Aizaia 30:11 - Edo Bible (E Baibol Ẹdo) Version 1996

¹¹ Biegbe vbe odẹ ne u ghẹ degue ima odẹ. Ma i ho ne ima ghi họn vbekpa ọghe Osanobua nọhuanrẹn Izrẹl ruẹ na.”

Aizaia 30:11 ပူးပေါင်းရင်းမြစ်များ

II Ọba 19:22

De ọmwa ne uwẹ ro ighẹ u kpa unu ghe usin ne u na vbe ya ẹe gbe ogie yi? U ma ya ọghọ mẹ, mẹ ne Osanobua ne ọ huanrẹn ọghe Izrẹl.

Job 21:14

“Emwa dan ghi tama Osanobua wẹ ne ọ sẹ iran rae. Iran i ho ne iran rẹn vbene ọ mwamwa ẹdagbọn iran hẹẹ.

Aizaia 29:13

E Nọyaẹnmwa khare wẹẹ, “Iran na khare wẹ mẹ ọ re iran ga, sokpan, ẹmwẹ iran i mwẹ emwi ne a yae kha, ehe ọvbehe ọ re ekhọe iran ye. Ugamwẹ iran ma gberra uhi emwa nagbọn kevbe ilele ọghe erriọ a ka ru ẹẹ dee ẹdẹ, ne iran ruẹe ye uhunmwu.

Aizaia 29:21

Osanobua gha fuẹn iran an ighe avbe emwa ni ta ẹrrẹe ọtakhọ, iran ne ẹ i gia rri emwa dan oya, iran ni ta ohoghe ne a ghẹ miẹn ehe na bu ohiẹn ẹmwata ne emwa esi.

Emọs 7:13

Gie iran gha ha ruẹ osa yọ. Ghẹ ghi guan ẹmwẹ akhasẹ vbe emwa vbe Bẹtẹl ọvbehe. Ehe ne Ọba na ga ọ re ọna khin, Ọgua Osa ẹvbohoho.”

Maika 2:11

“Egbe akhasẹ ne iran na ho ọrọre ne ọ talọ ohoghe kevbe ne ọ rẹrẹ emwa, ne ọ vbe kha wẹẹ, ‘I ta ẹe zẹ vbe akhasẹ wẹ ayọn kevbe emwi ne a da gha kpọkua ne uwa!’

Iwinna 13:8

Sokpan, Elimas ne ọbo edunna na (erriọ a tie ẹre vbe Grik) keghi gha gbe odan ye iran ẹmwẹ, ọ keghi ho ne ọ rhie ekhọe Enogie hin iyayi ni rre.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Ebe ne Pọl gbẹẹn gie emwa Rom 1:30

Iran ta ewẹwẹwẹ, iran ta egbe ọtakhọ, iran khui iwu Osanobua, iran zẹ vbe udu, iran tọn egbe mu, iran rhuọ, iran ghi gha gualọ iba ọgbọn ne iran gha zẹ, iran i họn ẹmwẹ ne evbibiẹ iran.

Ebe ne Pọl gbẹẹn gie emwa Rom 8:7

Rhunmwuda ọnii, a deghẹ egbe zẹ vbene a yiẹe ọre ọ gie odẹ emwi ne ọmwa gha ru ma ọmwa, ọmwa ni khian oghian Osanobua nẹ, rhunmwuda, ẹ i ghi zẹ ye vbene uhi Osanobua kha re, vbe ẹmwata, rẹn i ghi vbe sẹtin zẹ yọ.

Ẹfisọs 4:18

Ekhọe iran keghi vbe rre uwu ebiebi. Iran i mwẹ oghae vbe ẹdẹ agbọn ne Osanobua ya ru ọmwa ẹse, rhunmwuda iran ma zẹdẹ rẹn ne a ye, iran keghi vbe ze vbe udu.