Aizaia 30:18 - Edo Bible (E Baibol Ẹdo) Version 1996

¹⁸ Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 30:18 ပူးပေါင်းရင်းမြစ်များ

Job 35:14

E Job, u wẹ u i sẹtin deghẹ Osanobua. Sokpan, hẹko zin egbe, ẹzọ ruẹ rre odaro ẹre nẹ.

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Psalm 27:14

Mu ẹtin yan e Nọyaẹnmwa, gha mwẹ iyayi ghẹ gie ẹtin fo uẹ mu ẹtin yan e Nọyaẹnmwa.

Psalm 34:8

Wẹ tobọ gualọ otọ ẹre miẹn vbene Nọyaẹnmwa maa hẹ. Afiangbe ọrọre ọghe iran ni lẹgbinna ẹẹn.

Psalm 84:12

Osa ne Oghodua, afiangbe ọghe iran ni mu ẹtin yan ruẹn.

Psalm 99:4

Ọba nọkhua, wẹ ho ẹmwẹ ne ọ gbae; wẹ mu ohiẹn ẹmwata gbọ nẹ vbe Izrẹl, wẹ rhie ẹmwata kevbe a i ghe ikpanro rre nẹ.

Ẹksọdọs 34:6

E Nọyaẹnmwa kegha gberra vbe odaro ẹre, ọ keghi datie wẹẹ, “Mẹ ne Nọyaẹnmwa, ọrọre Osanobua ne ọ vuọn ne agiẹngiẹn ne a i sẹtin rherhe ya ohu mu, ne ọ mwẹ aho ẹmwẹ ne ẹ i beghe kevbe amuẹntinyan.

Itan 16:20

Gha danmwehọ emwi ne a ma ruẹn re, ọ gha dunna nuẹn; mu ẹtin yan e Nọyaẹnmwa, ẹko gha sẹ uẹ ọyẹnmwẹ.

Aizaia 18:4

E Nọyaẹnmwa tama mwẹ wẹẹ, “I gha hẹko gbaro ghe otọ ke ẹrinmwi rre zẹ vbene evbu ya si koko vbe asọn vbe ẹghẹ emwiorhọ nọ mwẹ ọghae kherhekherhe kevbe zẹ vbene ovẹn gbe ẹkun sotọ yunmwu vbe ẹghẹ ogiavan.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 2:17

A gha dobọ uhiomwẹ emwa nagbọn yi, a gha fuẹn itengbemu emwa nagbọn ruan. A gha ho avbe amazẹ bẹkun fẹẹrẹ. E Nọyaẹnmwa ọkpa ọ re a ra gha go wan ẹdẹ ne ẹdọ.

Aizaia 25:9

Ọna ghẹ ghi sunu, emwa hia ghi kha wẹẹ, “Rẹn ọrọre Osanobua mwa. Ma mu ẹtin mwa yan rẹn, ọ keghi vbe miẹn mwa fan. rẹn ọrọre Nọyaẹnmwa! Ma mu ẹtin mwa yan rẹn, banbanna nian, ma gha ghọghọ, ọyẹnmwẹ sẹ mwa, rhunmwuda ọ miẹn mwa fan.”

Aizaia 28:17

Ohiẹn ẹmwata ọrọre okun ne a ra tan ya mwa ẹyotọ ẹre, a ta ẹmwata ọ re a ra ya mwa egbe ekẹn ọnrẹn.” Okpẹhoho ọ re ọ ra kpolo ohoghe ne uwa mu ẹtin yan hia kua, orogho ghi guọghọ ekẹn ne uwa mwẹ kua.

Aizaia 33:2

E Nọyaẹnmwa, tohan mwa. Wẹ ọ re ima mu ẹtin yan. Gha degue mwa ẹdẹgbegbe, ne u vbe miẹn ima fan vbe ẹghẹ ibaro.

Aizaia 33:5

U miẹn vbene Nọyaẹnmwa kpọlọ hẹ. Rẹn ọ re ọ khaemwisẹ yan emwi hia. Ọ gha ya ohiẹn ẹmwata kevbe ekhọe ne ọ maa vuọn Jerusalẹm.

Aizaia 40:31

Sokpan iran ni mu ẹtin yan iyobọ Nọyaẹnmwa, a gha ya ẹtin iran khian ọghọgbọn. Iran gha ya ifuẹn iran tin kpao vbe oghohọn iran gha rhulẹ, egbe i ra wọ iran iran gha khian, ẹtin i ra vbe fo iran.

Aizaia 42:14

Osanobua khare wẹẹ, “Ọ kpẹre ne I ghi hunwan, I ma zẹ ye emwa mwẹ ẹre. Eban nian, ọ sẹe ne I gha ya guan yọ ọ I datu zẹ vbe okhuo ne emwi ubiẹmwẹ ru.

Aizaia 42:16

“I gha viọ avbe emwa mwẹ ni rhu aro la odẹ ne iran ma he la ẹdẹ. I ghi ya ebiebi iran khian uwanmwẹ I ghi ya ẹvbo ne kpannọkpannọ khian ne kpẹghẹ ne iran. E yan ne I yanrẹn ọ re ena khin. Emwi okpa ne ọ gha wẹ ne I ghẹ mu ẹẹn sẹ i rrọ.

Aizaia 48:9

“I gbe ibiẹ rrie vbe ohu ne ọ te mu mwẹ ne emwa miẹn ehe na gha rho eni mwẹ. I kie ẹre werriegbe ne I ghẹ ya fuẹn uwa a.

Aizaia 5:16

Sokpan, e Nọyaẹnmwa ne Oghodua rhie maa vbene irẹn kpọlọ hẹ vbekpa ne ọ na ru emwi ne ọ kere, ọ keghi vbe rhie uhuanmwẹ ọnrẹn maa vbekpa ne ọ na bu ohiẹn avbe emwa.

Aizaia 55:8

E Nọyaẹnmwa khare wẹẹ, “Iro mwẹ i yevbe iro uwa, uyinmwẹ mwẹ vbe lughaẹn ne ọghe uwa.

Aizaia 57:16

Mẹ ọ re ọ rhie arrọọ ne emwa mwẹ, rhunmwuda ọnii, mẹ i ra wa gha gu iran gui ra ne ohu iran gha mu mwẹ rhinrin ẹdẹ.

Aizaia 61:8

E Nọyaẹnmwa khare wẹẹ, “Ohiẹn ẹmwata ọ re I ho, azẹ ọmwa kpokpo kevbe ọkhọ, i yẹ mwẹ I gha wa san avbe emwa mwẹ ẹse, I ghi gu iran ta ile ẹdẹdẹmwẹdẹ.

Aizaia 64:4

A ma he miẹn egbe ọ re a ma he vbe họn ẹmwẹ Osanobua ne ọ yevbe ruẹ ne ọ winna egbe iwinna vberriọ ne iran ni ye egbe kọe.

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

Jerimaia 17:7

“Sokpan mẹ gha fiangbe ọmwa ne ọ mu ẹtin ẹnrẹn yan mwẹ.

Jerimaia 42:7

Vbe iyeke ikpẹdẹ igbe, e Nọyaẹnmwa keghi gunmwẹ guan.

Daniẹl 12:12

Afiangbe nọ ne iran ni gha mudia gbain ya sẹ ẹghẹ ne ikpẹdẹ, isẹnirrọvbe ikiọkhọe yan arria ehan (1,335) gha na gberra!

Hozia 1:7

Sokpan, I gha ho ẹmwẹ ivbi Juda. Mẹ ne Nọyaẹnmwa ne Osanobua iran gha miẹn iran fan, sokpan ẹ i re okuo I ra ya ru ẹe, ẹ i re umozo, uhanbọ kevbe ifẹnmwẹ, ẹ i re vbekpa ẹsin kevbe emwa ni hin ẹsin.”

Hozia 2:14

Rhunmwuda ọnii, I ra dọlegbe rhie ẹre la uwu ato, odọ niii ọ re I gha na rhẹrhọe ne I ye ẹmwẹ ahoẹmwọmwa giee werriegbe gha mwẹ aho ghe mwẹ.

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Malakai 2:17

Te egbe etalọ ne uwa talọ ghi wọ e Nọyaẹnmwa. Sokpan, wa ghi vbe nọ wẹẹ, “Vbe ima ya ya egbe wọ ẹre hẹ yi?” Vbe ekpa ne uwa na kha wẹẹ, “E Nọyaẹnmwa ne Oghodua ro wẹ emwa esi ọre emwa hia ni ru; emwi dan khin, vbe ẹmwata, ọ wa ho ẹmwẹ iran.” Ra ne uwa na kha wẹẹ, “Rẹn ghi vbo yi ighẹ nene Osanobua ne a wẹ ẹmwata nọ?”

Iyẹn ne ọ Maan Ọghe Luk 15:20

Ọ keghi kpao bu erha ẹe gha khian. “Urria gbaan ọre ọ he ye vbe erha ẹe dẹghe ẹre, ekhọe nọẹn ruan, ọ na rhulẹ bu ẹre, ọ gba ẹe ginna egbe, ọ na mu ẹre unu hiẹnhien.

Iyẹn ne ọ Maan Ọghe Luk 2:25

Vbe ẹghẹ na, okpia ọkpa ne a tie ẹre Simiọn keghi rre Jerusalẹm. Rẹn keghi re ọmwa esiesi ne ọ mu ohan Osanobua kevbe ne ọ vbe rhie aro ye odẹ gha khẹ ẹghẹ ne a gha ya miẹn Izrẹl fan, orhiọn Ne ọ huanrẹn keghi rrọọ yaba ẹre.

Iwinna 5:31

Osanobua keghi tọn ẹn mu gha rrie obọ erha ọmwa ẹnrẹn zẹ vbe ọkaolotu kevbe Ọmiọnmwafan, ne ọ miẹn ehe na rhie ẹghẹ ne ivbi Izrẹl ya ro iro fi uyinmwẹ werriẹ, ne a miẹn ehe na ya orukhọ iran bọ iran.

Ebe ne Pọl gbẹẹn gie emwa Rom 5:20

Te a mu Uhi rre, ne abaku ru miẹn ehe na bun sẹ ayọ, sokpan ehe ne orukhọ na do bun sẹ ayọ, ẹsọhẹ Osanobua ghi ye vbe bun sẹ ayọ sẹ ọre.

Ebe ne Pọl gbẹẹn gie emwa Rom 9:22

Erriọ emwi ne Osanobua ru wa vbe ye zẹẹ. Ọ ho ne ọ rhie ohu ẹre maa kevbe ne ọ vbe rhie iwegbe ẹre ladian ne a miẹn. Ọ keghi wa kakabọ ziengbe ya mu ẹmwẹ iran ne ohu ẹre muẹn woo egbe, emwa ne ọ te kei ne a rẹnkhẹn uan.

Ẹfisọs 1:6

Wa gie ima rho Osanobua ye ẹsọhẹ nọ mwẹ uyi ọghọe, kevbe emwi ọhẹ ne ọ ya ru ima ẹse, vbe uwu ovbi ẹre ne ọ ghan!

Ẹfisọs 1:8

ne irẹn wa vbe rhie ẹre ọrhẹnrhẹn ne ima. Vbe uwu ẹwaẹn ọghọe, kevbe ne ọ na ghe umian emwi.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

Jems 5:11

Te ima ghi tie iran emwa ni rre oghọghọ rhunmwuda, iran zin egbe. Wa họn ẹn vbene Job ziengbe hẹ, wa vbe rẹn vbene Nọyaẹnmwa ghi fiangbẹe hẹ vbe okiekie. Rhunmwuda, Nọyaẹnmwa vuọn ne itohan kevbe ẹnina.

II Pita 3:15

Wa gha ka i ziengbe Nọyaẹnmwa ye ẹkpo otọ ne ọ rhie ne uwa, ne a ya miẹn uwa fan, zẹ vbene ọtẹn mwa ighẹ Pọl ya ẹwaẹn ne Osanobua rhie nẹẹn gbẹn ebe ẹre gie uwa.

II Pita 3:9

Zẹ vbene emwa eso roro ẹe, ẹ i re te Nọyaẹnmwa ghi si ẹe kpẹe vbe otọ ighẹ emwi ne ọ wẹ rẹn ra ru, sokpan te ọ ziengbe rhunmwuda uwa, rhunmwuda, rẹn iho ne ọmwa rhọkpa fuan, sokpan ọ ho ne emwa hia fiwerriẹ hin orukhọ iran rre.

I Samuẹl 2:3

Dobọ owogho oghagha ruẹ yi gie ẹmwẹ uhiomwẹ ruẹn gbẹdọ, rhunmwuda, e Nọyaẹnmwa, Osanobua ne ọ rẹn emwi ne ọ sunu nọ, ọ vbe bu ohiẹn emwi ne emwa ru hia.