Aizaia 3:4 - Edo Bible (E Baibol Ẹdo) Version 1996

⁴ E Nọyaẹnmwa gha ru ẹe ne a miẹn wẹ ibiẹka ikpia ni ma rẹn ne a ye ọ re ọ ra gha khaemwisẹ yan iran.

Aizaia 3:4 ပူးပေါင်းရင်းမြစ်များ

II Krọnikol 33:1

Ukpo iweva ọre Manasẹ gha ye vbe ọ rriọba e Juda, ọ keghi ya ukpo isẹn yan ekigbesiyeha (55) vbe ẹkete vbe Jerusalẹm.

II Krọnikol 34:1

Ukpo erẹnrẹn ọre Josaia ye vbe ọ rriọba vbe Juda, ọ keghi ya ukpo ọkpayanọgban vbe ẹkete vbe Jerusalẹm.

II Krọnikol 36:11

Ukpo ọkpa yan ugie ọre Zedekaia gha ye vbe ọ rriọba e Juda. Ọ keghi ya ukpo owọrọ vbe ẹkete vbe Jerusalẹm.

II Krọnikol 36:2

Ukpo ehayan ugie ọ re Joahaz gha ye vbe ọ rriọba e Juda, ọ keghi ya uki eha vbe ẹkete vbe Jerusalẹm.

II Krọnikol 36:5

Ukpo isẹn yan ugie ọre Jehoiakim gha ye vbe ọ rriọba vbe Juda ọ keghi ya ukpo owọrọ vbe ẹkete vbe Jerusalẹm. Ọ keghi sẹmwẹ e Nọyaẹnmwa ne Osanobua ẹre.

II Krọnikol 36:9

Ukpo evairrọvbugie ọ re Jehoiakin gha ye vbe ọ rriọba e Juda, ọ keghi ya uki eha vbe ikpẹdẹ igbe vbe ẹkete vbe Jerusalẹm. Rẹn keghi vbe sẹmwẹ e Nọyaẹnmwa.

Asan-Ibo 10:16

Ẹvbo nii la ẹmwẹ, a dẹghe igbama ọrọre ne ọ khaemwisẹ yan rẹn, kevbe wẹ avbe ọkaolotu ni rrọ gha wa gha ye asọn hia rri evbare eghọ.

Aizaia 3:12

Iran ni rhie igho isu ne emwa mọmọ gha wọ emwa mwẹ uhunmwu, iran ni rri iran osa kevbe gha mu iran ru. Wa ne emwa mwẹ avbe ọkaolotu uwa bibi uwa odẹ sẹrriọ wẹ, wa ma ghi rẹn odẹ ne uwa ghẹ ghi la.

Aizaia 3:16

E Nọyaẹnmwa khare wẹẹ, “Ghe vbene ikhuo e Jerusalẹm hio hẹ. Iran ghi gha tọn ukpihue mu khian. Iwinna ọghe ọ re ọ mu iran. Iran ghi gha zẹ owẹ gain gain, emwiobọ ne iran ya te egbe ghi gha tu giẹin giẹin.

Aizaia 3:3

avbe ekaolotu ivbiyokuo iran kevbe avbe ọkaolotu ni i re ivbiyokuo, iran ni gbinna igbinna ẹvbo iran, kevbe iran ni ya ẹbo awan kha vbene emwi gha de hẹ.

Jerimaia 52:3

Ohu ivbi e Juda kevbe ivbi e Jerusalẹm keghi mu e Nọyaẹnmwa sẹrriọ wẹ ọ keghi viọ iran hin ehe ne irẹn ye rre. E Zedekaia keghi sọtẹ ọba e Babilọn ighẹ Nebukiadneza.