Aizaia 30:1 - Edo Bible (E Baibol Ẹdo) Version 1996

¹ E Nọyaẹnmwa guaan nẹ wẹẹ, “Ọghe iran ni khaemwisẹ yan Igipt fo nẹ rhunmwuda, iran sọtẹ mwẹ. Uviẹn ne I ma vin ọ re iran lele. Iran ghi vbe ya gha gu emwa ke ọta ne I i ma kue yi, iran ghi gha kun orukhọ yan orukhọ.

Aizaia 30:1 ပူးပေါင်းရင်းမြစ်များ

II Ọba 18:21

Te u mu ẹtin yan Igipt ne ọ ru iyobọ ne uẹn, sokpan te ọ yevbe ne ọmwa ya ovbi erhan ru ọkpọ ne ọ ya tua otọ khian, te ọ bun fua, ọ ghi so e nọyan rẹn obọ, erriọ Igipt ye vbe ọmwaikọmwa a mu ẹtin yan rẹn.”

II Ọba 18:24

Wa ma vba ne ọ ghi kanmwa sẹ vbe avbe ekaokuo ivbi Asiria, la evba Sevba, wa na rhie aro yọ wẹ ne Igipt viọ ikẹkẹ okuo kevbe emwa ni hin ẹsin gie uwa.

Psalm 61:4

Gun mwẹ gha rre owa ne ọ huanrẹn ruẹn, vbe ẹdagbọn mwẹ hia, gun mwẹ lẹfe ye ototọ ifuẹn ruẹn.

Aizaia 1:2

E Nọyaẹnmwa khare wẹẹ, “Otọe vbe ukhunmwu, wa danmwehọ ẹmwẹ ne I ra ta na! Emọ ne I biẹlẹe sọtẹ mwẹ.

Aizaia 1:23

Etẹ ọ re avbe ọkaolotu ruẹ khin, kevbe avbe ọse avbe oyi, ẹghẹ hia ọ re iran ya miẹn emwa emwi ihaoko kevbe igho odieke. Iran i guan ne avbe ne ẹ i mwẹ erha vbe iko ẹzọ, erriọ iran i vbe zẹye avbe ẹgbẹ re vbe iran a do gui ma iran.

Aizaia 1:4

Ọghe uwa fo nẹ, wa ne uhunmwu ẹvbo ni ru orukhọ, wa ne emwa dan ni kẹkẹ ua! Orukhọ uwa silo uwa gbe otọ nẹ, wa fi yeke gbe Nọyaẹnmwa ne Osanobua Izrẹl, wa keghi hee ẹe yotọ.

Aizaia 1:5

Vbọzẹ ne uwa na sọtẹ khian vberriọ yi? Te uwa ho ne a ye rri uwa oya sẹẹ ọna ra? Izrẹl, ghe vbe ẹtẹ gba uwa uhunmwu hia. Orhiọn kevbe ekhọe uwa khuọnmwi.

Aizaia 28:15

Wa gha rhuọ wẹ wa gu uwu koo ẹmwẹ nẹ, wa kevbe gu agbọn iran ni wulo nẹ koo ọta, wa keghi gba mu ẹẹn kọ ye efọnkpa. Aro uwa wa vbe dae wẹ, ẹghẹ ne ọfuan gha na rre, ọ gha fi uwa yi, rhunmwuda, wa mu ẹtin yan ohoghe kevbe erẹrẹ ne ọ miẹn uwa fan.

Aizaia 28:20

Wa ghi do ye vbe oko nii ne a ya kpa itan, ọ keghi lovbiẹ ye ukpo ne ẹ i sẹ a na niẹn egbe, kevbe ukpọn ne wẹnrẹn ne ẹ i sẹ a ya hiẹn egbe.

Aizaia 29:15

Ọghe iran fo ighe avbe emwa ni ho ne iran gha rhie emwamwa iran lẹre ne Osanobua. Iran ru emwi ne iran mwamwa ẹn vbe ẹkhokho, iran ghi vbe gha ro wẹ ọmwarhọkpa i ra bẹghe iran, ra ne iran rẹn emwi ne iran ru.

Aizaia 30:9

Ẹghẹ hia ọ re iran ya sọtẹ Osanobua, ẹghẹ hia ọ re iran ya ta ohoghe, ẹghẹ hia ọ re iran ya he ne iran họn iruẹmwi e Nọyaẹnmwa.

Aizaia 31:1

Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Aizaia 4:5

Ẹghẹ nii, e Nọyaẹnmwa gha gie okuku amẹ vbe ẹghẹ avan, kevbe ighogho deba erhẹn ne ọ baa vbe ẹghẹ asọn gie Oke Zaiọn kevbe emwa ni si koko ye evba. Uyi ọghe Osanobua gha rhuẹ yan rẹn, ọ ghi degue ẹvbo nii hia.

Aizaia 5:18

Ọghe uwa fo nẹ! Wa ma sẹtin zobọ vbe orukhọ ne uwa ru.

Aizaia 63:10

sokpan, iran keghi sẹmwẹ ọnrẹn, iran keghi gha rhia ẹre ẹko rua. Rhunmwuda ọnii, e Nọyaẹnmwa keghi khian oghian iran, Ọ keghi gu iran gbinna.

Aizaia 65:2

Te imẹ te wa mu egbe vbe ẹghẹ hia ne I ya miẹn avbe emwa mwẹ yi, iran ni ya izevbudu ru emwi ne ọ ma gba, iran na gha ru ọghe iran khian.

Aizaia 8:11

E Nọyaẹnmwa keghi ya ẹtin ẹnrẹn nọkhua ya obọ sekhae mẹ wẹ ne I ghẹ lele odẹ ne avbe emwa nii lele khian. Ọ wẹẹ,

Aizaia 8:12

“Ghẹ deba uma ne avbe emwa nii si, ghẹ vbe mu ohan emwi ne iran mu ohan ẹnrẹn.

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Jerimaia 17:5

E Nọyaẹnmwa khare wẹẹ, “Mẹ gha bu abe gbe ọmwa ne ọ fi iyeke gbe mwẹ, ọ na ya mu ẹtin yan ọmwa, yan ẹtin ọmwa ne ọ vbe wu.

Jerimaia 2:18

De ere ne ọ rre uwa ẹre yi vbe uwa a dọlegbe gha rrie Igipt, ne uwa ya wọn amẹ Naẹl? De emwi ne uwa yayi ighe wa gha miẹn vbọ, vbe uwa a dọlegbe gha rrie Asiria, ne uwa ya wọn amẹ Yufretes?

Jerimaia 37:7

Ne I ya tama e Zedekaia wẹẹ, “Ivbiyokuo Igipt wa dee nian ne iran do yuọ obọ, sokpan, iran gha werriegbe.

Jerimaia 4:17

iran ghi vbe lẹga e Jerusalẹm zẹvbe emwa ni khẹ ugbo; rhunmwuda, iran sọtẹ ghe Nọyaẹnmwa nẹ. E Nọyaẹnmwa tae nẹ.

Jerimaia 42:19

Ọre I na rhie te ẹe wẹẹ, “E Nọyaẹnmwa tama uwa na ne ọ ghi kẹe vbe Juda wẹ ne uwa ghẹ dọlegbe gha rrie Igipt. Rhunmwuda ọnii nian, I tama uwa yotọ nẹ o.

Jerimaia 5:23

“Sokpan, wa na, wa ze vbe ẹkoko udu, wa keghi vbe sọtẹ, wa lahin odẹ rre, wa keghi sẹ mwẹ rae.

Ezikiẹl 11:2

Osanobua keghi tama mwẹ wẹẹ, “Ovbi ọmwa, avbe emwa na, emwamwa dan ọ re iran mwamwa, iran keghi bu emwa ude dan vbe ore ẹvbo na.

Ezikiẹl 2:3

“Ovbi ọmwa, I ra giọ bu ivbi Izrẹl gha khian. Iran sọtẹ, iran keghi mu aro igbinna da mwẹ, etẹ nii ọ re iran ye khin na, zẹ vbene avbe erha iran odede vbe gha ye.

Ezikiẹl 24:3

Kpa itan na ma emwa mwẹ ni sọtẹ, rhunmwuda mẹ ne Nọyaẹnmwa ne Udazi ọ re ọ kpa itan na ma iran: “Mu akhe ye erhẹn, vbe sa amẹ vuọn rẹn.

Ezikiẹl 29:16

Izrẹl i ghi ra dọlegbe mu ẹtin yan iran wẹ ne iran do ru iyobọ ne iran. Emwi ne ọ rruan Igipt gha rhie ma ivbi Izrẹl wẹ emwi ne ọ ma gba nọ ne a te mu ẹtin yan iran. Ẹghẹ nii, Izrẹl gha rẹn wẹ mẹ ọrọre Nọyaẹnmwa ne Udazi.”

Ezikiẹl 3:9

I gha ru ẹe ne uwẹ ye gbain zẹvbe utete okuta kevbe ne ọ kaka zẹvbe edaiamọn, ghẹ gie ohan avbe etẹ nii mu ẹẹn.”

Hozia 11:6

Okuo gha khọn la ore iran, ọ ghi guọghọ urho ne a la la ẹvbo kua. Ọ gha rẹnkhẹn emwa mwẹ rhunmwuda, emwi ne iran ro ighe ọ maa sẹ vbe ekhọe iran ọ re iran ru.

Hozia 13:2

Te iran ra wa ye gha ru orukhọ khian, vbekpa ne iran gha na gha ye ematọn dunmwu emwi ne iran ra gha gho avbe amazẹ esiliva, ne emwa nagbọn ye ekhọe mwamwa, ne emwa nagbọn ye obọ ru, iran keghi vbe kha wẹẹ, “Wa ya gha zọ ese gie ẹe.” Vbe emwa gu ye unu soso avbe amazẹ vberriọ unu yi, avbe amazẹ ni ye vbe ẹkhuia ẹmila.

Hozia 7:13

Ọghe iran fo vbotọ! Iran sẹ mwẹ rae, iran keghi sọtẹ ghe mwẹ. A gha fuẹn iran an. Te I ho ne I miẹn iran fan, sokpan ugamwẹ ohoghe ọ re iran ga mwẹ re.

Zẹkaraia 4:6

Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Nọmbas 32:14

Banbanna nian, wa vbe rhie ihe erha uwa, orre ọgbọn ọ ghe emwa orukhọ, emwa ni wa vbe mu egbe ne iran vbe tie okuosu e Nọyaẹnmwa dọlegbe yan Izrẹl uhunmwu.

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Diuteronomi 29:19

Wa ghẹ gie a miẹn wẹ orhiọnkpa rre emwa na ẹrẹ ne ọ họn avbe emwi ọghọ ne a wẹ ne a gha ru ẹrẹna, ọ na ye gha ro ighẹ emwi gha dunna ne irẹn, ọ gha khọn irẹn ne irẹn ya izevbeudu gha ru vbene ọ khọn irẹn. Emwi na gha fuẹn uwa hia a, kevbe ne ọ ma an, kevbe nẹ i ma an.

Diuteronomi 9:24

Ke ẹghẹ ne I ya rẹn uwa gha dee, te uwa wa gha sọtẹ e Nọyaẹnmwa.

Diuteronomi 9:7

“Wa ghẹ mianmian vbene uwa ya ohu mu e Nọyaẹnmwa ne Osanobua hẹ vbe uwu ato.

II Timoti 3:13

Sokpan avbe emwa dan kevbe ayunukpaegbe ghi gha rhia yọ rhia yọ, iran ghi gha mu emwa ọvbehe rẹrẹ, a ghi vbe gha mu iran tobọ iran rẹrẹ.

Jọsua 9:14

Ivbi Izrẹl keghi miẹn iran evbare eso sokpan, iran ma nọ e Nọyaẹnmwa emwi ne iran gha ru.