Aizaia 3:9 - Edo Bible (E Baibol Ẹdo) Version 1996

⁹ Ẹmwẹ ne iran rhie ye ekhọe ọ re a ra ya gu iran gui. Te iran ghi wa rhan ma orukhọ zẹ vbene emwa Sọdom ghaa ye. Ọghe iran fo ne, obọ iran ọ re iran ya sii ẹe gie egbe iran.

Aizaia 3:9 ပူးပေါင်းရင်းမြစ်များ

Gẹnẹsis 13:13

ne emwa rẹn re emwa dan ni vbe ru orukhọ ghe Nọyaẹnmwa.

Gẹnẹsis 19:34

Ẹdẹ ghi gbe, ovbi ẹre nokhuo nọdiọn keghi tama nekherhe wẹẹ, “Mẹ vbe erhamwẹ gba ru emwi ọdọ vbe amwẹ nasọn, gie ima vbe ye ayọn nẹẹn da asọn na ne uwẹ vbe ya lovbiẹ kẹe. Ma eva ghi do biẹlẹ ne erha ima.”

Gẹnẹsis 4:5

Sokpan ọ ma rhan obọ miẹn Keni ke ese ẹre. Okuosu ke rrie Keni, aro ẹre ke khọrhiọ uan vbe uhunmwu ne ohu.

II Ọba 9:30

E Jehu keghi sẹ Jezrẹl. E Jezibẹl ghi họn emwi ne ọ sunu, ọ keghi ba itiro, ọ na dọlọ eto ẹre yi ẹse, ọ keghi mudia ye ewindo ẹguae ke evba gha ghe adesẹ ore.

Psalm 10:4

Ọmwa dan i vbe zẹ ye Nọyaẹnmwa re vbe uwu itengbe mu ẹnrẹn, ọ rorẹe wẹ, Osanobua imwẹ asa ne ọ khin.

Itan 15:32

U gha he iruẹmwi, egbe ruẹ ọ re u ru khọ. U gha rhan obọ miẹn aguọmwagui, u ghi do gha wan sayọ.

Itan 30:13

Emwa eso rrọ ni ro wẹ iran maa gbe a i miẹn ọmwa vbe ne iran ye hiehiere.

Itan 8:36

Ọmwa ne ọ ma gualọ mwẹ miẹn te ọ kuan egbe ẹre ọmwa ne ẹmwẹ mwẹ sọnnọ, ẹmwẹ uwu ọ re ọ yẹ ọre.”

Aizaia 1:10

E Jerusalẹm te avbe iran ni khaemwisẹ yan ruẹn kevbe avbe emwa ruẹn yevbe ọghe Sọdom kevbe Gomorra. Danmwehọ ẹmwẹ ne Nọyaẹnmwa wa tama ruẹn nian. Rhie ehọ ye emwi ne Osanobua mwa ma ruẹn re na.

Aizaia 3:16

E Nọyaẹnmwa khare wẹẹ, “Ghe vbene ikhuo e Jerusalẹm hio hẹ. Iran ghi gha tọn ukpihue mu khian. Iwinna ọghe ọ re ọ mu iran. Iran ghi gha zẹ owẹ gain gain, emwiobọ ne iran ya te egbe ghi gha tu giẹin giẹin.

Aizaia 57:20

Sokpan te emwa dan yevbe okun ne ọ hẹ yo hẹ rre, ne ulẹmwẹ ọnrẹn idobọ yi ne ọ na vẹ ladian, ọ ghi ya gha viọ iku kevbe isan ẹmila rre.

Aizaia 59:12

“E Nọyaẹnmwa, emwi dan ne ima ru ghe ruẹ wa bun. Orukhọ mwa wa gu ima gui. Ma wa rẹn wẹ ehia wa rre evba.

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jerimaia 3:3

Ọnii ọ re ọ sii ẹe ne a na wẹ ne amẹ ghẹ rhọ, ne amẹ ahọ orhọ ma na ghi rhọ. Te uwe wa yevbe ebabotu, ekhue i vbe mu ẹẹn.

Jerimaia 6:15

Te ekhue ghi mu iran ra rhunmwuda ẹkẹkhẹrhẹ ne iran ru? Hiehiere, ekhue ma zẹdẹ mu iran. Iran ma rẹn vbene emwi gbe ọmwa egbe hẹ. Rhunmwuda ọnii, iran gha dele, zẹ vbene emwa ọvbehe ka vbe dele yi evba nii ọ re ọ ghi ra gha re ufomwẹ iran. Mẹ ne Nọyaẹnmwa taa ẹe nẹ.”

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Eve Orriara 5:16

Avbe emwi ne ima te ya ghan hia okpa ma ghi kẹe vbọ. Ma ru orukhọ nẹ, banbanna, ọghe ima fo.

Ezikiẹl 16:30

Vbenian ọ re Nọyaẹnmwa ne Udazi ghi kha nian: “Te uwa ru avbe emwi na hia zẹ vbe igberagia ne okhuo ekhue i mu awa.

Ezikiẹl 16:49

Te irẹn kevbe ivbi ẹre nikhuo gha hio rhunmwuda ọkpọkua ne iran gha re, iran keghi vbe gha rrọ vbe ọfumwegbe kevbe a i mwẹ oyanghan, sokpan iran ma gbearoghe avbe ivbiogue kevbe iran ne ọ ma dunna na.

Ezikiẹl 23:16

Ọwarọkpa vbe ọ wa bẹghe iran, ẹmwẹ iran kegha fifi ẹre egbe, ọ keghi gie uhunmwu gie iran vbe Babilọn.

Daniẹl 7:20

I keghi vbe gha ho ne I rẹn vbekpa igho igbe ne ọ rre ọre uhunmwu, kevbe unu ọkpa, ọ keghi wa vbe rhuọ orhuọ uhiomwẹ. Rẹn ọ re ọ wa mu ohan sẹ iran nekpa hia.

Hozia 13:9

“I gha fuẹn uwa ne ivbi Izrẹl ua! De Ọmwa ne ọ ghẹ ghi sẹtin ru iyobọ ne uwa?

Hozia 5:5

Uhiomwẹ ivbi Izrẹl ya iran rrie. Orukhọ iran ọ re ọ ye iran rrua owẹ ne iran na dele. Ivbi e Juda keghi dele ba iran.

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.

Arhie Maan 11:8

Ikun iran ghi vbe gha rre adesẹ ẹvbo nọkhua nii, ehe ne a na kan Nọyan iran mu ugbugbe. Eni oro ne a mu ne ẹvbo ni ọrọre Sọdom ra Igipt.

I Samuẹl 15:32

E Samuẹl keghi kha wẹẹ, “Wa mu Agag ne ọba bu mwẹ gha die emwa na.” Agag kegha dee vbene ọ na guọ vbe ọ dee. Ọ keghi kha wẹẹ, “Uwu mianmwẹ gbe!”