erhan kevbe avbe erhan nekhua ni rre otọe na gha kakabọ wan kevbe ne iran gha ma egbe. Avbe ivbi Izrẹl ni ghi miẹn uhunmwu hia gha ghọghọ, iran ghi vbe gha yae hio ighe emwiokọ ne a miẹn gha rhọ vbe otọe nii.

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Aizaia 58:11

Ẹghẹ hia mẹ gha ya gha su uwa, I ghi ya emwi ni maa sẹ uwa ọkẹn I gha gie uwa wegbe, egbe ghi vbe rran uwa. Wa gha yevbe ogba ebuwọnmwẹ ne amẹ mobọ ye, zẹvbe ovbi ẹzẹ ne amẹ i na ka ẹdẹ.

Aizaia 65:21

Emwa gha bọlọ owa, iran ghi vbe yin iran, ẹrrẹe i ra viọ iran gha lo. Iran gha mu ugbo azara, iran ghi vbe ya ayọn ẹnrẹn ru. Ẹrrẹe i ra vbe rhie ẹre da. Emwa mwẹ gha wa tọ zẹ vbe erhan. Iran gha miẹn emwi ne iran miẹn ẹsọn yi ya ru ẹsẹsẹmwẹse.

Jerimaia 14:22

Ọkpa ne ọ sẹtin si amẹ i rre avbe amazẹ avbe uhunmwu ẹvbo, iso i sẹtin ye ẹtin obọ ẹre wẹ ne amẹ rhọ. Wẹ ọre ima mu ẹtin idaehọ mwa yan, e Nọyaẹnmwa Osanobua mwa rhunmwuda, wẹ ọrọre ọmwa ne ọ ru avbe emwi na hia.

Hozia 4:16

Te ivbi Izrẹl wa zevbudu zẹ vbe avbe ekhuia. Vbe imẹ a ghi ra na gha koko iran vbe uwu irhu hẹ zẹ vbe ivbi ohuan?

Levitikọs 25:19

Otọ nii gha mọ, wẹ gha vbe mwẹ sẹ vbene u gha re, ne u vbe gha rri ọe vbe ọfumwegbe.

Levitikọs 26:3

“Deghẹ wa rhie owẹ lele uhi mwẹ wa na vbe gha ya ilele mwẹ ru emwi.

Levitikọs 26:5

Emwiokọ rua gha bun sẹrriọ wẹ, ọka wa gha ye gha fian vbe ọ sẹ ẹghẹ ne a ya kpẹn iyan, wa ghi ye gha kpẹn iyan vbe ọ sẹ ẹghẹ ne a ya fian igbin. Wa gha mwẹ evbare ne uwa ho ne uwa re hia, wa ghi vbe gha rri ọe vbe ne ẹ i na mwẹ ẹbe vbe otọe rua.

Zẹkaraia 10:1

Wa nọ e Nọyaẹnmwa amẹ ne ọ rhọ vbe omuhẹn orhọ. E Nọyaẹnmwa ọ re ọ gie amẹ bi ne ọ na vbe rhọ ne ugbo na maa ne emwa hia.

Malakai 3:10

Wa viọ inu ne a ghae ye ihe igbe gele wa khin gha die Ọgua Osa, ne evbare miẹn ehe na kpọkua vbe evba. Wa ya ẹe danmwẹ mwẹ ghe, wa gha vbe miẹn wẹ I gha kie ewindo ẹrinmwi ye otọ, I ghi vbe rhurhẹ emwi ọmaa hia ku uwa gba erhan gba irri.

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Diuteronomi 11:14

Wa gha ru vberriọ, ọ gha gie amẹ rhọ ye otọ uwa vbe ẹghẹ ne ọ khẹ ke, vbe ẹghẹ ahọ orhọ kevbe ahọ uyunmwu, ne uwa miẹn ehe na gha mwẹ ọka, ayọn kevbe ofigbọn ọliv.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.