Aizaia 3:5 - Edo Bible (E Baibol Ẹdo) Version 1996

⁵ Edọmwadẹ ọghọe ghi gha gbe ogieva ẹre rhu. Avbe igbama i ra ghi gha ya ọghọ ne eniwanrẹn, deba re avbe ivbivbi emwa nii i ghi ra gha yọghọ ne emwa ni sẹẹ iran.

Aizaia 3:5 ပူးပေါင်းရင်းမြစ်များ

II Ọba 2:23

Elaisia keghi kpao vbe Jẹriko rre gha rrie Bẹtẹl. Ọ ghi sẹ ẹvbo ọkpa ibiẹka eso keghi ladian ya ẹe gha gbe ogiẹ. Iran kegha kha wẹẹ, “Agbakpan, ladian mwa!”

Aizaia 1:4

Ọghe uwa fo nẹ, wa ne uhunmwu ẹvbo ni ru orukhọ, wa ne emwa dan ni kẹkẹ ua! Orukhọ uwa silo uwa gbe otọ nẹ, wa fi yeke gbe Nọyaẹnmwa ne Osanobua Izrẹl, wa keghi hee ẹe yotọ.

Aizaia 11:13

Otọe arriọba Izrẹl i ghi ra vbe dọlegbe gha gu e Juda taekpẹn ọvbehe, e Juda i ghi ra vbe gha re oghian Izrẹl ọvbehe.

Aizaia 19:2

E Nọyaẹnmwa khare wẹẹ, “I gha bọ Igipt ye igbinna owowa, I ghi viọ etẹn nikpia aro da etẹn iran nikpia, kevbe emwa ẹdogbo ẹre aro da emwa ẹdogbo ẹre ọvbehe. Avbe okpẹvbo ni gu egbe suan ghi gha gu egbe iran khọn, avbe ọba ni gu egbe suan ghi gba gha sinmwi ẹtin.

Aizaia 9:18

Uyinmwẹ dan emwa nii gha to vbe erhẹn ne ọ giẹn ẹti oha igban, ọ gha giẹn vbe erhẹn ẹgbo ne ọ zẹ okpighogho ghe odukhunmwu.

Jerimaia 22:17

Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Levitikọs 19:32

“Wa gha daa ne avbe ọmaẹn, gha ya ọghọ ne iran, rhunmwuda ighẹ wa mu ohan mwẹ. Mẹ ọ re Nọyaẹnmwa.

Emọs 4:1

Wa danmwehọ ẹmwẹ na, wa ne ikhuo e Sameria, ni ti ye egbe vbe ẹmila ne a koko vbe Basian, ni ru emwa ni ma wegbe khọ, ni wọ avbe ivbiogue uhunmwu, ni nọ wẹ ne avbe ọdafẹn iran gha dẹ ayọn gie iran.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Zẹkaraia 11:6

(E Nọyaẹnmwa khare wẹẹ, “Mẹ i ghi tohan ọmwarhọkpa vbe otọe agbọn ọvbehe. Mẹ tobọ mwẹ gha viọ emwa ni hia ye ẹtin iran ni khaemwisẹ yan iran obọ. Iran ni khaemwisẹ gha duẹ otọ agbọn uan, mẹ i ra vbe wọlọ ẹe hin ẹtin obọ iran rre.”)

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Matiu 26:67

Ẹghẹ ni, iran na ghi gie asẹn ye ọre aro, iran keghi ya ugbemwẹ rhanmwẹ ọẹn. Iran ni gbe ubi ye ọre aro keghi vbe kha wẹẹ,

Iyẹn ne ọ Maan Ọghe Mak 14:65

Eso vbe uwu iran keghi suẹn gha tu asẹn ku Jesu, iran keghi gba ẹre aro, iran ghẹ ghi fi ẹre emwi nẹ, iran ghi nọ rẹn, “Ta ọmwa nọ fi uẹ emwi!” Iran ni khẹ odẹ keghi rhie ẹre, iran na ya ubi yan rẹn.

Iyẹn ne ọ Maan Ọghe Luk 22:64

Iran ghẹ ghi gba ẹre aro nẹ, iran ghi wẹẹ, “Ta ọmwa ne ọ fi uẹ emwi!”

Jems 2:6

Sokpan, wa i ya ọghọ ne ivbiogue! De emwa ni zẹ uwa owẹ yi, ni vbe silo uwa gie enibuohiẹn? Ẹ i re iran ni fee nọ.

Jems 5:4

Wa ma he ha osa ne iran ne uwa ya gbe ugbo. Wa gha họn vbe ne iran gui hẹ! Eve ne iran ni rhọ emwiokọ uwa ne uwa viẹ, sẹ ehọ Osanobua nẹ, Nọyaẹnmwa ne Oghodua.