Aizaia 30:19 - Edo Bible (E Baibol Ẹdo) Version 1996

¹⁹ Wa ne emwa ni rre Jerusalẹm i ghi ra dọlegbe viẹ ọvbehe. Ọmwa itohan ọ re Nọyaẹnmwa khin, wa gha tu bu ẹre ya nọ iyobọ, ọ gha zẹ ye uwa ẹre.

Aizaia 30:19 ပူးပေါင်းရင်းမြစ်များ

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Aizaia 10:24

E Nọyaẹnmwa ne Ogie ne Udazi keghi tama emwa rẹn ni rre Zaiọn wẹẹ, “Wa ghẹ gie afianma ivbi Asiria fian uwa, a gha rhe miẹn wẹ iran wọ uwa uhunmwu vbene ivbi Izrẹl ka vbe gha ru ẹe.

Aizaia 25:8

E Nọyaẹnmwa ne Udazi gha fuẹn uwu ua ẹdẹdẹmwẹdẹ. Ọ gha khiẹn ameve hin aro emwa hia rre, ọ ghi mu efa ne ọ te rre egbe emwa rẹn vbe otọ agbọn hia hin iran egbe rre. E Nọyaẹnmwa tobọ ẹre ọ re ọ tae.

Aizaia 33:2

E Nọyaẹnmwa, tohan mwa. Wẹ ọ re ima mu ẹtin yan. Gha degue mwa ẹdẹgbegbe, ne u vbe miẹn ima fan vbe ẹghẹ ibaro.

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 41:17

“Ẹghẹ ne avbe emwa mwẹ gha na gualọ amẹ ne iran i mwẹ, ẹghẹ ne ovbamẹ gha na kaka iran ẹho ua, ẹghẹ nii, mẹ ne Nọyaẹnmwa gha họn erhunmwu iran. Mẹ ne Osanobua Izrẹl i ra he iran yotọ.

Aizaia 46:13

Mẹ si ẹdẹ akhọnmiotọ sikẹ otọ nẹ ẹ i ghi ra kpẹe hiehiere. Emwi i ra da akhọnmiotọ mwẹ obọ yi I gha miẹn Jerusalẹm fan, I ghi vbe rhie ọghọ gie ivbi Izrẹl vbe evba.”

Aizaia 58:9

Wa gha na erhunmwu, I ghi họn. Wa gha tie mwẹ, I ghi khuẹnniẹn. “De ghẹ wa dobọ ne uwa na wọ emwa uhunmwu yi, deba uyinmwẹ ne ọ ghi khọ ọghe otilua, kevbe ẹmwẹ dan hia.

Aizaia 60:20

Ẹghẹ akhiẹ ruẹ gha sẹ ufomwẹ. Mẹ ne Nọyaẹnmwa, ọ re ọ ra gha re uwanmwẹ etẹbitẹ ruẹ ne ọ gha tọ sẹ owẹn kevbe uki.

Aizaia 65:18

Gha sẹ ọyẹnmwẹ ne u vbe gha ghọghọ ye emwi ne I yi ẹdẹdẹmwẹdẹ. E Jerusalẹm ọgbọn ne I ra yi, te ọ ra vuọn ne oghọghọ, emwa ni rrọọ hia ghi vbe gha sẹ ọyẹnmwẹ.

Aizaia 65:19

Oghọghọ gha vuọn imẹ tobọmwẹ ẹko rhunmwuda e Jerusalẹm kevbe avbe emwa ni rrọọ. Eve i ra gha rre evba, bu mwẹ rre, bu mwẹ rre i ra vbe gha rrọọ.

Aizaia 65:24

Iran te na erhunmwu fo, erhunmwu iran mẹ họn nẹ.

Aizaia 65:9

I gha fiangbe ivbi Izrẹl ni re ẹwae ọghe Juda vbọ, ivbi uniẹn iran ọ re ọ ra yan otọe mwẹ ne uhunmwu oke. Emwa mwẹ ne a hannọ zẹ, ni vbe gha ga mwẹ, ọ re ọ ra yin evba.

Jerimaia 30:12

E Nọyaẹnmwa keghi tama avbe emwa rẹn wẹẹ, “Ẹwẹn uwa i mwẹ ikhunmwu, ẹtẹ uwa i gia kpe ne ọ rrie.

Jerimaia 31:12

Iran gha rre do so ihuan oghọghọ vbe uhunmwu Oke Zaiọn emwi ne I ya ne iran gha yẹ iran vbe ihaoko ọka, ayọn kevbe ofigbọn oliv, ihaoko ọghe ohuan kevbe ẹmila. Iran gha yevbe ogba ne a gbe amẹ khakha ẹsẹse emwi ne iran a rhirhi gha ho hia gha sẹ iran obọ.

Jerimaia 31:16

Dobọ eve ruẹ yi, ne u khiẹn ameve hin aro rre. Emwi ne u he ru ne avbe ivbuẹ hia, ẹ i mwẹ a ma san ruẹn ẹse ẹre, iran gha werriegbe ke otọ avbe eghian rre.

Jerimaia 31:6

Ẹn, ẹghẹ dee, ne iran ni hodẹ gha na go ke uhunmwu oke Ifreim rre wẹẹ, ‘Wa gie ima bu e Nọyaẹnmwa ne Osanobua mwa gha rrie Zaiọn.’ ”

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Jerimaia 33:3

“Kpe tie mwẹ, I gha khuẹnniẹn. uẹn I gha ta ẹmwẹ ọyunnuan ni mu ohan ne u ma he rẹn emwirhọkpa vbe ekpa ẹre ma ruẹn.

Jerimaia 50:28

(Iran ni lẹ vbe owa, lẹ hin e Babilọn rre gha die Jerusalẹm. Iran na iyẹn vbene Nọyaẹnmwa rria ikhi ye ẹmwẹ vbene ivbi e Babilọn ru Ọgua Osa ẹre hẹ.)

Jerimaia 51:10

E Nọyaẹnmwa khare wẹẹ, “Emwa mwẹ gha wee, iran wẹẹ, ‘E Nọyaẹnmwa rhie ma ighẹ ma ọ re ọ rri ase. Wa gia gha rrie Jerusalẹm ne a ya tama iran emwi ne Nọyaẹnmwa ne Osanobua mwa ru.’ ”

Ezikiẹl 20:40

Wa ne ivbi Izrẹl hia gha ya ga mwẹ vbe evba, vbe otọe nii, vbe uhunmwu oke mwẹ nọhuanrẹn, oke nọhuanrẹn ọghe Izrẹl. Ẹko mwẹ gha rhiẹnrhiẹn ghe uwa, I gha vbe rhie aro yọ wẹ wa gha viọ emwi izọese uwa gunmwẹ, emwi izọhẹ uwa ni maa sẹẹ, kevbe emwi imuohan uwa nihuanrẹn.

Ezikiẹl 36:37

E Nọyaẹnmwa ne Udazi khare wẹẹ, “I gha dọlegbe gie ivbi Izrẹl do nọ iyobọ vbe obọ mwẹ, I gha gie iran vbe gha muan yọ zẹ vbe oghẹn ohuan.

Maika 4:9

Vbọzẹ ne u na go gboo vberriọ yi? Vbọzẹ ne u na rri oya zẹ vbe okhuo ne emwi ubiẹmwẹ ru? Rhunmwuda ighe wa i mwẹ ọba nọ ra, kevbe wẹ avbe iran ni gu uwa zẹ iro vbe wulo?

Iyẹn ne ọ Maan Ọghe Luk 6:21

Ọ maa ne uwa ne ohanmwẹ gbe nian: Ẹko gha vuọn uwa. Ọ maa ne uwa ni viẹ nian: wa gha giẹ.

Ebe ne Pọl gbẹẹn gie emwa Rom 11:26

Erriọ ọre a ra ya miẹn emwa Izrẹl fan. Zẹ vbene ebe khare: “Ọmiọnmwafan gha ke Zaiọn rre, ọ ghi rhie ekhọe dan hin uniẹn Jekọb rre.

Ẹfisọs 3:20

Ne irẹn ni ne ọ sẹtin ru gberra vbene ima nọ rẹn, ra vbe ne a mu roro vbe ekhọe, vbe ekpa ẹtin ẹnrẹn ne ọ winna vbe uwu ima.

Arhie Maan 5:4

I keghi viẹ egbe viẹ ẹhi rhunmwuda, a ma miẹn ne ọ sẹe ne ọ rhan ebe ni ne a kiri, ne ọ vbe ghe uwu ẹre

Arhie Maan 7:17

Rhunmwuda, Oteghe Ohuan ne ọ rre adesẹ ẹkete ọre ọ khian gha re Ọsuohuan iran, ọ ghi vbe gha su iran ye uhunmwu ẹzẹ ehe ne amẹ ẹfe ye, Osanobua gha khiẹn ameve hia hin iran aro rre.”