Aizaia 30:20 - Edo Bible (E Baibol Ẹdo) Version 1996

²⁰ E Nọyaẹnmwa gha gie uwa miẹn ọlọghọmwa, sokpan, rẹn tobọ ẹre gha rre evba, ọ gha ma uwa emwi, wa i ra ghi dọlegbe gha fie gualọ ẹe khian ọvbehe.

Aizaia 30:20 ပူးပေါင်းရင်းမြစ်များ

I Ọba 22:27

Tama iran ne iran fi ẹe fi uwu ẹwẹdọ, ne ọ gha ye ebrẹd vbe amẹ koko ẹe I te rre vbe egbe hẹnnẹdẹn.”

II Krọnikol 18:26

Tama iran ne iran mu ẹẹn fi uwu ẹwẹdọ ne a gha ya ebrẹd ke amẹ kokẹe I te do rre hẹnnẹdẹn.”

Psalm 102:9

Rhunmwuda ohu kevbe okuosu ruẹ, emuẹn ọre ọ ghi re evbare mwẹ, ameve mwẹ ghi gha kharha gua amẹ ne I wọn. U gua mwẹ rhie, u ke fi mwẹ fua.

Psalm 127:2

Ẹi mwẹ asa ne ọ ye ne a gha miẹn ẹsọn vberriọ ba ẹmwẹ evbare unu, ne a gha kpao vbe owiẹ vbirrivbirri, vbe ne a i na vbe rherhe lovbiẹ. Rhunmwuda, e Nọyaẹnmwa ọ re ọ kpemehe ne iran ne ọ ho ẹmwẹ ọnrẹn, vbe iran he ye vbiẹ.

Psalm 30:5

Ovbi ẹghẹ kherhe ọre izohu ẹre ya umamwẹ ọnrẹn keghi re ọghe ẹdẹ agbọn hia. Ameve sẹtin gha rhọkua vbe, asọn sokpan oghọghọ dee vbe owiẹ.

Psalm 74:9

Avbe emwi iruẹmwi ni huanrẹn hia, ne ima mwẹ fo, akhasẹ ma ghi vbe keẹ, orhiọnkpa ne ọ rẹnrẹn vbene ọna gha kpee sẹ hẹ vbe otọ i rrọ.

Psalm 80:5

U rhi akhiẹ ne ima re nẹ, ukpu ne ọ kpọlọ ọghe ameve ne ima wọn.

Aizaia 28:9

Iran hia gui ẹzọ mwẹ khian. Iran wẹẹ, “De ọmwa ne oko ni ro ighe rẹn ma ẹre emwi yi? De ọmwa ne ọ mwẹ emwi ne ọ ya uhunmwu ne ọ gie ru yi? Emọ ni da fian ewẹn ọkpa ọ re ọ gha mwẹ emwi ne ọ gha yae ru.

Aizaia 33:16

Ẹghẹ nii, wa gha rrọọ vbe ai mwẹ ẹbe, ẹkun ghi vbe sẹ uwa otọ vbene a miẹn wẹ, uwu owa ọkhẹ ne Ọ wegbe ọ re uwa ye. Wa gha miẹn evbare gha re, wa ghi vbe miẹn amẹ gha wọn.

Aizaia 51:14

A gha rherhe fannọ iran ni re oleghan kua, iran gha wa tọ iran ghi vbe gha mwẹ evbare ne iran ho hia.

Matiu 9:38

Wa na erhunmwu ne Nọyaẹnmwa gie emwa nibun gha dee ne iran do rhọ emwiorhọ la owa.”

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Ẹfisọs 4:11

Rọẹn nii ọre ọ ya emwi ne emwa, ọ keghi zẹ eso ne iran gha re ukọ, eso, akhasẹ, eso iran ni kpe orhu iyẹn ne ọ maa, eso avbe ohẹn, kevbe avbe ọmamwaemwi.

Diuteronomi 16:3

Wa gha ra rri evbare na, wa ghẹ rri ebrẹd ne a ye eyist le. Wa ghi rri ebrẹd ne a ma ye eyist le la ikpẹdẹ ihinrọn, rhunmwuda ulẹ vbe okhian ọ re uwa ya lahin Igipt rre. Wa ghi rri ebrẹd na ne a gha tie ẹre evbare ọlọghọmwa, vbe ne a gha na miẹn wẹ vbe ẹdẹ agbọn uwa hia, te uwa gha ye rre, ẹdẹ ne uwa kpao vbe Igipt rre.