Aizaia 30:21 - Edo Bible (E Baibol Ẹdo) Version 1996

²¹ Wa gha bibi odẹ la obọ erha ọmwa ra obọ iye ọmwa, wa gha họn vbe urhu ẹre a gha tama uwa vbe odieke wẹẹ, “Wa ghe odẹ, wa lelẹe.”

Aizaia 30:21 ပူးပေါင်းရင်းမြစ်များ

II Ọba 22:2

E Josaia keghi ru emwi ne ọ yẹ e Nọyaẹnmwa, ọ keghi lele igiemwi e Devid ne erha ẹe odede, ọ na wa gha lele uhi Osanobua hia ẹsẹsẹmwẹse.

Psalm 32:8

E Nọyaẹnmwa khare wẹẹ, “I gha ma ruẹn odẹ ne u gha la. I gha ma ruẹn emwi, I ghi vbe bu ruẹ ude.

Itan 4:27

Gha lẹ ne emwi dan, ne u vbe gha la odẹ ọwara khian. Ghe zẹ ukpowẹ okpa hin urodẹ rre.

Aizaia 29:24

Avbe iran ni kọẹn gha ruẹ vbene iran gha ya gha rẹn otọ ẹmwẹ hẹ. Iran ni wa gui ẹzọ uwunu vbe ẹghẹ hia gha vbe ghọghọ adeghẹ iran miẹn ọmwa ne ọ ma iran emwi.”

Aizaia 42:16

“I gha viọ avbe emwa mwẹ ni rhu aro la odẹ ne iran ma he la ẹdẹ. I ghi ya ebiebi iran khian uwanmwẹ I ghi ya ẹvbo ne kpannọkpannọ khian ne kpẹghẹ ne iran. E yan ne I yanrẹn ọ re ena khin. Emwi okpa ne ọ gha wẹ ne I ghẹ mu ẹẹn sẹ i rrọ.

Aizaia 48:17

Osanobua Nọhuanrẹn ọghe Izrẹl, e Nọyaẹnmwa ne ọ miẹn uwa fan khare wẹẹ, “Mẹ ọrọre Nọyaẹnmwa ne Osanobua uwa ọmwa ne ọ ho ne ọ ma uwa emwi ne umamwẹ uwa, ne ọ vbe gha su uwa lele odẹ ne uwa gha la.

Aizaia 58:11

Ẹghẹ hia mẹ gha ya gha su uwa, I ghi ya emwi ni maa sẹ uwa ọkẹn I gha gie uwa wegbe, egbe ghi vbe rran uwa. Wa gha yevbe ogba ebuwọnmwẹ ne amẹ mobọ ye, zẹvbe ovbi ẹzẹ ne amẹ i na ka ẹdẹ.

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Diuteronomi 5:32

“Ivbi Izrẹl, wa gie a miẹn wẹ wa ru emwi ne Nọyaẹnmwa Osanobua ruẹ tama ruẹn. Ghẹ i rra uhi ẹre rhọkpa.

Jọsua 1:7

Sokpan, u ghi wegbe ne u vbe kakabọ din; ne u vbe miẹn wẹ, wẹ wa lele uhi ni hia ne Mosis ne ọguọmwadia mwẹ gbe ne uwa. Ghẹ sẹ ọkpa rae vbọ, ọ ghi gha dinna odẹ nuẹn vbe ehe ne u gha rhirhi yo.

Jọsua 23:6

Rhunmwuda ọnii, wa gia miẹn wẹ wa họn ẹmwẹ, wa keghi vbe ya emwi hia ne a gbẹnnẹ ye ebe uhi e Mosis ru emwi. Wa ghẹ zẹ kọ vbọ hiehiere.

I Jọn 2:20

Sokpan, Kristi tue Orhiọn Ne Ọ Huanrẹn yan uwa nẹ, rhunmwuda ọnii, wa hia rẹn nene ẹmwata nẹ.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.

I Samuẹl 12:23

Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.