Aizaia 30:2 - Edo Bible (E Baibol Ẹdo) Version 1996

² Iran kpao gha rrie Igipt, vbe ne iran ma na nọ mwẹ vbene I roro ẹe hẹ. Iran ho ne Igipt degue iran, rhunmwuda ọnii, ọba Igipt ọ re iran mu ẹtin yan.

Aizaia 30:2 ပူးပေါင်းရင်းမြစ်များ

I Ọba 22:7

Sokpan, e Jehosiafat keghi kha wẹẹ, “Akhasẹ ọvbehe i ghi rro ra ne ima gha wẹ ne ọ nọ e Nọyaẹnmwa?”

II Ọba 17:4

Sokpan ọ ghi sẹ ukpo ọkpa, e Hosia keghi gie emwa bu e So ne ọba Igipt wẹ ne ọ rrọ irẹn rre, ọ na ghi dobọ igho ne ọ te zẹ gie Asiria ukpukpo yi. E Siamanẹsẹ ghi họn ẹmwẹ na, ọ na ya mu Hosia ọ na khui ẹre ye ẹwẹdọ.

II Ọba 18:21

Te u mu ẹtin yan Igipt ne ọ ru iyobọ ne uẹn, sokpan te ọ yevbe ne ọmwa ya ovbi erhan ru ọkpọ ne ọ ya tua otọ khian, te ọ bun fua, ọ ghi so e nọyan rẹn obọ, erriọ Igipt ye vbe ọmwaikọmwa a mu ẹtin yan rẹn.”

Aizaia 16:3

Iran tama emwa e Juda wẹẹ, “Tama ima emwi ne ima gha ru. Degue ima zẹvbe erhan ne ọ gbe irhu vbe ogiavan, ne u gie ima lẹre ye irhu ruẹ. Emwa ni lẹẹ hin owa rre ma khin, viọ ima lẹre ye ehe ne ọmwarhọkpa i ra na miẹn ima.

Aizaia 18:1

A gha fian ẹzẹ e Sudan rra nẹ, otọ ọkpa rrọọ ne a na họn vbe emwi a gha gbe ifuẹn.

Aizaia 36:6

Te u ro ighe Igipt gha ru iyobọ ne uẹn, te ọnii ra yevbe ne ọmwa ye erhan ne wẹnrẹn ru ọkpọ ne ọ ya khian, ọ gha bun nẹ, ọ ghi so ọmwa nii obọ. Erriọ ọ re ọba Igipt ye vbe ọmwaikọmwa a mu ẹtin yan rẹn.”

Aizaia 36:9

Wa ma zẹdẹ sẹ ẹrrẹe ọkaokuo Asiria ne ọ ghi kanmwa sẹ, sevba, wa keghi rhie aro yọ wẹ Igipt gha viọ ẹsin kevbe avbe ikẹkẹ okuo gie uwa.

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Jerimaia 2:18

De ere ne ọ rre uwa ẹre yi vbe uwa a dọlegbe gha rrie Igipt, ne uwa ya wọn amẹ Naẹl? De emwi ne uwa yayi ighe wa gha miẹn vbọ, vbe uwa a dọlegbe gha rrie Asiria, ne uwa ya wọn amẹ Yufretes?

Jerimaia 21:2

“Lahọ, wa gu e Nọyaẹnmwa guan ne ima, rhunmwuda, e Nebukiadneza ne ọba e Babilọn kevbe ivbiyokuo ẹre ghae ga ẹvbo nẹ. U gha ghe, e Nọyaẹnmwa gha winna ọkpa vbe uwu avbe iwinna ọyunnuan rẹn ne ima, ọ ghi ru ẹe ne Nebukiadneza werriegbe.”

Jerimaia 37:5

Ivbiyokuo keghi wa ghae ga e Jerusalẹm vbe ẹghẹ na gha gu ẹe khọn, sokpan, iran ghi họn ighe ivbiyokuo Igipt gberra uwu Igipt nẹ, iran keghi werriegbe.

Jerimaia 42:2

iran tama mwẹ wẹẹ, “Lahọ u ghi ru vbene ima tama ruẹn. Na erhunmwu ghe Nọyaẹnmwa Osanobua mwa ne ima. Na erhunmwu ne ima ni miẹn uhunmwu. Ma te ka wa bun yi, u gha miẹn nian wẹ ima ibozẹghẹ ọ re ọ ghi kẹe.

Jerimaia 42:20

Ighẹ uwu abakuru nọkhua ọ re uwa wa ye na. Wa ọ re ọ tama mwẹ ne I na erhunmwu ghe e Nọyaẹnmwa ne Osanobua ima ne uwa, wa na vbe yan wẹ, emwi ne ọ rhirhi a khama uwa ne uwa ru, wa gha ru ẹe.

Jerimaia 43:7

Iran keghi fieghe uhunmwu ye ẹmwẹ e Nọyaẹnmwa, iran kegha rrie Igipt, iran na la uwu ẹre ya sẹ Tapanhes.

Eve Orriara 4:20

Iran khọn mu uhunmwu uwa ẹdagbọn mwa, ọba ne Nọyaẹnmwa zẹe ọmwa ne imẹ ye aro khọ ighe ọ gha degue mwa hin obọ iran ni gunmwa khọn.

Hozia 7:13

Ọghe iran fo vbotọ! Iran sẹ mwẹ rae, iran keghi sọtẹ ghe mwẹ. A gha fuẹn iran an. Te I ho ne I miẹn iran fan, sokpan ugamwẹ ohoghe ọ re iran ga mwẹ re.

Hozia 8:10

“Sokpan banbanna nian, mẹ ra si iran koko ne I rri iran oya. Vbe ọ ma he kpee wan, iran gha wunnu yo wunnu rre vbe uwu obalọ, vbe ọba Asiria a ra gha wọ iran uhunmwu.

Hozia 8:9

Te ọ ghi wa zevbudu zẹ vbe ẹsin oha, ọghe ne egbe iran ọ re ivbi Izrẹl ghi wa ru. Iran kpao gha rrie Asiria ne iran ya nọ iyobọ, iran ha osa ne ẹvbo ọvbehe wẹ ne iran tan obọ gue iran.

Nọmbas 27:21

“Eliaza ne ohẹn ọre rẹn ra ye aro khọ, ọmwa ne ọ gha ya Urim kevbe Tumin gualọ otọ emwi ne I ho. Odẹ vbenian Eliaza ọre ọ ra gha dia e Jọsua kevbe emwa Izrẹl hia vbe emwi ne iran ra gha ru hia.”

Diuteronomi 28:68

E Nọyaẹnmwa gha ye okọ eviẹn hẹ uwa werriegbe gha rrie Igipt, a gha rhe miẹn wẹ rẹn yan rẹn wẹ wa i ghi dọlegbe rrie evba ọvbehe. Wa gha sẹ odọ, wa ghi te gha ho ne uwa khiẹnnẹ egbe uwa zẹ vbe eviẹn ne avbe eghian uwa, sokpan a i miẹn ne ọ gha kue ne ọ dẹlẹ uwa.”

Jọsua 9:14

Ivbi Izrẹl keghi miẹn iran evbare eso sokpan, iran ma nọ e Nọyaẹnmwa emwi ne iran gha ru.

Giọgis 9:15

Ere ọkhuẹnkhuẹn na tama iran wẹẹ, ‘Adeghẹ wa gele ho ne I gha re ọba uwa, wa do lẹre ye irhu mwẹ. Deghẹ wa ma ru vberriọ, erhẹn gha ladian ke uwu abọ mwẹ ni igbingban rre, ọ ghi giẹn avbe sida ne rre Lebanọn ruan.’ ”